الشاعر رعد الچريخي

2022-08-03 15:28:06 باز کردن / نظر دهید

2022-08-03 10:51:20 ((ليل العطش))


. لـيـل الـعـطـش ذبـل ورود اخـيـامـي
وجــه الگـمـر نـدّه وروه کـل ضـامـي

والشـمـس مـنـكـسره اجــت
والـنــهــر قــصــتــه ابـتـدت

*--------------------*--------------------*

الكـون شـح أمـن النـده وسـاعـاتـه صحره
والـــورد ذابـــل اشــوفــه ويـتـنـي قـطـره
فـجـئـه شـاهـدت الـگـمـر ويـحـيّـر امــــره
غـيّـمـت گـصـتـه ونـــزل لـخـيامـي مـطـره

حاچه الشمس خليني وحدي وعودي
انــه الـگـمـر مــطــره صــرت لـورودي

شـبـگـتــه ويــمّــه انـحـنـت
والـنــهــر قــصــتــه ابـتـدت

*--------------------*--------------------*

اجـروف يـبـسـت والعـطـش مـيـت ضميره
والـشـمـس مـثـلـي بـقـت حـيـرتـهـه حـيـره
الـلـيـل سـاكـت والـفـجـــر مـا بـيـنـه ديــره
والـنـده لـگـطـراتــــه تـنـزل كـلـهـه غِــيـــره

شـاف الـظـلام مـغـطـي عـالـنجمـاتـه
حــن الـنـده ونـزلـت عـلـي قـطـراتــه

قـطـره قـطـره تــــوزعــــت
والـنــهــر قــصــتــه ابـتـدت

*--------------------*--------------------*

الـگـاع صـحـره والـنـهـر طـمـاهـه نــفــســه
والـبـدر واكـــــــف يـشـاهـد عـيـن شـمـسـه
مـوقـف يـهـز الــــــرواسـي ابــالـي شـنـسـه
والالـــم جـــرّح دلـيـلـي وروحـــي احــســه

مـاي الـعـذب صـارت تـراب أجـروفــه
وجود المجد يتحسر إعـلـه اچـفـوفـه

چـفـوف التـشـيـلـه تگطعت
والـنــهــر قــصــتــه ابـتـدت

*--------------------*--------------------*

روحــــي تـتـنـي وتـيّـهـت بـالـطـف امـلـهـه
بـلـيـل غـربـه ودمـعـه رفـعـت مـسـتـهـلـهـه
نـصـبـت بـخـدي عـــزيـــه ومـــاتـــم الــهــه
يـعـنـي راح الـيـحـمـي خـدرچ هــذا حـلـهـه

الدمعه التصب شرحت الي المعلومه
ركزي النـظر باچـر تـغـيـب ارسـومـه

يـاهـو بـس مـــــا صـرّحــت
والـنــهــر قــصــتــه ابـتـدت

*--------------------*--------------------*

ركــزت عـيـنـي وشـفـت رؤيــــه عـجـيـبــه
مـشـابـك اثـنـيـن وحبيب يـحـب حـبـيـبــه
واحـد ادمـوعـه تـصـب ومـنـگـعـه شـيـبـــه
أو واحـد بأصـعـب وضـع قـصـتـه رهـيـبـــه

أتـفـارگـوا بــس مـدري ويــن الـنــيــه
شـمـس الـضـحـه لـفـگـد الگمر محنيه

فـجـئـة بـالـطــــف سـلـمـت
والـنــهــر قــصــتــه ابـتـدت

*--------------------*--------------------*

چـنـت اعــايـن لـلـسـمــه تـغـيــر وضـعـهــه
وضـاكـت الـوسـعـه وصـغـر كلش وسـعـهـه
اتـطـشـرت نجـمات لـيـلـي بـكــل جـمـعـهـه
اتـصـورت رؤيــه وگـلـت يـخـلـص فـزعـهـه

قـصـه غـريـبـه وفـكري حـايـر بيـهـه
تدمي الكلب تصعب عليه احـچـيـهـه

بـيـهـه روحــــــي اتـألـمـــت
والـنــهــر قــصــتــه ابـتـدت

*--------------------*--------------------*

بقلم خادم الحسين ع
الشاعر رعد الچريخي باز کردن / نظر دهید

2022-08-03 00:41:48

باز کردن / نظر دهید

2022-08-02 03:59:36

باز کردن / نظر دهید

2022-08-01 15:20:39 ميمر ((حلمي أندفن))
 
 
سار الضعن          حلمي أندفن
بس الدمــع          خله الزمــن
 
تچويني نار الحسرات وانه انتظر يوميه
*----------------*---------------*

صورت شملهم ساكنه أبدلالـــــي
حسبالي أروحن بالضعن حسبالي
ماحسبت  ابقه  بدمع  للتالـــــــي
 
جسمي نحل       فــوگ العلل
ياهو ألالــي        بفرگه الاهل

بين الحزن والاهات بغربه اصبحت منسيه
*----------------*---------------*

تلفي المسيه وانتظر حاديهم
كلشي نسيته وألهج بطاريهم
نذراً  عليّه  بالعمر  أفديهــم
 
أحلم يـــــــــرد        وأنسه البُعد
الحادي الشمل       أزرع   ورد

گلبي أنجرح للأحباب وروحي بهجر ملچومه
*-----------------*------------------*
 
حتى بمنامي للدمع ما بــــــــارح
أتنطر وهمه بخيالي الســـــــارح
أفراگ الأحبهم مارحمني وجارح
 
طال الهجر        غاب الفجر
الليل اليجي        روحي يجر

طفله وعليله أيعرفون وخلو حزنهم بيه
*-----------------*---------------*

المثلي أشيطيب علّته وجروحه
تحله المناحه ودمعتي مسموحه
گطعوا خبرهم وألأمل بالروحـه
 
كلشي أنگطع      حزني أنجمع
انطـــــر خبـر       محد رجـــــع

أمكابر حياتي ولوعات وين الصبر تاليّه
*----------------*---------------*

أحلامي ماتت والعمر مليتــــــه
ما ادري صبري الياوكت تاليته
رب الجلاله بغربتي أدعيتــــــه
 
بكسر الگلب       وجفني اليصب
ايجيب ألاهل      وانسه الغـــرب

أذتني حيل الأيام واحلم اشوف الجيه
*------------------*-----------------*
 
أغفه وصورهم بالجفن مرسومه
أتحملت مـــــر الهجر وهمومـــه
ليل المصايب عاشرت لنجومـــه
 
حصتي السهر       مــــــن الدهر
بهذا الوضـــع       ظهري انكسر
 
الجيّت شملهم تانيت ماضن يرد أعليه
*------------------*----------------*
 
بقلم خادم العليله
الشاعر رعد الجريخي باز کردن / نظر دهید

2022-07-31 20:22:53 مَن ذاكرٌ أمَ البنينِ فإنها
فقدتْ بيومٍ واحدٍ أولادَها

مجموعة ابوذيات للطاهرة أم البنين ع

*---------------*---------------*

دليلي اتعذب وكلشي.. مجاني
ووزع للــدهــر دمعي.. مجاني
أتــاني الغالي والغالي.. مجاني

أضـــل إليا وكـــت ناري سريه

*---------------*---------------*

إضنوني ماتجيني الوِلد.. يحسين
غريبه وْ لا اليه بـشـــر .. يحسين
أصــيح بغربتي ضليت.. يحسين

وصدى صــوت المدينه ايرد عليه

*---------------*---------------*

عليّه الدنيا جمعت ضيم.. والمات
ودمعي والمناحه ويـــاي.. والمات
أبـــد مـــا يرجع المدفون.. والمات

وأنـــه اتنطر بنيني اتـــرد علــيـــه

*---------------*---------------*

عَلَي ثـــوب الحزن لايگ.. وراهم
جِفوني وشابحـه عيوني.. وراهم
بـــعــد هيهات أشاهدهم.. وراهم

خمسه اعــزاز راحـــوا مـــن إديه

*---------------*---------------*

يهل تسأل عليه بـــســاع.. شبّان
ابــراســي والضلوع بنار .. شبّان
منو مثلي افگدت بالكون.. شبّان

وعليهم ضلت ادموعي جـــريــه

*---------------*---------------*

بقلم خادم الحسين ع
الشاعر رعد الچريخي باز کردن / نظر دهید

2022-07-31 01:49:54 (موشح)


شـافـت انـواع المـحـن واشكـالـهـه
بـكـربـلـه وسـوح الـحـرب وافعالهه

*-------------------*------------------*

شـافـت انـواع المـحـن بت الرسول
وناحت اعله حسين بالدمع الهطول
يـبـن أمـي اتـصـيـح يـا روح البتول

جـثـتـك عـالـكـاع يـاهــو الـشـالـهـه

*-------------------*------------------*

صــدت الـعـبـاس اديـــه امـگـطـعـه
والـعـلـم مـلـفـوف يـم الـمـشـرعـــه
زيـن وتـحـمـل گـلـبـهـه الـفـاجـعـــه

وفـگـد اخـوهـه الحيد شل احوالهه

*-------------------*------------------*

عـلـي الاكـبـر يـمـهـه ودمومه تسيل
شـب گـلـبـهـه بـنـار چـن نـار الخليل
شـبـه سـيـد الـكـون عـالـغـبـره قتيل

مــا نـشـف دمــع الـجـفـن يـبـرالـهـه

*-------------------*------------------*

هـالـمـصـايـب يـم گـلـب زينب رسن
وخذن منهه الشاب بعده ابن الحسن
بـعـد شـيـطـيـب الـجــروح ويـنّـسـن

خــابــت الـحـره جــمـيــع أمــالــهــه

*-------------------*------------------*

كـعـبـه صــــارت لـلـمـحـن الـمـدلـلـه
شـاهـدت الانـصـار كـلـهـه امـجـتـلـه
ضـلـت بـحـيـره الـمـدامـع هــامــلــه

هــاي مـاچــانــت گــبــل عـالـبـالـهــه

*-------------------*------------------*

شـحـچـي عـالـصـار وجره الام الخدر
طـاح عـالـتـربـان يـمـهـه اشـكـم بــدر
شـحـال زيـنـب مـن لفـتهـه اهل الغدر

والـبـدور امـصـرعـه أعـلـه ارمــالــهــه

*-------------------*------------------*

بقلم خادم الحسين ع
الشاعر رعد الجريخي باز کردن / نظر دهید

2022-07-30 19:52:55 رباطات نجفيه

شِـيـب وشبـاب اتـحزمت للـخـدمـه
حتى الـچـفـوف بـمجلسك متـعلمـه
بـدگ الـصـدر يـابو علي مـتـوسـمـه

والـيخـدم يـمـك هنياله
*--------------------*------------------*

نـعـمـه الـخـدامه وبـاللطم نـشكرهه
نـسـحـگ أنـوف الحاقده ونـكسرهه
كـلـمـتـنه وحـده وبـالـعـزه أنـكررهه

نـتـفـاخر بـسمـك تـدرينـه
*-------------------*------------------*

الـخـادم يـخـدمـك سيدي يـتـباهه
عـزه وكـرامـه خـدمـتـك مـعـنـاهه
وقـفـيـه عَـيـنـه لـلـدمــع خــلاهــه

يـالـمـالك روحـه ووجـدانـه
*------------------*-----------------*

مـعـروفـه نـاسك سيـدي مـعـروفـه
أتـمـوت وتـعـيش ومجلسك متعوفـه
الـخـادم نـذرلـك دمـعـتـه وچـفــوفـه

وبـالـخـدمـه أيـصيـح ويـتبـاهه
*--------------------*-------------------*

خادم الحسين ع
الشاعر رعد الجريخي باز کردن / نظر دهید

2022-07-27 19:23:23 {{ ميمر }} بحق الانصار


. نـِــعْـــمَ الــزلــم شــــدّوا حــــزم
يــــوم الــحـرب زود وعـــــــــزم

صـاروا درع لـجـل حـسـيـن وتْنافسوا أنـصـاره

                                 *---------------*---------------*

يـشـهـد عـزمـهـم بالشدد والحومه
گـالـوا شـهـاده لـو نـصـر محسومه
كلمن يـمـوت بــسـاعـتـه وبـيـومـه

إنــطــوا وعــــد مــثـل الــشــهـد
صــــــار الأجــل واكــثــر بـــعـــد

ماهموا جيوش وموت بسوح الحرب واخطاره

                                 *---------------*---------------*

هــايـه الـصـحـابـه التنذكر بالطيبه
اتـنـافـسـوا بـالـطـف شباب وشيبه
إلـهـم تـلـوگ الــمـرجـلـه والـهـيـبـه

بــذل الـنــفــس عــدهـم عـــرس
وجـيـش الكـفـر مــثـل الــخـرس

خـيـل وزلــم بالميدان مـنـهـم بـقـت مـحـتـاره

                                 *---------------*---------------*

خـلـوا مــواقـف بـالـفـخـر مـذكـوره
أتـبـيـن عـشـگــهـم للسبط بـحـروره
احـيـود وزلــم ولـكـربـلــه مــنـذوره

كــلــهــم وفــــه ونـفـس الصـفــه
حــبــوا صـــدگ حــب مــعــرفــه

ذولـه الـصـحـابـه الشجعان كـلـمـن لـزم بـتـاره

                                 *---------------*---------------*

أروع صـور لـلتـضـحـيـه ومعنـاهـه
يـم الحـسـيـن وصحبـتـه تـلـكـاهـه
دمـهـم رسـمـهـه وبـالـوفـه وخطاهـه

طـــول الــدهــر هـــــاي الــصــور
مـــــن تــنــذكــر بــيــهــه الـعِــبــر

المايقتدي بـهـالأنــصـار مـاضـن تـفـيـد اعـذاره

                                 *---------------*---------------*

الصاحب يوفّـي لصحبته بـافـعـالـه
يـــوم الــشــدد يـتـحـزم ابـــدلالـــه
هـذا الصحيح الـنـفـتـخـر بـامـثـالـه

بــيــن الــمـلــــه طـــف كــربــلــه
اعــــظـــم درس بــيــهــم حــلـــه

اتـعـلـم وإخــذ ادروس شـلـون الـوفـي تختاره

                                 *---------------*---------------*

هـيـچـي الشجاعه بالحرب مـريوده
اتـلـوگ المواقف لـلـخـذاهـه بــزوده
أحتار الشـمـر بـالـمـعـركـه وجـنـوده

خـاف وهــتــف گـلـبــه أرتـجـف
هـجـمـوا ســـوه والــــدم نــــزف

أقـره المجد والتاريخ وشــوف الـوفـه وأخباره

                                 *---------------*---------------*

خادم الحسين ع
الشاعر رعـد الجـــريخـي باز کردن / نظر دهید

2022-07-26 10:07:44 ياحسين



الـتـرب والـدم يـبـو الـيـمـه.. ضل اعليك
ومـن حــر الـشـمـس مـحـد.. ضَل اعليك
يـخـويـه الــخـيـل مـا خلت.. ضلـع لـيـك

گــفــاك وصــدرك أنـطـبـگـن ســـويـــــــه

*--------------------*--------------------*

شـفــتــك والـنـفـس گــــــــوه.. يــريــتــه
ودمـــع عـيـنـي دمــه لـجـلـك.. يــريــتــه
الــمـــوت ويــاك مـــاخــذنــي.. يــريــتــه

ومـثـل صــدرك حــوافــر خــيــل بــيـّـــه

*--------------------*--------------------*

خـادم الحسـيـن ع
الشاعر رعد الجريخي باز کردن / نظر دهید