Philophobia 🖤 فيلوفوبيا

2021-06-01 06:31:11 - انا عارف اني غايب ، و يمكن سايب مكان فاضي ! او مكان كان ف الاغلب ، مليان !
مليان صور و قصص و كلام و مشاعر و شعور ، مليان زهور و اغاني و اقتراحات ، و اسئلة ، حديقة مهجورة ، بيت ف لفتا ! اصبحت قناتي ..

- مش مني ! بدعي ربنا إن اللي جواتي ما يصيب حد ، أو يصبح حد فيه ! المسافات اللي بنقطعها جوانا ، بتستهلك مننا كلشي ! بس احنا بنعمل هالمخاطرة ، لما بنحس ان ه يكون معنا رفيق ! ه يدلنا ، او يونسنا ! ف وحدتنا ! و الأمل الكبير اللي بيروح و يجي ، كل م يجي ! او كل م تحس انه رجع ! بتحس انها قوة دفع ، ل قدام ! ناحية النور ، بس بتكتشف ، انك كاين اصلا مش داخلك ! ..

- انت لسا براك ! ما دخلت اصلاً ، و للاسف ان الطرف الثاني ، مش عارف ، او خايف يعرف ، او يشيل معاك ! اللي انت اصلا جاهله ! ..

- انا بكتب ، عشان بحاول ب كلشي ، اني ارجع امشي ، تعبت و انا واقف فعلياً ! كأني مسمار ! صاروخ ، شغّال إله عُشر قرن ! و مربوط ف مكانه ، لا هو عارف متى ه ينفجر ، او متى ه ينفصل ، و يطير ! ..

- الاشي فعلاً ، يمكن مجهول إلكم كلكم ، بس بتمنى ما حد يمر فيه ! و صدقوني عارف كمية اللي بيمروا فيه الناس ، و مراحلهم و تعبهم ! و ل هيك ، انا بتمنى ! إن م حدش يعدّيه ..

- إتأكدوا من رفاق روحكم ، إتأكدوا من الدرب و بدايته ، هل الشخص هاد يستحق البداية ؟ و هل ه يستمر للنهاية ! ما تراهنوا قدام انفسكم ، ع حد ، ممكن يخسركم روحكم و شغفكم و حياتكم ! حرفياً ، و هو أصلاً يمكن شايف ، إنكم خسرتوه ! ، و انت اصلا بتكون بدك تخسر حالك ، عشان تفوز فيه ! بس هو شايف انك خسرته ! ..

- كنت بحاول اكتب نص نثري ، بس ما لقيت إلّاني بكتب هالكلام ، بتمنى يصل ل كل حد فيكم ..

#حب
#حكاوي_الليل باز کردن / نظر دهید

2021-05-31 04:47:42 t.me/BeYou2020_Bot

هالبوت موجود ل مشاركاتكم اللطيفة و كلماتكم الرائعة

شاركوا ب اللي بتحبوه باز کردن / نظر دهید

2021-05-31 04:47:18 - اليوم أتميت ال ٢٦ سنة ..

- مش عارف بس حابب اسمع منكم اشي باز کردن / نظر دهید

2021-05-28 06:42:50 باز کردن / نظر دهید

2021-05-28 06:42:32 باز کردن / نظر دهید

2021-05-24 23:57:48 - أفهمك شو يعني استعمار و بناء كيان صهيوني ع دولتك ، و شو ٧٣ سنة منه ؟

- زي كل مرة قرّب شوي ! مش لاشي ، عشان الخونة !

- لما ينحط فكر معيّن ، و يتخططله ع ورق ! بيجمعوا افكار و بحاولوا هالفكر يلصقوه ب الواقع ، يعني يخلوه ملموس بين البشر و يقنعوهم فيه ! و هالاشي لازم يصير ب رعاية الاقتصاد و القوة !

- بس ؟ طب و الاعلام ؟

- سفاح انت ، بلشت تلقطها ! الاعلام هو اللي بيدعم الفكرتين بالأول ، عشان اقنع راس المال ، لازم اقنعه بالمردود ، و عشان اقنع القوي ، لازم يكون عندي راس مال !

- طب ماشي بعد هيك ؟

- لقينا اقتصاد ، دولة قوية و فايزة ف حرب عالمية ، بدنا دولة ! اجينا للفكرة الرئيسية ، عشان اجمع كل هالافكار ، من غير شعب ! ما بتصير ! طب شو اكثر اشي ف العادة بوحد الشعب ، ألا و هو الدين ! كيف بدي اجذب الشعب ، بجيب الحاخامات ! و صار إللي صار ! ل حد ١٩٤٨ !

- خلص ؟ قامت يعني هيك ؟

- صفناتك هدول مش عاجباتني ! بدهم يقيموا كيان ! ع دولة ! فيه شعبين ف النص ، الإعلام بيقنع الصهيوني ، إنهم جايين ع أرض فاضية ! و بيقنع الثانيين بالخوف و الرهبة !
و المجازر ..

- كمل !

- المجازر اهم نقطة بدي أوصلها ، عمليات الإبادة !
الك حدا في دير ياسين ؟ ف لفتة ؟ طب إلك حدا استشهد ف نكسة ال ٦٧ ؟ لينا بتقربلك ؟ صبرا و شاتيلا ، جدتك كانت ضمن اللي استشهدوا ؟ عمال انتفاضة الحجارة ، حد منهم عمك ؟ يحيى عياش خالك ؟ إلك حدا ف مخيم جنين ؟ حد استشهدلك ٣ مرات ف غزة ؟ اه مهم بيضلهم خايفين منا حتى و احنا ميتين ! شوف كم جثمان شهيد لساته عندهم ! ..

- ليش حكيتلي كل هاد ؟

- عشان تحس ع دمك ، و تعرف إنه فش مكان محدد لإلهم و شخص معيّن ، و مش ! مدامها مش ف راسي ف انا ب خير ! اللي ف دير ياسين ، م لهمش علاقة ب صبرا و شاتيلا ! و اللي ف صبرا م قالوش ل لينا اطلعي ! اقلك شو حلقة الوصل بينهم ! انه هاد تطهير عرقي ! طب شو حلقة الوصل بينهم و بينك ! فش حلقة وصل ! مدامك مفكر حالك مش رح يجيك الدور ! ..

- طب !!

- خلني اكمل ، ٧٣ سنة و انت بتسمع شهداء و أسرى و جرحى و بيوت مهدمة ! و انت متعوّد ! انت عارف شو يعني تقول ل واحد سويسري ! تعوّدت ع هيك ! هم بدهم يخلوك تقتنع انه عادي ! و صوتك هاد ما يصل للسويسري ! اه و كمان انهم مساكين بدهمش يتوسعوا ! طب قارن بين المستوطنة اللي ع باب قريتك ! قديش عمرك ٤٠ ؟ ٢٠ ؟ ١٠ ؟ قارنها بس بين اخر مرة شفتها و هسا ! لو م اتوسعتش ، تعال تف ب نص وجهي !

- طب هدي هدي !

- .. بهدي أنا ! بس انت تفصلش حالك ! عن كل ذرة تراب ! و تقلي هدّي ! عالأقل فرجيني انك بتحاول تفهم ، و تعرف ، و صدقني لمّا تعرف ، مش ه تضلك صافن ! ..

#دامت_فلسطينكم باز کردن / نظر دهید

2021-05-24 23:55:25 باز کردن / نظر دهید

2021-05-24 23:55:24 باز کردن / نظر دهید

2021-05-24 23:55:23 باز کردن / نظر دهید