2022-02-10 14:34:00
مهر ءِ چماں دلکشیناں پچ بکن ، گند نؤک بهار
مَؤج زرتگ واهگاں هم ، رنگ لؤٹنت تئی ودار
پادا همبل جنزگ انت بیل ، کؤهاں دلکشیں بچار
تئی تب انت و هستی انت تئی پرترا هم مهروار
لؤگ ؤ سنگر، هم هزانگ، آپ ؤ هم تئی وَش پناه
پَٹ ءِ چم انت، کؤه تئیگ ؤ کیچگانی مردشکار
زؤربَرانی دژمن انت ؤ زلم په بیریں وت گرئند
لؤگ انت راج ءِ همبلانی، هم پناه په سرمچار
زلم چؤ کرمے زندمان ءَ وارت تئی جهدانی هون
شرّ بچار تئؤ زندمان ءَ ، کشّی ساه ءَ شیرمزار
بات سربرز دیدگیں بیل هر که زند ءَ آجو انت
شات ببات ؤ تب په گهگیر، پُلءِ داب ءَ چؤ بهار
شهد انت واجه بئے وتی زند، لؤگ و هستی وتی دؤد
تهل گلامی هست چؤجَؤرءَ، زند ءَ کنت انت زهرمار
دُرّیں هاک انت دیدگاں مئے ، هپت هزار پُشتانی بیه
بیا که بیرک ترا توار انت ، بُرز گواتو تئی بدار
تهل - کریم
09.02.2022
#من_هم_مزارم #راجی_جهد #راجی_تپاکی_گل #دولت_ملی_بلوچستان #بلوچستان_دیمروی_وتواجهی_وتمستری
https://t.me/SahabBalochistan/54278
325 views11:34