دائماً منسمع بشي اسمو voice over طيب يا ترى شو هو؟ أو عن شو بي | قُدُرات
دائماً منسمع بشي اسمو voice over طيب يا ترى شو هو؟ أو عن شو بيحكي؟
كتار منا ما بيعرفوا شو مضمونو لهالمصطلح وكيف منقدر نستفيد منو، لهيك تابعوا معي أصدقائي لنتعرف عنو ونعرف شو هي الكورسات يلي ممكن نتعلم من خلالها الvoice over
اولاً :الفويس أوفر أو ما يعرف بالتعليق الصوتي هو مصطلح منطلقو عالشخص يلي بقوم بالتعليق الصوتي من خلال قراءة المقالات أو التقارير الصحفية وأيضاً التسويق للمنتجات كذلك أمر الأصوات بألعاب الفيديو والفيديوز التعليمية وطبعاً يشمل التعبير من خلال ردود الأفعال الصوتية وإعطاء انطباعات معينة، الشي يلي بدل انو الفويس أوفر مجال واسع جداً
ثانياً: ويلي هو انا كيف بدي صير اشتغل فويس أوفر؟ وشو الكورسات اللازمة أو المهارات يلي لازم طورها ؟ دونت ووري أصدقائي الجواب عنا تابعوا معي اول شي عنا كورس إتقان اللغة يلي رح نشتغل فيها مع قواعدها ومخارج الحروف واللفظ وما ننسى معرفة الفرق بين اللكنات واللهجات المختلفة وإتقان اللغة الأم تماماً بحيث تكون طليق بقرائتك
والشي التاني لازم نتبع كورس يعلمنا مهارات الإلقاء الصوتية لانو بالفويس أوفر اعتمادنا فقط على مهارات الإلقاء الصوتية لا إيماءات عيون أو يدين لذلك التعبير كلو والانطباع متروك للصوت
اكيد لازم ما ننسى اختيار اللون المناسب لخامة الصوت طبعاً هالشي بتحددو التجربة والاستماع لكافة الأنواع، بعد هيك لازم نسمع كتير لهالنوع نحاول التقليد والمحاكاة ، أهم نقطة نعطي هالتجربة حقها من الوقت والتطوير مع الممارسة والأهم جداً هو التدريب ثم التدريب وبالنهاية اكيد رح نوصل لنتيجة مرضية جداً بالإضافة إلى إنها مُكسبة
ورح اتركلكم هلق كورسات مجانية باللغة العربية لتعلم التعليق الصوتي
1- كورس مجاني مقدم من منصة معارف: https://www.m3aarf.com/certificate/6804
2- كورس مجاني مقدم من منصة إدلال: التعرف على التعليق الصوتي وأنواعه واستخداماته مجالات العمل في التعليق الصوتي ماذا تحتاج لتبدأ مسيرتك؟ أهم الخطوات التي يركز عليها المعلق الصوتي المحترف تسعير خدمات التعليق الصوتي كيف تحافظ على جودة صوتك؟
رابط الدورة: https://bit.ly/3dzqIPw
من منصة قدرات كل التوفيق _______________________
منصة قُدُرات تضع بين يديك أهم الكورسات المجانية والمدفوعة.. سواء كانت أونلاين او تفاعلية... لتطوير الذات وإغناء ال C.V واكتساب المهارات.. : قناة منصة قدرات على التيليجرام : https://t.me/Qudoratlearning
صفحة منصة قدرات على الفيسبوك: https://www.facebook.com/Qudoratlearning/
