التركيبة الثانية تستخدم طبعا اذا نريد نعتمد گايد لاين وشي رسمي | 💊彡صيدليتي 彡™🦠
التركيبة الثانية تستخدم طبعا اذا نريد نعتمد گايد لاين وشي رسمي ف هي مو otc بس راح تشوفون هواااي حالات تجي للصيدلية ميردون يرحون طبيب او رايحين قبل ومشخصهم بس العلاج ما فادهم او اي سبب ثاني و يطلبون من الصيدلاني\ة خلطه او علاج الي هي لحالات البواسير الي تصير بالمقعد مكوناتها
-اينجيسد Angised 2mg يعني اربع حبايات لان الجرعه تجي نص ملغرام بالحباية الوحدة
-50 g فازلين طبي
الطريقة اول شي تطحنون الحبوب مال انجسيد(حب تحت اللسان) وطحن قوي بحيث نهائيا ميكون ملموس شي تكتلات ومن بعدها تضيفون الفازلين الطبي وتخلطوا بشكل متجانس اكثر من مره حتى تتاكدون انو الباودر انمزج كله وتنقلوا للكب الخاص بالتركيبات
الاستخدام ٣ مرات مسح على المنطقه — طبعا هسه تكولون هاي شنو الخلطه حب تحت اللسان شجابه ع بواسير بس هو كلش فعال لان هو موسع للاوعية الدموية ف بالتالي راح يسوي توسع للاوعية المسدودة او المتضيقه ف يقلل الالم ويعالج ويفضل ان تنطون نوع ملين مناسب للبيشنت لان حالات الامساك للي عدهم بواسير تكون مؤلمه جدا ومزعجة #تركيبات_صيدلانية
