2023-02-14 16:08:31
#استفهام
خُلاصــة الاستفهام
الاستفهام نوعين
حقيقي و مجازي
الحقيقي بي نوعين ( تصديقي و تصوري )
المجازي بي نوعين ( تعجب سماعي ، نفي ضمني )
التصديقي نجاوب عنه بنعم او لا او بلى ( ويه الهمزة )
التصوري نجاوب عنه بالتعيين
التصديقي نستخدمه ويه هل و الهمزة اثنينهن
التصوري نستخدمه بس ويه الهمزة من يكون اكو بالسؤال ام المعادلة
ام المعادلة تجي بس ويه الهمزة
اذا اجت ويه ( هل ) فهاي ام منقطعة بمعنى ( بل ، لكن ) و ما تفيد الاستفهام
نجاوب بالحرف ( بلى ) اذا كان الاستفهام منفي و ردنا نثبت الجواب
أولم تؤمن ؟ قال بلى
هنا ابراهيم مؤمن يعني ( بلى آمنت )
بينما نجاوب بالحرف ( نعم ) اذا ردنا الجواب يبقى منفي
أولم تؤمن ؟ // لو قال ابراهيم نعم
فمعناها انو ما مؤمن يعني ( نعم لم أؤمن )
الهمزة تسبق حروف العطف ( الواو ، الفاء ، ثم )
( هل ) تسبقها حروف العطف
الهمزة نستفهم بيها عن الجمل المثبتة و المنفية
هل نستفهم بيها عن الجمل المثبتة فقط
نكدر نحول الاستفهام التصوري بالهمزة الى استفهام حقيقي بحذف ام المعادلة و الي وراها
و نكدر نحول التصديقي الى تصوري بوضع ام معادلة و كلمة مناسبة وراها حسب الي عدنا بالسؤال
يجوز حذف الهمزة من السؤال للتخفيف
بينما لا يجوز حذف هل
تدخل الهمزة ع اسلوب الشرط ( إذا ، إن )
و كذلك تدخل ع الحروف المشبهة بالفعل ( إنّ )
بينما هالشي ما ممكن ويه ( هل )
هل و الهمزة // حروف استفهام
بينما باقي الادوات تكون اسماء استفهام
احتمال تجي الهمزة حرف نداء ما الها علاقة بالاستفهام
أفاطم لو خلتِ الحسين مجدلاً ....
https://t.me/Quiz33
10.1K views13:08