بتقول ^^ ' معايا واحدة صاحبتي بتستخير ربنا تشتري آيس كريم ولا | «رفيقتي إلى الجنة» للنساء💚
بتقول ^^
" معايا واحدة صاحبتي بتستخير ربنا تشتري آيس كريم ولا شيبسي "
قد يبدو الموضوع هاها ووأوفر وكدا ، بس انا بحبها وبحب استخارتها لله ف أبسط تفاصيل حياتها .. وف كل مرة ربنا بيكتبلها الخير ومبيخيبش ظنها
ولو اتعلمت منها حاجة ف يكفيني انها علمتني دي
- بتعمل ايه بقى .. تقول اللهم اختر لي ولا تخيرني ؟! = صلاة الاستخارة، أو احيانا بتكتفي بالدعاء لو مش هتقدر تصلي.
دعاء الاستخارة: اللهم إني أستخيرك بعلمك، وأستقدرك بقدرتك، وأسألك من فضلك العظيم، فإنك تقدر ولا أقدر، وتعلم ولا أعلم، وأنت علام الغيوب، اللهم إن كنت تعلم أن هذا الأمر (ويُسميه بعينه من زواجٍ أو سفرٍ أو غيرهما) خير لي في ديني ومعاشي وعاقبة أمري فاقدره لي، ويسره لي، ثم بارك لي فيه، وإن كنت تعلم أن هذا الأمر شرّ لي في ديني ومعاشي وعاقبة أمري فاصرفه عني، واصرفني عنه، واقدر لي الخير حيث كان، ثم أرضني به.
- طيب انا كل ما اصليها مش بحس بحاجة ليه ولا بحس بحاجة ولا بشوف حلم وبتبقي مواضيع مهمة اعمل ايه ؟ = مش بالضرورة أبدا إنك تحسي بحاجة كونية او تشوفي رؤيا أو كل ده، لكن انتِ بتصلي وبتمشي في طريق من الطريقين، وتيسيره أو عدم تيسيره ده بيكون نتيجة الاستخارة.
