الاكلات السريعة ليش مضره؟ يعني هي تقريباً نفس المكونات ممكن | يوميـ✨ـات صيدلانـيـ✨ــة
الاكلات السريعة ليش مضره؟
يعني هي تقريباً نفس المكونات ممكن تسويها بالبيت و متصير مضره ، بس من تشتريها حاضره و اكله سريعه يكولون عليها مضره !!!
شنو السبب ؟
اكو عده اسباب للموضوع ، منها :
: الدهون المستعمله للطبخ ، هي من نوع الدهون المهدرجة و هو شكل الدهون السائله بعد تعرضها للهيدروجين ، و هي كلش مضره للصحة و بعض الدول منعت استخدامها ، بس المطاعم يستخدموها لان رخيصه و سهله الخزن و تنطي نكهة للاكل
: اللحوم المستعمله هي لحوم معامله او مصنعه ، يعني تمر بعمليات عديده لاضافه نكهات و لتسهيل خزنها و هذا طبعا يخليها لحوم مضره و منظمه الصحة العالميه تحذر من اللحوم المعامله دائما لارتباطها بخطر الاصابه بسرطان القولون
ثالثاً : النص لتر كجب او المايونيز الي ينضاف للاكلات السريعه حتى تحسن من طعمها ، و طبعا هذه مواد دهنيه مشبعه و بيها سعرات جدا عاليه
: قله الالياف النباتيه بالوجبات السريعه ، يعني مثلا لحد الان ما شفت مطعم ينطي همبرگر و وياه ماعون زلاطه ، بينما بالبيت الزلاطه تكون موجوده عاده و سهله التحضير
: نقاط متعلقه بالبلد نفسه و انفلات الرقابه ، يعني مواد اكسباير على دهن يستعملوه تسع مرات ، الخ ..
