السلام عليكم ورحمه الله وبركاته... الحمد لله الذى اعزنا بالإسل | «رفيقتي إلى الجنة» للنساء💚
السلام عليكم ورحمه الله وبركاته... الحمد لله الذى اعزنا بالإسلام أردت أن اقول من نعم ربنا علينا أنه سبحانه خلقنا ع الفطرة فطرة حب الله عز وجل فطرة الاحتشام هى فطرتنا كده بنخجل والله فعلا لولا بس تغير البيئات فحقيقى توقع فى اى مسلم ان جواه خير كتير بس كلنا محتاجين توجيه ومحتاجين مساعده فأوعى تبخل ع صاحبك او صاحبتك الفلانيه بالنصيحة قوليلها بكل تلقائيه الإجارة قربت تيجى ناوية تعملى ايه؟؟ ايه رايك نروح نحفظ قرآن سوا ايه رايك ندرس تفسير فى دورة كذا مش عيب والله بل هتلاقى ناس كتير بتستجيب للأمر فعلا واحده صحبتى ربنا يرضى عنها لبسها لا يرضى الله بس والله بحس بقبول ناحيتها بطريقه يعلمها الله وفجأة بقولها خلاص هنتخرج السنه دى ناوية تعملى ايه فى الاجازة بكل تلقائيه قالتلى والله انا قولت أول حاجه هعملها لما أخلص امتحانات واتخرج هلبس الخمار بجد ؟؟ ايوة بجد والله انا فعلا مقررة قولتليها طب ايه رايك تيجى مع صاحبتنا فلانه ونحفظ قرآن فى المدرسه قالت ماشى المسافه بعيده بس ماشى ان شاء الله هاجى الشاهد من الأمر ان اللهم بارك هى او هو جوانا حجات حلوة ونفسنا نقرب ل ربنا سبحانه وتعالى محتاجين بس واحد يشجعنا مش تبخلوا ياجماعه ع اخواتكم واهلكم واصحابكم البنت كان ممكن مليون سبب يخليها مش تلبسه رغم أنها مقررة بعد الامتحانات ولكن سبحان الله هداها وهدانى انى اخد بايدها ونكون صحبه صالحه أسهل طريق للدعوة إلى الله هو الإحسان حقيقى انك خايفه ع أختك من النار مس مجرد بتنصحى عشان تكونى عملتى ال عليكى لاء انتى بجد خايفه عليها من النار زى ما خايفه ع نفسك ده أسهل طريق للدعوة وكمان من احب الطرق لأن من كثرة خوفك بتتكلمى من قلبك حقيقى وكلامك بيوصل بفضل الله كان حديث عن النبى صلى الله عليه فيما معناه أنه صلى الله عليه وسلم كان بيسأل حد من الصحابه ماذا تحب او تريد قاله الجنه قاله صلى الله عليه وسلم حب لأخيك ما تحب لنفسك حب لأختك الالتزام زيك حبى لاخوك يصلى فى المسجد زيك حبى لاصحابك يكونوا من حفظه كتاب الله زيك
