♥️قنآة نعي للشعراء♥️

2022-08-23 10:25:57 نعي للام جديد يازهراء نظرة

هاي أيام وانتي مفاركة الدار
نصد لحجرتچ يايمة كل حين
فراشج منفرش غرگتة بدموع
ومن كثر الدمع ماتسكت العين
يمة شلون راح يكون ملگاچ
لو ردنة نجي لكبرچ مگصدين
تنظرينة ييمة زغار وكبار
وتضحكين بوجهنة من تنظرين
لاتبچون امكم فايزة هناك
لئن وية الدفن حاضرلي الحسين
بخدمتهم جنت لو اجو زوار
واصيحلهم هلة بزوار الحسين

خادمهم ابو امجد الموسوي بتاريخ ٣٠/ ١/ ٢٠٢١ باز کردن / نظر دهید

2022-08-23 10:25:57 ⁽✺⃕₎ مۘلأ عليۧ ٱلوٱسۜطيۧ ⁽✺⃕₎

☆○☆○ ○☆○☆○
✿⇣​​​​℘ ​﴿امـــ♔ــي﴾​ ℘⇣✿​​​​

#الام


نعي للام


بيت بلايه ام شيحمله الغروب
بي يصفه حزن يفطر الحياطين
اندري بيج حنينه و كلبج يفور
علينه من الهوة لو هب تخافين
اليه عتاب يمه مثل الاحباب
يايمة يايمة يايمة

ليش بهالعجل من عدنه ترحين
واحد لو طلب فديوم و احتاج
من روحج يطيبة مراد تنطين
و مثل كعدة كبل يا يمه عالزاد
تصبين المحنة من تصبين
آه آه آه يايمة البيت يسكن يمكن يهيد
بس من البجي شيسكت الحسين

☆○☆○ ○☆○☆○

ـًــــــــــــــــــــــــــــــــــــــــــــــــــــــــ

#الام


نعي للام

حزينة الدار بلاياج يا يمه 
حزينه الدار يايمه بلاياج
عليج تنوح كل صبح ومسيه 
صفت وحشه ومظلمه يمه بالعين 
عكبج يالعزيزه امست خليه
عقب عينك يايمه قلبي مجروح
ياريت اصواب ضلعك صار بيا
تكلها يايمه ريت كبرج لمني وياج 
يايمه وعلى قلبي اوسدك بين ايديا
يافي الحنان البيه تربيت 
بعدك من يحن يايمه ليا
يايمه يايمه الوالده خيمه الولدها 
يايمه منين اجتلج المنيه  باز کردن / نظر دهید

2022-08-23 10:25:57 علي السجاد ضيم شكثر مره
ولا راحــه بـحياة شاف مــره
جرع اهـات وكته وجرع مره
وجرع لوعات من الغاضريه


عـله الگظه العمر بليل سجاد
دمعي اعلوطيه انفرش سجاد
مات بسم يشيعه اليوم سجاد
عليل وگيده ينزف للمنيه

احسان الحميداوي باز کردن / نظر دهید

2022-08-23 10:25:57 عندما قال الامام السجاد لأبن حذلم رحم الله اباك كان شاعرا قم وانعى الحسين


على حالـي لوّن أتــريد    تنشاد
عليل آنــه واديه بگيـد    تنشاد
كون أبطور فگد الأهل    تنشـد
يبن حذلم نعــي للغاضــريه

الشاعر
موسى البديري باز کردن / نظر دهید

2022-06-24 22:49:12 أبوذيات للامام الجواد (عليه السلام )


دمــوعك عالجـــواد اليــــوم ..... سلهه
وعلى أمصابه اليالي أبحزن ..... سلهه
سيوف السم زمانه أشلــون ..... سلهه
وحزّن جبـــدته وأصـــبح رميــــه
***
الزمـــن تعبنـــي ويكلـــي لعتباك
جواد انته وكصد جدمي لعتبـــاك
لنوح لليله يـــــم بابـــــك لعاتبـك
أريدك بالشدد سور أنته أليـــــه
***
على مصاب الجـواد ألون ..... لــــونه
ومصابه أهـــروش دلالي ..... لــــونه
بحــر بجفوني يالســـامـع ..... لـو أنه
أصبه أعليه دمع حد المنيــــه

**
الشاعر
موسى البديري باز کردن / نظر دهید

2022-05-15 10:17:35 نعي حول مصرع الحسين



خويه الاخت والوالي خوه
وبخال ابنهه العزم يكوه
بينه الوكت مدري اشسوه
ومني خذاك اشلون كوه


يا ماكعدنه اثنينه اخوان
واحد عله الثاني تره احنان
اخذني وياك اشلون ماجان


جا بعد بيهه الروح شلي
وخلاف عينك بان ذلي
يا خيمتي الوالي وظلي


اخذني بعد ماريد روحي
واخلافك يوالي يزود نوحي
بل كلب ما طابت اجروح

عليله عليكم بكت روحي



يا ماكعدنه وسولفينه
وعله ريحت امي اترافكينه
وبذيج عشرتنه حجينه



سمعت الاخت لو مسهه عايل
تحشم اخوها انجان شايل
وتوديله مكتوب ورسايل


يسمع عليهه الظيم يوصل
وبجيته يحسين عجل
ياهو الغاثتج ياخويه يسئل

خال الولد ينشد عليه


ينشد علي متروس غيره
ويكعد ويسمعني استشيره
اكله الاخت مرت بحيره


بحيره تراني اخلافك عينك
يخال الولد حشمت وينك
واسمع بذاني جر ونينك

ماظل بعد كل حيل بيه


سمعيت والونه اكتلتني
ونايم ولا ظل خال لبني
ونينك يبعد اهلي الشدهني



شدهني الونين وجيت يمك
وبنفسي ظلت وين اشمك
جن ايست يحسين منك





*لخادمة الزهراء العلويه أم جعفر* باز کردن / نظر دهید

2022-05-15 10:17:07 نعي

لسان حال مولاتنا
#ام_البنين عليها السلام


الربيتهم شو نكروا ارباي
تمنيت منهم واحد وياي
يباري كبرتي ويگعد احذاي


لاگالو امنه وخل نجيها
تشتاگلنه انمر عليها
وگلوبهم ويلي اشبيها


يامن يگلهم راحت العين
ومولحت عالصارو بعیدین
وکله ونیني اعله البنين


مالومه روحي امنهدهم
ردتهم ذره واگعد ابسدهم
والموت عن عيني بعدهم

خلوّ الروح تنوح وتلوب
والصبر عالویلاد چندوب
بدار الولد ماظلن انوب




*تمت*


*ام علي رضا الشريفي الحسيني* باز کردن / نظر دهید

2022-05-15 00:31:26 نعي لسابع الاب

طول علينه بويه الغياب
يل غيباك اعلينه التراب
هدالي حيلي هذا المصاب

سابع يوم الك كلي يغالي
نايم بالترب وانه الجرالي
خلاني بس دمعي يلالي

مفكود ياراعي الحميه
والدار حزنانه وخليه
يمته تعود بويه ليه

اوترجع ليالينه الزهيه
يل شوفتك عنت عليه
اوخلتني اون صبح مسيه

ارد اعتنيلك يم الكبور
وابجي بواجي ابقلب مجمور
بلكت تجي لديارك اتزور

بلكي ترد ياشمعه الدار
مشتاكين يمعزب الخطار
اورد اشتكيلك بويه اشصار

احن الوجهك اوذيج المحنه
يل بالقلب خليت ونه
تعال اوشوفنه اشلون انهضمنه

بويه القلب صدكني لهفان
الشوفك يبويه يااغلى انسان
حين الحملت ضل بويه حزنان

الخاطري ارجع ثواني
البعد ماحمله تراني
شلي بحياتي عكبك اني


تمت الحمد لله
ام غيث الذبحاوي باز کردن / نظر دهید

2022-05-14 22:20:12 نعي بحق العليله ((ع))


اخذوني يبويه وياكم اخذونــــي
اخافن لو مشيتو بويه تنسونـــي
اذا تمشون اكولت اهلي ملونـــي
واوصي بناس غربه اليدفنـــونــي
خدامه اصيرن كون ترضـــونـــي
ولا يجفي الضعن ويخيب اضنوني
اجلب بالمحامل بس تصعدونـــي
و وكت الليل فوك النوك خلونـــي
هلي يهل الشيم كلكم تسمعونـــي
اسوم الله عليكم لا تعوفــــونـــي
عليله وهذا حالي وزين تدرونــي
بعدكم والبواجي تجـــرح عيوني
ومـــا اصبر عليكم من تجافوني
وي حادي الضعن يحنان مشوني
تدرون بغربتي يعمـــن عيونــي
ومن كثر المصايب تهدل امتوني
وتزيدون العلل بيه وتلجمونـــي
عليلتكم طبت هاليوم احسبونــي


ابوذيه

يبويه حسين ضعن النوك وانه
عليله وحل عليه البعــــد وانه
اشوفن كل خواتي مشــن وانه
بكيت بدمعتي وناري سريه

يعمـري شظل بعــد وتعيــش دفناي
وصحت بويه اعله صدرك حيل دفناي
ردت انت التهيــــــل تــــراب دفناي
وتقره الفاتحه بعطفك عليه



الشاعر رعد الجريخي باز کردن / نظر دهید