2023-06-23 21:00:28
مساء الخير ، شلونكم ان شاءلله بخير
اكثر سؤال يسالوني اياه الروتيترية بالطوارئ ، دكتورة شلون اقرر يا رقم وشنو نوع الخيط اللي لازم استخدمة للwounds
بالبداية خلي افهمكم شغلة
رقم الخيط الجراحي مايدل على حجمة
يعني من نكول 3-0 silk و 3-0 prolene مو معناته انو ثنيناتهم نفس الحجم ، لا اساساً حجمهم يختلف على الرغم انو هم ثنيناتهم نفس الرقم ، لعد شنو يعني هل رقم؟؟؟
معناته ثنيناتهم نفس ال breaking strength ( لونته بالاخضر بالصورة )
، قوة الخيط كلما الرقم اكبر معناته الخيط مُعرض للقطع اكثر
يعني 2-0 اقوى من 3-0 ،
3-0 اقوى من 4-0 وهكذا
يعني هل رقم لا يمت لل width of suture بصلة
،
احنا بالطوارئ اغلب الكيسات اللي تجي واللي ممكن الروتيترية يشتغلوها هي على الSkin فـ ماراح ادخل بتفاصيل الخيط اللي نستعملها بغير اماكن بالبلاستك مثل الtendon .
اول شي تباوعله من تختار نوع الخياط هو ، انو لازم يكون cutting needle مكتوب على غلاف الخيط ( لونته بالاصفر ) ، هل نوع هو الstandard for skin وكلش يسهل الsuturing عليك ، عكس ال taper needle يكون كلش مزعج وصعب ( اللي نستعمله للtendon injury)
.
شنو نوع الخيوط المتوفرة بالطوارئ ؟ عدنا تلث انواع متوفرة
Vicryl , prolene , silk
الvicryl هذا يكون absorbable ، يعني مايحتاج يرجعلنا المريض علمود نشيل الخيط لانو هو راح يصيرله degradation، بس يرجعلنا علمود الfollow up
وين نستعملة ؟
بالاطفال ، لانو الhealing يمهم اسرع من الadult
وحتى لا نزعج الطفل بسالفة الremoval of suture
ونستعملة بـ الmucosal injury مثل oral mucosa
Tongue , lips
ومن نريد نخيط double layers ، دائماً الdeep layer نستعمللها vicryl .
زين هسه افتهمنا شوكت نستعمل الvicryl , زين شلون نقرر رقم الbreaking stength!!
اي مكان بي tension استعمل اقوى breaking strength number حتى لا ينقطع الخيط , اللي كلت فوك انو كلما الرقم اصغر معناته اقوى .
مثلاً احنا الstrandard اللي نستعمله هو 3-0 ( عدا الفيس )
.
.
احس طولت احاول اختصر ، يبقالنا البرولين والسلك
شنو الفرق بينهم؟
البرولين والسلك ثنيناتهم non absorbable نستعملهم بالـ
outer layer in case of double layers suturing
ولكل انواع الwounds خاصة الhands باعتباره اكثر مكان مُعرض للtension
زين لعد شنو الفرق بين السلك والبرولين؟
الSilk is multifilament
اللي معناته هو خيط وملتف عليها طبقات خيط ثانية ( شوف صورتها جوه )
يعني مُعرض اكثر للالتهاب ( لانو اكو زوايا ، ينمو بيها البكتيريا بداخل هل هوسة من الخيوط ) لهذا منستعمله بالـ infected wound ابد لان راح يزيدها علينا
الprolene is monofilament
خيط يكون الouter layer مالته smooth , ميكدر البكتيريا ينمو عليها
فـ يكون آمن للinfected wound
شغلة اخيرة اكولها واروح ، تثبيت الdrains كل الجراحين يستعملون الSilk بس كتب البلاستك تكول انو يُفضل نتجنبة ، ليش؟ لانو يزيد الinfections , الكتاب يكول :
, it increases the local inflammatory response and the surface can harbor more bacteria.
لهذا يُفصل نستعمل البرولين
هاي هيه ، مع السلامة
Dr Halla Saadoun - Plastic surgery Resident
#plastic_resident
3.0K views18:00
𝐏
