2021-07-23 18:38:29
في حاله انك فاضي اقراء الكلام ده يمكن تستفيد منه في حاجه.
١_متسكتش علي حزنك، إتكلم وأحكي مع اللي يسمعك ولو ملقتش الفيس عندك أهو صيح براحتك واللي مش عاجبه بلكه علطول من غير تفكير.
٢_حاول تخرج مره في الاسبوع غير روتينك الاسبوعي لو مبتخرجش برا بيتك بلاش زون الاوضه الحمام الفون دي هتتعود عليها وهتكرهه تشوف الناس ودا غلط.
٣_إرسم إكتب إقراء شغبط إكتشف نفسك ياعم أنت محدش من يوم وليله بقا جامد إتعب سيكا عشان تلاقي نفسك ووقتها هتفتخر بنفسك.
٤_إفهم إن طبيعي أوي أوي حد يمشي من حياتك أه والله زي ما بقولك، أصل كدا كدا كلنا فترات.
تعريف الفتره:هي حقبه زمنيه تمتد من الدقيقه أو أقل إلا مالانهايه(ياعني شهر سنه أسبوع..الخ).
هو هيمشي غيره هيجيلك ويمكن أحسن أو أوحش دا رزقك وهتمشي الدنيا متوقفهاش عشان حد.
٥_أوعا أوعا يكون حياتك كلها ناس سوشيال، مش هينفعوك صدقني وقت ما تتزنق، لازم تدور علي الأقل علي علاقه ريل ها، دا ببلوك علاقتكو خلصت فا بلاش ضحك.
٦_أوعا من قله الناس ترضي بأي حد، أوعا ترجع للشخص التوكسيك عشان مفيش غيره، يغور السم لو مفيش غيره أكل ياعم، رزقك هيجيلك بلاش إستعجال.
٧_أهلك أهم من أي حد، أهلك رقم واحد وأتنين وتلاته، هتفهم دا لما تكبر ف متستناش لحد ما تكبر وأفهم دا من دلوقتي وقدر النعمه دي ياعم.
٨_كلها عندها حزن ومشاكل وبلاوي سوده، أوعا توهم نفسك إنك الوحيد اللي حزين بس، هما إتعدود وإتعايشو مش أكتر عشان مفيش حل تاني غير دا، أصل كله هيعدي والله وأرضي عشان تقدر تكمل.
٩_عيط أه عيط وأقع وقوم تاني كمل، مش عيب والله بس العيب إنك تقع بس وتفضل تحت.
١٠_إللي لوحده هيوصل واللي معاه حد هيوصل، الفكره إنك لوحدك بتاخد خبره المشوار كله وصدقني الحياه دي كنزها هي الخبره، فا لو معكش حد هتتعب أكتر شويه وهتوصل برضو وهتكون أحسن من اللي وصل بحد.
.
183 viewsمحمود الشافعي, 15:38