اليوم راح نحجيلكم عن مرض جديد يصيب الاظافر ويسوي بيها فطريات ( | 💊彡صيدليتي 彡™🦠
اليوم راح نحجيلكم عن مرض جديد يصيب الاظافر ويسوي بيها فطريات (onychomycosis)
طبعاً هذا المرض تسببه عدوى فطرية راح تصيب الاظافر وهاي العدوى تننشر بالاظافر ببطئ
ف شلون نعرف نشخص هالمرض صح خلي احجيلكم عن اعراضه
طبعا من الاعراض الرئيسية اله راح يتغير لون الاظافر الى البيض او الاصفر وتبدي الاظافر تتكسر ويصير بيها هشاشة
وطبعا شغلة ثانية هذا المرض اكثر شيوعاً عند الاشخاص الكبار بالسن وراح تكون الاصابة باصابع القدم اكثر من اصابع اليد
-زين بالنسبة للعلاج شنو؟
- طبعاً العلاج ببعض الحالات البسيطة يستخدمون "صبغ الاظافر" الي يحتوي على مادة اسمها (Amorolfine) بتركيز 5% بس الشغلة الموحلوة بهذا العلاج انه ميصير نستخدمه للمرأة الحامل والمرضعة،ولازم يكون عمر المريض اكثر من 18 سنة
-زين اكو علاج ثاني ؟ اي اكو علاج ثاني الي يكون استخدامه orally الي هو (terbinafine)
-راح تسئل سؤال بعد تكول زين كل الحالات اكدر اتعامل وياها واعالجها لو اكو حالات نسوي رفيرل للدكتور؟
-طبعا الحالات الي منكدر نتعامل وياها اذا كانت الاصابة قوية وبأكثر من اصبع واذا جان المريض مصاب بالسكري فبهاي الحالات لازم نسوي رفيرل للدكتور هو يتعامل وياها
