فاجأوه وهو في العمل.. ما قصة "عامل البناء" فراس؟
فراس حسين من الديوانية، أحد الطلبة الناجحين في السادس الإعدادي للعام الدراسي ٢٠٢١ - ٢٠٢٢، تلقى خبر نجاحه بينما يعمل في البناء وفقاً لمقطع فيديو متداول حصد تعاطف آلاف العراقيين.
يقول: "چنت أدرس عاليوتيوب ومسوي جدول للدراسة. ٣ أيام اشتغل، الجمعة والسبت والأحد. بالـ ٥ الصبح أطلع ويّه العمال، أرجع ١٢ الظهر، أبدّل وأروح للدوام بالـ ١ ونص. أمشي مرات كيلومترات للمدرسة وأتأخر بس يعرفون ظرفي ويدخلوني.
وره الامتحانات استمريت اشتغل بالبناء، اقتربت النتائج وگتلهم بس تطلع نتيجتي خابروني. بيوم النتائج ابن عمي إجاني لمكان العمل وگلي: فراس نتيجتك طلعت! بالبداية صدمني گال: فراس أنت راسب بـ ٣ مواد.. عربي وإنگليزي ورياضيات! بعدها گلي راح أبشرك بشارة.. شنو تنطيني؟ گال أنت ناجح ومعدلك ٧٩٪ وعندك درجات إضافية صار المعدل ٨١٪.. هنا آني انفعلت كلش وانتشر المقطع بمواقع التواصل. طموحي أدخل الكلية العسكرية!".
المصدر: Utv
ألف مبروك يا بطل
شنو تگولون لـ فراس؟
https://t.me/prouni2
