' مع شهادة اتمام دولية من نمط MOOCs ' دائما ما بتشوف هالعبا | قُدُرات

" مع شهادة اتمام دولية من نمط MOOCs "

دائما ما بتشوف هالعبارة بمنشورات منصة قدرات وتعليقاتها..!

- طيب ياترى شو هيي هي الشهادة؟

- هل هي الشهادات معترف عليها ؟

- هي الشهادات بتقوي ال C.V وبتفيد السيرة الذاتية ؟

- طيب مصدقة من الخارجية؟

طيب خلونا قبل ما نبلش نذكركم بشغلة أنو الشهادة ممكن تأهلك لمقابلة العمل بس يلي بخلي لجنة المقابلة تقبلك هو خبرتك فالشهادة هي إثبات لأنك حضرت الكورس بس مو إثبات لخبرتك فراجع حساباتك إذا مجمع كوم شهادات وما عندك خبرة بمجالات هي الشهادات...



الشهادات من نمط MOOCs هي يلي عم تصدر عن منصات التعلم الذاتي مثل كورسيرا وإدارك ويوديمي وهاد النوع من الشهادات ممكن الحصول عليه بمجرد الانتهاء من الكورس يلي اخترته وحل الأسئلة المؤتمتة.

الميزة الأهم لهي الشهادة أنو ما شرط للحصول على شهادة من منصات التعلم الذاتي أنو يكون عندك خبرة سابقة أو تكون حاصلً على شهادة ثانوية أو جامعية بل ممكن للجميع التعلم واكتساب المعرفة.

طيب شومعنى MOOCs وشو مصدر دعم هي الشهادات واعتمادها

هلق الكلمة عبارة عن أختصار ل
Massive Open Online Courses

ويلي بتعني دوراتٍ تدريبية مفتوحة فيك تحضرها على الأنترنت

ومصدر هي الشهادة عدة جهات داعمة منها جامعة هارفرد وستانفورد ومعهد ماساتشوستس للتقنية، ويُقال شركة مايكروسوفت Microsoft وشركة جوجل...

أما فيما يتعلق بتقديم الدورات فيأتي من قِبل:

• منصة Udacity
• منصة Future Learn
• منصة Coursera
• منصة EdX
• وعلى المستوى العربي منصة إدراك.

بناءً على ذلك بما أنو شهادات MOOCs والتي تُمنح للطالب ذاتياً من قبل المنصة بمجرد انتهاء المساق واجتياز اختبارته بالاضافة لوجود أسفل كل شهادة رابط للتوثيق، فهي الشهادة معتمدة بالتأكيد.

وأكيد من المفيد أنك تحصل على شهادة MOOCs , وتحطها بال C.V ،فالشهادة موثقة وبتحمل شعار الجامعة الشريكة،

والمنهج يلي عم يتم تدريسه هو منهج عالي الجودة واحترافي للغاية وخصوصاً الشهادات من فئة Specialization أو Certificate والتي بتحصل عليها بعد إتمام مجموعة من المساقات المتتابعة...

وتذكروا أنو اليوم نحن بعصر التعلم الذاتي أونلاين وعصر بيطلب خبرتك قبل شهادتك

ومن منصة قدرات بالتوفيق إن شاء الله