2022-04-27 00:50:46
تعرف منين الراقي فعلًا مش مُدعي الرقي؟
باللبس والشكل والهيئة وكلام أنجلش كتير يتحشر وسط الكلام ؟! = لأ
إنما تعرفه منين ؟
*لما تلاقيه دائمًا في حاله ومش بيحاول يعرف تفاصيل عن اللي حواليه مهما كان قربهم إلا لو هم اللي حبوا يحكوا.
*تلاقيه مش بيتكلم عن نفسه وأمجاده طول الوقت ولا بيحاول يزايد على حد.
*تلاقيه بيدخل ضيف أعمى وأصم وخارج أعمى وأصم مش بيحكي اللي شافه او اللي سمعه في بيوت الناس مهما كان.
*مش بيبص في رزق حد ولا يقول ده عنده وانا معنديش لأنه من رقيه فاهم إن طبيعة الدنيا محدش بياخد كل حاجة فزي ما غيره عنده نعمة أكيد محروم من نعمة تانية لأنها سُنة الحياة.
*مش بيحرج حد بالسؤال وبطلب شيء أو بالتدخل فيما لا يعنيه.
سبحان الله ، الإنسان الراقي كاريزما تمشي على الأرض.
217 viewsء ٳمْنٍه𖤓, 21:50
م
