depo prova او مثل يكولون اريد مانع حمل 3 اشهر الاسم العل | عالم الصيدلة

depo prova
او مثل يكولون اريد مانع حمل 3 اشهر


الاسم العلمي medroxyprogestrone
الاسم التجاري depo prova

موجودة بتركيزين 400mg , 150 mg
تستخدم كمانع حمل بشكل اساسي,
انقطاع الطمث الثانوي و يقلل سماكة الuterine عند النساء في Menopause.

اشون تشتغل ؟
مثل مشرحتلكم بالبداية اهمية gonadotropin بال ovulation هنا البروجسترون يثبط الكوناداتروبين وبالتالي يمنع ال ovulation اكو اسهل من هيج


شنو اهم side effects ؟

نزيف حاد او بالعكس
يعني اشون
متجي الدورة او تجي ايام قليلة جدا (وهذا السؤال ينسأل بكثرة من قبل البيشنت " اني استخدمتها وماجتني الدورة اشون ؟ "هنا اتكوليلها عادي هي الابرة هيج تسوي )
فقدان شهية, ضعف, اكتئاب, الم بالبطن, غثيان, تقيؤ, طفح جلدي, الشعور بالنعاس والعصبية الزائدة .

السؤال المهم - اكدر انطيها باي هاند من تطلبها المريضة ؟
لا متكدرون تنطوها الا في حالة هي ماخذه منها قبل او بوصفة افضل.

مو تجيج وحدة خالة والله مليت من الحبوب واريد تنطيني هذه الابرة المستخدمتها حماتي ام ال٣ اشهر
وانتِ ترحين تركضين اتكولليها اتفضلي هذه


اوك اجت بوصفة والدكتورة مكاتبة اشون الاستخدام وهذه اول مرة تاخذها

طريقة الاستخدام كالاتي

اول يوم من الدورة ولحد اليوم الخامس يعني الاول والثاني والثالث والرابع والخامس عادي باي يوم من هذه الايام
انت كوليلها من اول يوم
هسه اتكولج مو اني اليوم الثالث
عادي عزيزتي يصير اليوم اخذيها
بس اني اليوم السادس ؟
هنا لا

ليش دكتورة ؟

احنه اتفقنا من اول الى خامس يوم الدورة
بعد اليوم الخامس لازم تستخدم وسيلة منع حمل اضافية .
وملاحظة ايضا مهمة للامان انه اكو بعض الفيميل الدورة ايامها قليلة فهنا لازم من 1-3 ايام الدورة واذا زادت عن 3 ايام فلازم وسيلة منع حمل اضافية.


موانع الاستخدام ؟
مشاكل القلب والشريان
مشاكل الكلى
تخثر الدم
السكري
الاكتئاب وغيرها