2022-08-01 10:51:38
ح تخجل من نفسك بعد البوست دا ..
سيدنا الحسن بني علي رضي الله عنه .. كان لمن يجي يتوضي للصلاة .. لون بشرتو بتغير وببقي لونو شاحب شدييد ..
لما الناس يسألوه .. مالك لونك بتغير لما تتوضي ؟
بقول ليهم : أولا تعلمون علي يدي من أريد أن أقف ؟!
انتو ما عارفني ماشي أقيف قدام منو ؟!
ربنا يا شباب .. ربنا سبحانه وتعالي
كتيير مننا .. صعب يخشع في صلاتو .. ويركز فيها .. صعب يكون من الناس البكت في الصلاة .. وهو حاسس إنو بكلفتها ساي وما حاسس بطعمها
حال السلف في الصلاة .. كان عجيب امرهم
أحد الصحابة .. عندو مرض ف رجلو .. وعايزين يبتروها ليه .. ومخدر ماف .. طيب الحلل شنو ؟
قال ليهم " خلوني أصلي وأثناء الصلاة أقطعوها لي "
ي الله لقلوبنا نحن .. كلما نحاول نربطها بالصلاة عشان نفوز وننجي من النار .. ترفض وتعاندنا
الله لقلوبنا نحن الممكن تقيف في حفلة 5 ساعات وم بتقدر تقيف في صلاة ربع ساعة وبنقول للأمام صلاتك طويلة يااخ ..
أحد الأئمة بقول :
" والله لو كانت قلوبكم نظيفة ما شبعت من كلام ربها ولكن قلوبكم متسخة بوسخ المعاصي والذنوب "
" قَدْ أَفْلَحَ الْمُؤْمِنُونَ "
المؤمنون وينم يا رب الأفلحو ؟
عندهم صفات ممكن نعرفهم بيها ولا لا ؟
وكأنوو ربنا برد علينا بنعم .. عندهم صفات وصفاتهم في الأية ..
{ الَّذِينَ هُمْ فِي صَلَاتِهِمْ خَاشِعُونَ}
لمتين ح تفضل تقطع في صلاتك .. خلي الخشوع .. في مننا ناس م قاعدين يصلو .. او صلاتهم مقطعة ..العشاء مع الصبح .. والضهر مع العصر ..
إنت عارف إنو حاليا في شاب زيك كدا .. في المقابر مات وهو بقطع صلاتو .. ومات وهو ما قادر يصلي النوافل عشان تقال عليه .. ومات وهو بقطع الصلاة وبأخرها عن وقتها .. شاب زيك كدا .. بتمني يرجع لحظة .. لحظة واحدة للحياة عشان يتوب وم يقطع ولا يأخر ولا صلاة تاني من هول الحاجات الشافها قدام
وإنت حي بتتنفس .. وواقف علي رجليك ولسة بتتمادي وبتأخر الصلاة عشان فيلم او لحظة ونسة ما عايز تقطعها ..
أسي ممكن نبدأ .. ونعاهد نفسنا .. إذا ما بنصلي .. نبدأ نصلي .. وإذا بنقطعها .. نواظب عليها وإذا بنأخرها نحاول نجاهد نفسنا ونضبطها ..
132 viewsAbdo osh℡ , 07:51
ر
