#البوست_الأخير #هام_جدا حبايب قلبي وطلابي الغاليين آخر بوست ر | السنة التحضيرية للكليات الطبية الدفعة السابعة 2021-2022
#البوست_الأخير #هام_جدا حبايب قلبي وطلابي الغاليين آخر بوست رح يكون الي معكن بهي السنة كانت سنة مليئة بالوجوه الحلوة الطموحة يلي مابتعرف الكلل أو الملل كتير فرحت ونبسطت بتقديمكم وان شاء الله عقبال المادة الجاية كمان لازم وضح كم نقطة وبدي الكل من اخواتي طلاب التحضيرية يعرفوهن: ما رح ننزل سلم تصحيح لانو الاسئلة ما نجمعت كتير لهيك كل طالب بيقدر يعرف حالو قدم منيح او لاء من تقييمو لذاتو ولدراستو . من حق اي صاحب جهد انو يشتغل ويربح من جهدو بالطريقة يلي هو بشوفها مناسبة طالما ما سرق ولا نهب وما استغل حاجة حدا ، كل شخص بقدر ثمن تعبو وبقدمو بالطريقة يلي بشوفها مناسبة قد يخطئ وقد يصيب ولكن هاد الشي بيرجع عليه لحالو فقط ، من حقك تحب شغلو وتاخدو ومن حقك ما تحب شغلو وما تتعامل معو بس مو من حقك ابدا تقلل من احترام لهاد الشخص . برجع وبأكد مئات(حرفيا) الطلاب تواصلت معي وقدمتلن كودات مجانية باي شي طلبو ومالي منية ولافضل على واحد منن هاد الشي زكاة عن علمي وشغلي لحتا ما يكون ابدا العامل المادي عائق قدام اي طالب بيحتاج لشغلي . بحترم وبتقبل وبكبر بكل شخص عطا رأيو(باحترام) وقدملي انتقاد او ملاحظة ما في شخص بالدنيا بالنهاية كامل وانا بشر طبيعي ممكن اخطأ وممكن صيب. نجاح اي حدا فيكن هو نجاحو بجهدو وتعبو فقط وما في حدا الو منية عليه لا انا ولا غيري ولكن بتمنى اني كون جزء ولو بسيط من قصة نجاح اي حدا فيكن . بالنهاية رب العالمين بيعرف شو نية كل بني ادم وبيعرف مدى صدقي بتعاملي مع طلابي من ٧ سنوات لهلق وبطلب مننو انو يعطيني القوة والشغف لضل دايما عم قدم من قلبي لكل شخص بحاجة علم هو عطاني ياه بنعمة وفضل مننو . بتشكر كل حدا بعتلي شكر او كلمة لطيفة بخضم هالضغط النفسي ومن علمني حرفا كنت له عبدا بس انتو رح تكونو دكاترتنا يلي منفتخر فيكن وانو بيوم من الايام درسناكم وكنا جزء من طموحكن ومن لم يشكر الناس لم يشكر الله لذلك واجب وجه شكر لكل حدا دعمني وساندني ووقف معي لنوصل لافضل شي ممكن نعملو واولهم الدكتور العظيم يوسف البردان والفريق الداعم ايليت والشباب يلي فيه . والدكتور الغالي يزن الخالد مساعدي بالقناة وبتشكره بشكل خاص ع رده عكل الاسئلة النظرية . شركة الحلول التقنية والدعم التقني ومركز طرطوس الاكابر ومحمد دعكور رئيس المركز . والدكتور المتميز بالفيزيا ايفان درويش حمص . والدكتور زينهار داندشي حمص. والدكتور ياسين الطماس حماة. و مركز برفكت رويل حلب. والدكتور عماد السيف ع جهوده المبذولة . والدكتور رعد مكارم سويداء. والدكتور الرائع الغالي أحمد صالح و كرم خربيك و الدكتور ياسين بليدي لاذقية . كل الاشخاص والجنود المجهولين ، كل شخص قدملي نصيحة او ملاحظة ولو بكلمة وحدة . ومتل ما شكرت العالم المناح لازم ومن حقي وجه النقد للاشخاص ياي حاولو يقدمولي الاساءة الممنهجة البعيدة عن الاحترام والاخلاق واولهم لفريق ابي بلاس ( A plus ) انا ابدا مالي مسامحتهم ع يلي عملوه من هجوم وضرب بالدكاترة وضرب بالفرق والدكاترة التانييين بالنهاية رب العالمين بيعرف نية كل حدا وبيعطي على قد نيتو تماما والناجح ابدا مابيحارب غيره ، الناجح بيتعلم من الناجح ليصير متلو واحسن ابدا ماتعلمنا وتربينا هيك . بتشكر ثقتكم فيني وممنونة لكل حدا فيكم بتمنى تدعولي من قلبكن و بحبكن من كل قلبي وتضلللو بالف خير د . منال البابا 2022/7/23
