فن الإقناع والتأثير بالآخر مهارة من مهارات ال soft skills و | قُدُرات
فن الإقناع والتأثير بالآخر مهارة من مهارات ال soft skills و كتعريف لهالفن : هوي قدرة الشخص على زرع قناعات للناس و تغيير وجهة نظرن بموضوع ما .. و بالرغم من إنو عملية الإقناع صادرة عن كائن عقلاني لكن حابة خبرك انو هالعملية بالذات بتكون خاضعة بنسبة ٧٠ ل ٨٠ ٪ لتأثير للمشاعر أي ؟ يعني لازم تعرف إنو نحن نخضع لتأثير النظام الانفعالي العاطفي أكتر بكتير من النظام التحليلي العقلاني و كتير حكي ما بيخلص و معارك بين القلب و العقل VS
بيجي الإقناع ع مراحل .. ١ #طرح الفكرة : و هالخطوة هي المكون الأساسي لعملية الإقناع يعني إنت عم تقدم فكرتك لحتى تبلش برحلة الإقناع و لازم و الأهم تكون فكرتك بسيطة ، مركزة ، بعيدة عن التعقيد و بتخص موضوع واحد و بس . لا تلف و تدور
٢. #القناعة : و هون بيكون بلش شغلك بزرع أفكارك جوات مخ الشخص اللي بدك تقنعو يعني تخاطب اللاوعي تبعو + بالإضافة لكونك لازم تكون متعاطف و مشجّع و داعم للشخص اللي ادامك لحتى ما يحس إنك متسلط او جاي تفرض سيطرتك عليه
٣. #القرار : و هون لازم تكون حازم بقرار رح تاخدو و تقنع غيرك فيه و طبعاً هون بيرجع لطبيعتك ازا كنت دبلوماسي او ذو طبع حاد او ..إلخ يعني حسب شخصيتك
٤. #الالتزام : يعني لما تقنع شخص ما بشي شغلة و يعملا لازم تحفّز جواتو شعور الالتزام بهالشغلة من خلال أساليب لازم تتبعا و منها المديح و التشجيع و .. إلخ
الخطوة الأخيرة : و هي الإيمان و الدعوة يعني خلص هون بتكون وصلت فكرتك للشخص اللي انت قنعتو و بلش هوي يصير شخص مُقنع لهالفكرة
الخلاصة إذا بدك تكون حياتك سعيدة لازم تتقن فن الإقناع والتأثير.. فالمقنع شخص راضٍ عن ذاتو و عم يحاول يرضي غيره بأفكاره .. أي أنه دخل جنة الدنيا من أوسع أبوابها
