ابوفاضل عنوان الشجاعة تعاي وشوفي اخي شلونه يازهره سيد وشحلاه | قناة الشاعره ام احمد البصراويه ✍🏻💞

ابوفاضل عنوان الشجاعة

تعاي وشوفي اخي شلونه يازهره
سيد وشحلاها غترته الخضره
___
سيد والشجاعه تلوگ للساده
متوارث صفاته وتشهد اجداده
خله الطف تسولف كله بمجاده
بيوم الي فزع بي من علي شمره

العلويه ام رقيه
♡___♡
مـــن یفزع یعادل بالزلم میــــه
تشبــه حملته الطـیر الکبیدیه
یمحله جهامته ومـــحله معانیه
هاذه الضیغمی من یهد مثل جمره

ام مهدی مجدم

♡_♡
لو هد البطل ظلمه یصیر لکـون
لابزنودة يبالي ولايبالي عيون
یتربایت علـــی حزاز الحصون
طش روس العده كلهه على
الغبره
ام زين العابدين المحمداوي

♡___♡
محله اسمه من اسولف بيه اتباهه
ابن ام البنين وكفو مـــن ارباهه
طشرها الزلم بــس روس خلاهه
خله الارض من دمهم غدت حمره

*الشاعره ام احمد البصراويه
♡_
___♡
محله اسمه گمر ومحلات طاريه
دخل الحومته وسواها حربيه
شجاعه ومرجله وكله حماسيه
بخوته وصته وبزينب الحره

ام زين العابدين المحمداوي
♡___♡

شاوصفلج اخوي وللشجاعه ايلوگ
ابوالغيرة وشهم رايته ترفرف فوگ
يخلس كل عوي ويسكت الحلوگ
شوصفنه حنين وبیه مفتخره

ام زينب الأسدي
♡___♡

الشجاعه من علي الکرار حاویها
تخرس الزلم من یمر طاریها
الحومه تنگلب لمن یطب بيها
والعایل علیه ابعینه ایصطره

المیرزا ام لیلی الخاقانی
♡_♡

تمت بعون الله تعالئ
باقلام شاعرات رابطة رماد الكلمات

t.me/raehinah

#الشاعره ام احمد البصراويه
لا نجيز حذف الاسماء