أخبار وملفات الحملة

2021-10-17 13:13:04 يسعد أوقاتكم جميعاً
#البوست_الأول
رح اشرح بهالبوست عن مواد الفصل الأول والثاني المحمولة ع شكل أسئلة وأجوبة مشان سهولة الفهم
في حال ما لقيت جواب لسؤالك حطو بتعليق أو بعتو ع البوت لنجاوب عليه:
@PRE_H_bot

أنا طالب حامل مواد من الفصل(الأول/الثاني) ايمت بقدر أقدمها وكيف بتجي؟
فيك تقدمها بالفصل الأول واذا ماترفعت معك تقدمها بالتاني
مواد الفصل الأول يكتبها الدكتور اذا قدمتها بالفصل الثاني
ومواد الفصل الثاني بيكتبها الدكتور اذا قدمتها بالفصل الأول
-أما اذا قدمت المادة بفصلها رح تكون وزارية مثل ما قدمتوها بدفعتكم
والأسهل انك تقدم بالعكس مشان تجيب معدل أعلى

ايمت مواعيد تقديم المواد وايمت يبدأ التسجيل عليها؟وكم دورة بيحقلي قدم المادة؟
المواد الوزارية تكون كل سبت مثل العادة
ومواد الفصل الآخر تكون كل ثلاثاء بنفس فترة الامتحانات
-التسجيل ع المواد يبلش قبل بشهر وننزل اعلانات بوقتها ع القناة(مو ضروري التسجيل يكون شخصي)
-بإمكانك تقدم المادة مية مرة لحد ما تترفع

شو يعني إعادة عملي؟ومين بيقدر يساويه؟وشو بستفيد منو؟
إذا معك مواد محمولة فيها عملي وعلامتو منخفضة فيك تقدم ع طلب إعادة عملي وتداوم ع العملي بشكل نظامي لترفع علامتك
(كلشي عندو عملي فوق ال24مابنصحو يعيد وأساساً مو مسموح تعيده)
طبعاً ما رح تترفع المادة لحالها اذا عدت العملي
بدك تقدم النظري وتستفيد من علامة العملي الجديدة(0.7×النظري+العملي الجديد)
-المادة بس تترفع مافيك تعيدلها عملي طبعاً
-في حال بدك تعيد العملي تقدم طلب بعد شي 10 أيام بس ليبلش دوام المستجدين تحضيري وتختار فئة تناسبك وتداوم فيها طول الفصل

صحيح إنه العملي يروح بعد سنتين وبدنا نعيدو اجباري؟
لا،العملي يفقد قيمتو بس اذا كنت مفروز بشري حصراً وحملت مادة من التحضيري لما بعد السنة الثالثة
ساعتها اجباري بدك تعيد العملي لأنو يصير صفر
أما المفروزين أسنان وصيدلة ما يتصفر عندهم أبداً

مواد التحضيري الها تأثير ع السنين الجاية إذا ماترفعت؟
طبعاً اي، بقانون الجامعة مشان تترفع من سنة للي بعدها لازم تكون حامل 4 مواد كحد أقصى بما فيها المواد المحمولة من السنين السابقة لهلسبب مواد التحضيري تنحسب

أنا طالب سنة ثانية(بشري-أسنان-صيدلة) ومامعي وقت لدراسة هالمواد شو الحل؟
تركز ع مواد سنتك الدراسية وفي حال معك شوي وقت تدرس من مواد التحضيري
أما الحل الأخير هو إنك تقرأ دورات المادة (حملة أو نظامية حسب الفصل اللي رح تقدمها فيه) مع أهم الفصول من الملخصات وطبعاً خلال هالفترة رح ننزل كلشي باذن الله

طيب شو مشان الراسب ومفروز مالن نصايح؟
طبعاً الن القسم الأكبر وهو كالتالي:

1-بالنسبة لإعادة العملي قدامكم سنة كاملة للمواد اللي حاملينها لهيك من الأفضل ترفعوا علامات العملي اللي تحت ال24

2-اللي حامل 7مواد وفوق نصيحة نصيحة نصيحة
لا تدرسها كلها بفصل واحد لأنو مارح تجيب نتيجة منيحة كما يجب
قسمها ع فصلين وساوي عكس بين المواد طبعاً(مواد الأول بالثاني ومواد الثاني بالأول)
مشان تضمن علامات عالية ان شاء الله

3-بلش دراسة من هلأ ولا تقول لسا بكير
عندك سنة كاملة لتعدل أخطاء السنة الماضية وترجع أقوى وبمعدلات عالية

4-الدراسة من المحاضرات أو الكتب لأنه الفصل ببدايتو ولا حدا يتكاسل ويعتمد ع الملخصات
ماحدا بيعرف شو ظروفنا بعد يومين...

5-في حال ما ظل وقت لشي شو الوضع؟
ساعتها نلجأ للملخصات والدورات ونتكل ع الله

6-الترفع الفصلي وتنزيل المواد:
أول الشي مشان تتسمى انك مترفع ترفع فصلي لازم ع الفصل الثاني يبقى معك 4 مواد وأقل هيك بتكون مترفع ع السنة الثانية حتى لو ما رفعت كل موادك الراسبة
أما بالنسبة لتنزيل المواد هالشي بيعتمد ع قانون كل فرع وكل جامعة شكل
بس الشي المتفق عليه انه اذا معك 4 مواد ما رح يحقلك تنزل شي من السنة التانية
ببعض الكليات اذا معك 3 تنزل وحدة
معك 2 تنزل 2
وهكذا... بس مانها ثابتة عند الكل

7-اذا نزلت مواد من السنة الثانية شو بستفيد؟ ورح تخفف عني مدة الدراسة؟
تستفيد انه تخفف ع حالك شوي من حمل مواد السنة الثانية
أما مدة الدراسة ثابتة للأسف
وأنت خسرت سنة كاملة ومشي الحال
مافي ولا طريقة بامكانها تعوضك فصل كامل أو سنة كاملة

8-انا من دمشق وانفرزت بمحافظة تانية وين بقدم موادي؟
اذا ساويت نقل فوراً (ذوي شهداء-أبناء هيئة) بتقدمها بمحافظتك (دمشق)
أما اذا ما ساويت النقل تقدمها محل ما انفرزت اجباري...

9-نحنا مضطرين نداوم ونلتزم؟
لا، إلا اذا ساويت إعادة عملي لبعض المواد
أنت تقعد بالبيت وتلتزم لحالك وتستنى كل تفاصيل الأخبار بالقناة

السؤال الأخير الشائع:
شو مصادر الدراسة؟
ببساطة اذا معك وقت: كتاب أو محاضرات(لأي فريق مافي فرق)
اذا مافي وقت فيك تعتمد ع الملخصات والدورات
طبعاً الملخص ممكن بيضمنلك الترفع اذا كانت الدورة وزارية
وعلامة عالية اذا كانت دورة حملة
الدورات مهمة كتير للحملة حسب المحافظات ورح تنزل قريباً
@Pre_H_PDF باز کردن / نظر دهید

2021-10-11 20:53:33 #هام ا #الكليات_الطبية | #Med_Help :

الحدود الدنيا.

#Med_Help
@MedHelpForPreYears باز کردن / نظر دهید

2021-10-11 20:53:33 #هام
الحد الأدنى ل #السنة_التحضيرية 2021-2022 المفاضلة الشرقية:
الموازي 2339
العام 2345
#Med_Help
@MedHelpForPreYears باز کردن / نظر دهید

2021-10-11 00:32:50 #هام
الأوراق المطلوبة لتغيير القيد ممن رفضت جميع رغباتهم
لا يوجد موعد محدد للتسليم لذا راجعوا الشؤون بأقرب وقت
@Pre_H_PDF باز کردن / نظر دهید

2021-10-10 17:25:53 #هام
الحدود الدنيا لمفاضلة الفرز بما فيها المفاضلات الخاصة باز کردن / نظر دهید

2021-10-08 22:45:33 مسا الخير زملائنا من الفروع الطبية الثلاث وتحديداً يلي رح ينفرزو طب بشري #البعث كوننا رح نكفي مشوارنا سوا
بدايةً رح نعرفكم عن حالنا :
فريق #أطباء_أونلاين_التطوعي

متل ماجرت العادة ب اي جامعة عم تدرسو فيها بتحتاج لفريق لحتى يقدر يساعدكم بايصال المعلومة بكل سهولة وسلاسة ف كمان هون #بالبعث رح تلاقونا جاهزين لحتى نكمل معكم كل سنين دراستكم ضمن فرع #الطب_البشري

رح نقدملكم خلال سنوات الدراسة محاضرات وتفريغات شاملة معظمها مدقق ومعتمد من قبل الدكاترة بكل ثقة ومصداقية بلاضافة لكتير شغلات تانية بتبقو بتلاقوها وقت تطلبوها وتحتاجوها بكل تأكيد

الفريق رح تكونو انتو جزء منو ورح يكون طبعاً باشراف طلاب اكبر منكم من كل السنوات ومتل ما نوهنا انو عم تدقق اغلب اعمالنا من قبل دكاترتنا

من بعد هاللمحة البسيطة يلي كونت فكرة صغيرة قادرة انو تبسطلكم الامور شوي بنترككم هلا مع رابط #قناتكم يلي رح تراففكم باعمالها كل السنة واول عمل لالها هوي تعريف بالسنة الثانية بتلاقوه خلال يومين بين ايديكم

رابط قناة فريق اطباء اونلاين :
https://t.me/DrsOnline2026

ويلكوم تو البعث يونيفرستي مع افضل الامنيات بالنجاح والتفوق

#أطباء_أونلاين
#ابداع_يتجدد_عطاء_لا_يتبدد باز کردن / نظر دهید

2021-10-08 21:06:39 #تنويه :

←من دخل سنة تحضيرية #موازي وفُرز #موازي يبقى 200 ألف.

←من دخل سنة تحضيرية #عام وفُرز #موازي يدفع 300 ألف وتم التأكد من الموضوع

#Med_Help
@MedHelpForPreYears باز کردن / نظر دهید

2021-10-06 12:34:27 #طلاب_السنة_التحضيرية_المفروزين
#سحب_الاضبارة
#Med_Help
_ يبدأ سحب الاضابير يوم الأحد 10/10/2021

إلى الطلاب المفرزين من السنة التحضيرية بجامعة البعث

تحدد فترة تسليم الإضبارة الجامعية وكشف العلامات من السنة التحضيرية لاستكمال إجراءات تسجيلهم في الكليات التي فرزوا إليها

وذلك وفق المواعيد التالية:

الأحد 10/10/2021 : الفئتين 1-2

الاثنين 11/10/2021 : الفئتين 3-4

الثلاثاء 12/10/2021: الفئتين 5-6

الأربعاء 13/10/2021: الفئتين 7-8

الخميس 14/10/2021: الفئتين 9-10

الأحد 17/10/2021: الفئتين 11-12

الاثنين18/10/2021: الفئتين 13-14

الثلاثاء 19/10/2021: الفئتين 15-16

ملاحظة:

_الوثائق التي يستلمها الطالب هي :

كشف العلامات من شعبة الامتحانات
+الإضبارة الجامعية من شعبة شؤون الطلاب

_الأوراق المطلوبة لاستلام الوثائق:

طلب كشف علامات مسجل بالديوان أصولاً مع إشعار بتسديد رسوم الكشف المطلوبة أصولاً
+ طلب حياة جامعية مسجل بالديوان أصولاً.
+ وثيقة براءة الذمة موقعة كاملة (يتم الحصول على نموذج فارغ من شعبة الديوان)

#السنة_التحضيرية
#الهيئة_الإدارية_في_كلية_الطب_البشري_جامعة_البعث باز کردن / نظر دهید

2021-10-05 02:13:43 #مفاضلة_ملئ_الشواغر
تفاصيل المفاضلة وإجابات الأسئلة المتداولة عنها

متى تصدر هذه المفاضلة؟
-بعد شهر أو شهرين من بداية الدوام
العام الماضي صدرت نتائج الفرز بتاريخ 28/10/2020
وتم الإعلان عن هذه المفاضلة بتاريخ10/1/2021
أي بعد مدة تفوق الشهرين حتى

هل هي ثابتة أم متغيرة ولماذا؟
-متغيرة بالطبع،تعتمد على عدد المقاعد المتوفرة في بعض الكليات
فعلى سبيل المثال يوجد بعض الطلاب ممن لم ترضيهم نتيجة فرزهم إلى أحد الكليات الطبية فيقومون بالانتقال إلى الجامعات الخاصة أو الإيقاف السنوي وتغيير القيد إلى فرع أدنى
وهذا يؤدي إلى نقص في عدد المقاعد المحدد لبعض الفروع مما يتطلب الإعلان عن هذا النوع من المفاضلات وذلك وفقاً للمقاعد الشاغرة المتوفرة

من يحق له الاستفادة منها؟
-وفقاً لمفاضلة العام السابق يستفيد منها الناجح والمنقول فقط(أولئك الذين رُفضت جميعُ رغباتهم رغم تحقيقهم للحدود الدنيا لبعض الفروع)
فقد طلبوا 30 مقعداً شاغراً بالمجمل
وهذا نصُ الإعلان للإطلاع
https://t.me/Pre_Courses/352
لم يستفيد منها الراسب أبداً

ماهو الحال لهذه السنة؟!
لا أحد يعلم ولا يوجد جواب لهذا السؤال
وهل من الممكن أن يستفيد منها طلاب راسبون أيضاً لا جواب لهذا الموضوع

خلاصة الحديث
إلى من رفضت رغباته جميعها عليه بسحب أوراقه وتغيير قيده إلى فرع غير طبي وفق ما يتطلب الأمر
ويبدأ بدوامه بشكل طبيعي هناك... على أمل الإعلان عن هذه المفاضلة في فترة قصيرة وربما تطول

كلمة أخيرة:
ارضوا بما قدَّرهُ الله لكم
فلا أحد منكم يعلم بالغيب
والخير فيما يكتبه الله لنا
دمتم موفقين
#H7AMDOOSH باز کردن / نظر دهید

2021-10-04 22:23:25 تم فتح الكروب
والإجابة عن كل الأسئلة
بخصوص مفاضلة الشواغر رح اشرح عنها بالسهرة اذا ما تعطل التلغرام باز کردن / نظر دهید