- ليه سيدنا يعقوب عليه السلام كان متأكد إن ولاده بيكذبوا عليه؟ | "القرآن " ♥☘️
- ليه سيدنا يعقوب عليه السلام كان متأكد إن ولاده بيكذبوا عليه؟ =بيكذبوا عليه في إيه؟ -لما قالوله إن الذئب أكل سيدنا يوسف!، إيه اللي كان مخليه متأكد إن الذئب بريء كده؟
لما أخوات سيدنا يوسف عليه السلام حسوا إن أبوهم سيدنا يعقوب عليه السلام بيحب يوسف أكتر منهم وبيفضله عليهم، قرروا إنهم يتخلصوا منه، ووقتها يقدروا يستولوا على حب أبوهم لهم لوحدهم! قال تعالى في ذكرهم:"اقْتُلُوا يُوسُفَ أَوِ اطْرَحُوهُ أَرْضًا يَخْلُ لَكُمْ وَجْهُ أَبِيكُمْ وَتَكُونُوا مِن بَعْدِهِ قَوْمًا صَالِحِينَ (9)"
وفي يوم عشان يقدروا ينفذوا خطتهم أقنعوا سيدنا يعقوب بعد محاولات كتير إنهم ياخدوا أخوهم يوسف معاهم وهما بيرعوا الغنم فيلعب ويجري حواليهم وهما هيخلوا بالهم منه ويحرسوه. قال تعالى في ذكرهم:"أَرْسِلْهُ مَعَنَا غَدًا يَرْتَعْ وَيَلْعَبْ وَإِنَّا لَهُ لَحَافِظُونَ (12)"
في البداية اتفقوا كلهم إنهم يتخلصوا منه بالقتل إلا واحد منهم اعترض وقال:" لَا تَقْتُلُوا يُوسُفَ وَأَلْقُوهُ فِي غَيَابَتِ الْجُبِّ يَلْتَقِطْهُ بَعْضُ السَّيَّارَةِ إِن كُنتُمْ فَاعِلِينَ"
وبدأوا في تنفيذ الخطة، وقبل مايرموه عليه السلام في الجُب كانوا محتفظين بقميصه، وقتلوا شاة، وأخدوا من دمها وحطوه على القميص عشان يقنعوا سيدنا يعقوب إن يوسف أتقتل! ومين اللي قتله؟ الذنب ليه؟ عشان ياكله والذئب لما هجم عليه عشان ياكله قلعه القميص الأول!، ولا مفروض إنه هجم عليه مرة واحدة وبدأ ينهش في لحمة، فالقميص مفروض يتمزع بين أنيابه زي ما اللحم اتمزع؟!
وعشان كده لما سيدنا يعقوب شاف قميص سيدنا يوسف سليم مافيهوش خدش واحد حتى وعليه دم اتأكد إنها خدعة من ولاده وإن في مكر مكروه بيوسف وإن الذئب بريء! وبصلهم وقال:"بَلْ سَوَّلَتْ لَكُمْ أَنفُسُكُمْ أَمْرًا ۖ فَصَبْرٌ جَمِيلٌ ۖ وَاللَّهُ الْمُسْتَعَانُ عَلَىٰ مَا تَصِفُونَ (18)"
وعشان كده جرت العادة بين الناس لما يدافعوا عن مظلوم، يقولوا:"بريء براءة الذئب من دم ابن يعقوب!" والله أعلم.
#تفسير_آيات_القرآن #سورة_يوسف علمنا الله وإياكم. #هبة_شلبي الشير مفتوح وهو الأفضل ياحبايب
