شاكر الصيمري

2023-07-06 13:27:05 غديرك ياعـــــلي دستور الاديان
وتنصيبك آلهي وامــــــرك امنزل
علي وسواك ربــــك گبل الاكوان
وانطاك الــــــــولايه وگلك اتوكل
زيادة خير هــــــاي البيعه مولاي
انته اول ابكلـــــشي واول الاول
علي ودينك حلال وقدر محتوم
ربك صـــاغ اسمك للربط والحل
الماگــــــالن علي عسرن بالطلوگ
والگـــــــالن علي لو توئمن تسهل
موصوچ النكر صـــــوچ اللبن بار
اكيد الماله حيدر مــــاله كل اول


اسعد الله ايامكم بولاية المولى علينا الاعلى باز کردن / نظر دهید

2023-07-04 12:28:48 حده بالــــــروح فرگاكم
حلم صـــار اگعد اوياكم
الدمـــــع للمختنگ راحه
انه اللا امشـــي مرتاحه
وانه اللا ميـــته بجفاكم

يهلي الغــــربه تنراد؟   نار اتخــــــلف ارماد
شينـــــومهه العيون    واحنه اعليـكم ابعاد

ياضيم گلــــــبي بالشام
شـــــــــــيرد ذيچ الايام
هيه التفگد اخــــــــوان
تنسه افيـــــــاي الخيام
~
السوالف عنـــكم ابروحي
حنين وياكـــــل اجروحي
زماني ابكــــــــــربله داير
حرام ابزينـــــــب الصاير
اماشي دمعــــتي ونوحي

سواجي امغورگه العين   عتاب الفاگـــــد اونين
العزيز وفــــــارگ اعزاز   غربته اتكـــبره اسنين

يايوم ترجـــــع النوگ
وترد اهل الحـــــگوگ
ملت زينــــــب الشام
هظمو گلبي بالسـوگ
~
الوداع البيــــــني واخواني
اخــــــــــير انفاسي راواني
اليروح ومــــــــــا اله عونه
ملامح فرگـــــــــــه بعيونه
مشيت وبخــــــــتي دلاني

حال البيه مـــــو حال    وكل احـــچايه تنگال
عني اتطــــــلع الروح     يهلي امــدوهنه البال

مكسور حــــــيلي مرتين
من يـــــوم راح الحسين
واندار مـــــــــاكو عباس
هدني افــــــراگ الاثنين
~
عشت ليــــل ابغرب صعبه
اقنّع روحـــــــــــي متغربه
جرعت الكلمه بالگــــــــوه
غريبه احچــــايه موحلوه
السمعهه ينكــــــــسر گلبه

يهلي امنـــــــاطر الليل    ياخذ شـــكلي والحيل
ليل وگلــــــبي متعوب    خلص يومــــي بالويل

شوگي ايعـــــــــثر الگاع
عالناگـــــه اصعب اوداع
محـــــــــــــد گلي لاوين
لايفزعلي فــــــــــــــزاع
~
وحگ كل خطـوه امشيهه
اكابر وانـــــــــــــذبح بيهه
يعباس وتعـــــــــــــــودنه
بديك اتشـــــــد هوادجنه
واشم اچفــــوفك اعليهه

هيه العشــــــره تعويد    خويه الممشــــه لبعيد
من دونــــــــك بلا راي    وامشي امگـيده الايد

عباس مــــــــــاي العيون
ماضـــــــل بيهه الجفون
من يـــــوم عفتك وصار
بجفاك غربه يحــــــدون

خادم القصيده
شاكر الصيمري باز کردن / نظر دهید

2023-07-04 12:28:15

باز کردن / نظر دهید

2023-07-03 00:09:56 فاطمه العليله......


اذا كاتبلـــــــــي ربي
اشوفك وانسه تعبي
يضل امـــتاني گلبي
مامـــــرتاح
واذا مامـــــــنهه رده
اموت ابدمعي گعده
يحيلي شلون اشـده
وحيلك راح
شكو خبر مر عله سمعي
دمع بعد ذب عله دمـعي
اون الك ون انه طــبعي
بويه حسين
وديلي مرســــال    ايسولفلي عنك
هذا الهوى امنين    بيه ريحه منـك

مسافه اشگد طويله
نطرتك ليــــــله ليله
ترا عيون العلــــــيله
شبعن ماي
بچي ويافرگت اهلي
اشيضل بعيوني گلي
نسيت شلونه شـكلي
صار اهواي
وجع حزن شل ترا حـــالي
حچي امس ضل عله بالي
گلت ارد لچ هايـــــــــغالي
بويه حسين
من گتلي لليــــــوم    والچلمــه تابوت
رحت انته يحسين    مدري انه للموت

المريض المــاله وادم
حرام ابليـــــــله نايم
خذو عنـــي الفواطم
الديره ابعيد
يريت ايصــــــح بديه
ومرض ماضـــل عليه
اروح ابچــــــف رقيه
ايد ابـــــــأيد
اخت واحب وي كل خواتي
رحت انه هــــم امنيــــــاتي
صحت ورا رد ياغــــــــلاتي
بويه حسين
ودعني بســــكوت   ماشال العيون
مكسور الحســــين   ويميل المتون

ضعن راح اشحـــلاته
اخو امــــــدلل خواته
عله الهـــــــودج بناته
ومغربــــات
مشن ويه الكفلــــــهن
ابو فاضل حمــه الهن
امان الله ابخيـــــمهن
مكفــــولات
طلع ضـــعن بيه احله زلمه
گمر واخو وعم كافل اسمه
وصل بعـــد لا بالـــــي يمه
بويه حسين
شمس الضهر هاي   وحر الصحاري
وين الضعن صــار   شيطفــي ناري

على ابواب المـــــدينه
شكو امســــافر يجينه
ننـــشده اعله الضعينه
شلونه حسين
ترد نوگ اشكـــــــثرها
واهلنه ماكــــــو اثرها
صدگ ضايــــع خبرها
زينب ويـــن
صدگ بعد ما يلفــــــي ضعنه
صدگ حلم راح نلگه ســــكنه
صدگ خدر ضاع يعني ضعنه
بويه حسين
لو ماتجي النــــوگ   صوب المدينه
معناها الحســـــين    راح امن ادينه

خادم القصيده
شاكر الصيمري باز کردن / نظر دهید

2023-07-03 00:06:46 اودك مــــــــــا اود سواك
ملك كــــــــل العمر هواك
مسار اهل الــــدمع وراك
عـــدم لولاك

رساله الدمـــعه كلهه اسرار    
وحگك لــــــــــو محرم دار
الك ماكو دمــــــــع مو حار

ارد والحسره الك صـحراه
حرام المالطم مــــــــــولاه
محرم موســــــــم وكل اه


كرامـــه     العـــــمر لو راح
ســعاده     الك لـــــو طاح
ودادك       هـــــوى ومرأه
مداسك     مـــــــرد ارواح


رحوم ومصـــــــــــدر المراد
سوادك احــــــــله كل سواد
الك طاح الدمــــــــــع رماد
دمــــع مدرار

مدد كلما اگـــــــــــول الگاك
الاهــــــــــــــك للعگد سواك
مله گاع وســـــــمه طرواك

دواء اســـمك على السمّاه
طهاره الكل ســــمع سوّاه
الاهك صــــــــوّرك محلاه


عطائك     كرم معـــــــلوم
حـلالك     سعر مـــــاسوم
اوعـدك      الك مكســــور
اراده       الهوى معصوم


سماحه وعـــــــالم الوئام
ملل لو مــــــــا اله الكلام
اسلم واســـــــمع السلام
ســــلام الله

كمالك مــــــوطئ الكل راس
مرامك مــــــرسى للاحساس
اماره الوحــــــــــدك وكراس

وصالك رحمه مـــــــامعدود
سراطك مسرى ماله احدود
الك كل ساعه احـس مولود


مهـــــاره     ومـــــــا ادراك
الاهــــك     اله عــــــــــلاّك
اگــــولك    واحس ماگـول
لحــد ما     اگـــول امساك


احاول اوصـــــــل الطموح
حلم والكـــــــل حلم اروح
ادگ للگـــــــــاع اله الروح
ودگ الهـــام

علامه الكـــــــــسره للمهموم
عله الكسروله صــدره الگوم
ولا ســـــــــامع ملك محروم

امس صـــــــــار الحرگ ولاّد
امس ماكو ســــــــهم ماهاد
امس آل الرســـــــول اوحاد

حـــراره    مســعره الحال  
حدوهم     حـــــــرائر آل   
محـــمد     سرو للسـوگ
اســــاره    وحملـهم مال

خادم القصيده
شاكر الصيمري باز کردن / نظر دهید

2023-07-03 00:04:59

باز کردن / نظر دهید

2023-07-03 00:04:21

باز کردن / نظر دهید

2023-06-28 23:08:24 باز کردن / نظر دهید

2023-06-27 04:05:11 محرم ياوجــــــــع زينب
گلبهه ابكــــــربله اتعذب
محرم يعنــــــي غربتهه
اذا حـــــــل بيهه تتغرب

يناعي ابهيــده وي زينب بعدهي ابغـربه وحدهه
ترا الغربهه فگـــد حسين تبعد مــــــــو عوايدهه
چانت عدهه خوش اخوان وصارت كلشي ماعدهه
محرم يجــــــــمع الخدام وزينب ياهـــو يفگدهه

دموع الحـــــــــره هماله == اويلاه
تصيح ابشـــــوفة اهلاله == اويلاه
تحل ايـــــــــــامه چتاله == اويلاه
وزينب عاشـــــت الحاله == اويلاه



سواد الليل اشـــــد غربه
حل بزينب وصـــــــــعبه
تذكر ليــــــــــلة الوحشه
من تاه الضــــــــعن دربه

محرم ياليــــــــالي السود يالمهــــــــيج مصايبهه
ميته ومـــــن يمر طاريك زينب هــــــــم يعذبهه
يواسيهه المثـــــل شهرك مـــــــــو يذكر نوايبهه
ليلك مو مثـــــــل كل ليل لو چلـــــــــچل يتعبهه

ضلامك تـــــدري دوهنهه == اويلاه
ونهارك مارحــــــــم ونهه == اويلاه
هزل باچــــــــــر يشيلنهه == اويلاه
وبهلهه ينگـــــــطع ضنهه == اويلاه



بعدهي تنتــــــــــظر جيته
النهر ماخذ اخـــــو اخيته
مدري المات ابــــو فاضل
مدري زينــــــــــب الميته

بعدهي تذكــــــــر العباس مــــــــن اتوادع اوياها
لا رد هـــــــــــوه من الماي لا عالهـــــــــزله شافاها
شيرد الهه ابـــــــــو فاضل راح البيــــــــده جاباها
حيل افراگه مــــــو عالبال وزينـــــب وين وداها

اخوها وطــــــــول اعليهه == اويلاه
محرم مـــــــــــن يمر بيهه == اويلاه
ترد تحســـــــــــب ير ليهه == اويلاه
گضت من گـــــد بواچيهه == اويلاه



وحگ كل چـــــــــلمه اجرعهه
نشف بعيـــــــــــوني مدمعهه
عدله وميـــــــــــته ما اخلص
غريبه كل ســــــــــنه اسمعهه

انه چــــــــــندوب اعبّرهن بعدني مـــــــالي عوانه
افز ابگبري مـــــــــن اسمع شام وطــــاري ديوانه
لا من عدله رحمــــــــــــوني ولا من ميـته خلصانه
الهظيمه اشما غـريبه اسمع اگـــــولن بلكي مو انه

يچندوب اســــــــمع الچلمه == اويلاه
عشت لچمه ومتـــــت لچمه == اويلاه
انه المعروفه بالحشـــــــــمه == اويلاه
وصرت مســــــــــبيه اتسمه == اويلاه



العزيز ابكــــــــل گلب كسره
يطارش خبّـــــــــــــر الزهره
ابنهه ابكــــــــــــربله اتطشر
بعد شيلم جــــــــرح صدره

صعد فوگ الرمــــح راسه وبناته الغربه تحديهن
اذا منتظره يرجعـــــــــلچ وين اضلوعه تلگــــيهن
لگيت اجــــــروحه ماتنعد من كثر الســحگ بيهن
ييمه الخـــــــيل اذا غارت ماترجع واحــــاچيهن

صحت عالخـــــيل ارحمنه == اويلاه
يخيل ابن امــــــــي عبرنه == اويلاه
على التله واشـــــــــــوفنه == اويلاه
يلوج وگـــــــــــــاطع الونه == اويلاه

خادم القصيده
شاكر الصيمري باز کردن / نظر دهید

2023-06-27 04:04:34

باز کردن / نظر دهید