التهاب الاذن الخارجيه ايه الاعراض الي المريض هيدخل يشتكيلنا | Successful Pharmacist 𖦹
التهاب الاذن الخارجيه ايه الاعراض الي المريض هيدخل يشتكيلنا منها ؟ 1- بيكون في الم شديد في الاذن المصابه 2- الالم بيزيد لما بيجي يحركها او يشد الاذن لبره 3- الالم بيكون مصحوب بضعف بسيط في السمع 4- الاحساس بالحكه والهرش 5- بيكون غالبا في افرازات في الاذن وبيكون لونها اصفر مخضر شويه وبتكون مميز بريحه كريهه غالبا مبيكونش في ارتفاع في درجه حراره الجسم .. ودي علامه مميزه بينها وبين التهاب الاذن الوسطي لان التهاب الاذن الوسطي دائما بيكون مصحوب بارتفاع في درجه الحراره طيب ايه الاسباب الي عملت الالتهاب ده ؟ الالتهاب حصل نتيجه عدوي بكتيريه .. وفي الغالب بيكون منتشر اكتر حاجه في السباحين .. والاشخاص الي مش بينشفوا الاذن كويس من المايه .. وجود المايه في الاذن بيعمل وسط مناسب لنمو البكتيرا .. وده سبب حدوث الالتهاب . هنعالج المريض ازاي ؟ 1- بنديله حاجه ( local antibiotic ) : علشان تقلل الاتلهاب زي ال viotic او otal او otocort او ciprocort وكمان ممكن dexatrol ( دي قطره للعين و قطرات العين تنفع للاذن ولاكن العكس غير صحح ) الجرعه : 3 نقط كل 8 ساعات لو كانت الحاله بسيطه ممكن نكتفي بالنقط فقط اما لو كان الالتهاب شديد : 2- هياخد كمان حاجه systemic anti-biotic : زي : augmentin 1g - hibiotic 1 g - flumox 1gm الجرعه : قرص كل 12 ساعه يوميا بعد الاكل 3- بنوصفله حاجه مسكنه للالم : زي : brufen 400 – macrofen 400 - nova profine 400 الجرعه : قرص كل 8 ساعات يوميا خلي بالك لو المريض بيتشكي من ارتفاع ضغط الدم او مشاكل في المعده بنستبدل المسكنات الي فوق دي بال paracetamol زي : panadol – paramol – adol الجرعه : قرص كل 8 ساعات يوميا النصائح الي هنقدمها للمريض : ننصح المريض بانه يحافظ ع نظافه الاذن وانه دايما ينشفها ولو القطرات ماجبتش نتيحه يروح لدكتور انف واذن وحنجره. • 𝒕𝒆𝒍𝒆𝒈𝒓𝒂𝒎 • : https://t.me/PH_3S
