مسا الخير #هام بوست تعقيبا على برنامج الامتحان #لاتهلعوا و | طلاب السنة التحضيرية للكليات الطبية 2021-2022

مسا الخير
#هام بوست تعقيبا على برنامج الامتحان
#لاتهلعوا ولاتتوتروا مهم جدا

معنا 45 يوم قبل بداية اول مادة (البيولوجيا)

#البيولوجيا :
بما انو البيولوجيا اول مادة فمنتركلها وقت قبلا ومنوقف دراستا هلا (طبعا في حال مامسجلين عالمعاهد وهيك ) طبعا منتركلا بحسب شو دارسين نحن من المادة
دارسا كلا بتتركلا 14 يوم
دارس لحد اول 5 فصول ؟ اذا تركلا 15 او 16 يوم
ما دارس ولا شي منها بتتركلا 20 يوم

طبعا لازم نركز على البيولوجيا لما ندرسها بوقتها لانو لازم تنجاب معدل (علامة 80 فما فوق) لانو بتعطينا حافز نكمل بالدراسة بشكل كبير كتير ونحن بنكون بحاجة هالشي لان لسا عندنا بعدها 4 مواد وطبعا مافي شي مستحيل المهم نفهم كلشي ونختبر حالنا بعد كل درس باتمتة لحتى نعرف هل نحن فعلا عم نحفظ صح او لا

#الانكليزي :
مادة بتتلحق تندرس باسبوعها لكن لا مانع ندرس منها شوي ولو شي بسيط لحتى نتعرف عالمادة ويصير النا فكرة عنها اذا مستوانا ضعيف فيها منمرقلنا قسم واحد بس ويلي هو الـ1 (A1,B1,C1)

#الفيزياء :
مادة فيها فهم وبدها تركيز فيها 17 فصل والاهم مانهمل ولا اي فصل والاهم مانهمل الفصلين الاخيرين منها (حتى باي مادة اخر فصل ما لازم ينهمل لانو بتجي اسئلة منيحة منو لانو واضع الاسئلة بيحسب انكن لتتركوهن بسبب انو مارح تلحقوهن ) الصعب والطويل فيها هي فصول 3 و 9 و 10 وفي كان فصل بخص السوائل هداك كمان

#تاريخ_الطب :
بتمنى تحضروا الفيديو التعريفي اول شي :



في حال ماحضرتوه طبعا
بهي الفترة شو لازم ادرس منها ؟ اذا مو فاتحها للمادة اساسا ؟ ادرس الفصلين 3 و 4 بحسب ماقلت بهالفويس المهم كتيير :
https://t.me/pre_JalalAkil/260
ادرسوا كيف ماحكيت بهالفويس
وبعدها اذا تم وقت لسا مندرس الفصل 1 واذا لسا في وقت مندرس الفصل 5 والفصل 2 لاسبوعها لان صدقا الفصل هاد بينتسى بسرعة اكتر من غيرو
ومن السبت لتتوافر نوطة طريقك كمان بحيث بصير عندنا : البنك الشامل والنوطة الشاملة ونوطة طريقك نحو الـ100 (اذا رحنا للمكتبة منقول لجلال عكيل مشان يعرفوا اي نوط ) تبعوا بهالمادة معي متل مابحكيلكن وبضمنلكن فوق ال95 ومن هلا يكون عندكن البنك ونوطة طريقك واذا ماقدرتوا عالدراسة من الكتاب فالنوطة الشاملة بتغني عنها طبعا موجودين بالمكاتب (نوطة طريقك للسبت)

#الكيمياء :
الله يسامح يلي حطها اخر مادة بتكونوا قرفتوا شي اسمو امتحان وبقى بتصيروا بتدرسوا كيف ماكان لتخلصوا من الامتحان بقى وهاد الشي يلي ما لازم يصير لانها مادة خطيرة وفيها 22 فصل وهي اكتر مادة في فصول لتتركوها منها لانو مارح تلحقوها وبالامتحان حتى كتيرين منكن مارح يلحقوا يحلوا بالرغم من انو بتعرفوا الحل لكن الوقت بهالمادة ضيق كتير المادة بتجي بقسمين متل مامنعرف (عامة عليها 64 او 65 سؤال والعضوية باقي الاسئلة) وطبعا ماننسى نحل اتمتة كامبريدج لهي المادة بتفيدنا كتير
والاهم بالفيزيا والكيميا استعمال الالة الحاسبة العلمية والتعلم والاحتراف عليها لانو لتستخدموها بالحل بالامتحان فضروري جدا جدا يكون النا خبرة بالتعامل معها

المواد يلي لنركزها بهالمدة (يلي قبل مدة البيولوجيا) هنن : كيمياء + فيزياء + تاريخ الطب
كل يوم مندرس من هالمواد (لاتدرسوا مادة وحدة بيوم) زبطوا ساعات نومكن (ناموا دورة نوم كاملة "كل دورة نوم ساعة ونصف" بالتالي 6 ساعات نوم ممتازة) بحيث تناموا عال10 او 11 وتفيقوا عال4 او عال5 وماعاد تلتهوا عالموبايل بلش الجد بقى
تاريخ خصصولها ساعتين كل يوم مسا قبل النوم او الصبح اول ماتفيقوا لحتى تخلصوا اكبر قدر ممكن من المادة وبعد كل مبحث منختبر حالنا من البنك الشامل وبعد كل فصل بيخلص منراجعه من نوطة طريقك نحو الـ100 واذا لقينا الكتاب مابيندرس منو فالنوطة الشاملة بديلة عن الكتاب وشاملة لكلشي ومسطر عالشغلات المهمة والشغلات يلي جاي دورات وهي اراء طلاب التحضيري الماضيين عن اعمالي بمادة التاريخ :
https://t.me/pre_JalalAkil/83

وطبعا يلي بصير كل سنة انو الطلاب باسبوع المادة بتهتم بالتاريخ وبتتفاجئ انو البنك ونوطة طريقك كويسين كتير وماحدا خبرن لهيك نبلش فيها من هلا وشو ماخلصنا نحن الكسبانين من هالمادة ولتفيدنا صدقا برفع المعدل
مكان تواجد اعمالي لمادة التاريخ :
https://t.me/pre_JalalAkil/209