خدوا بالكم يا بنات ... مش معنى إنك تكوني أنيقة وشكلك حلو إنك ت | «رفيقتي إلى الجنة» للنساء💚
خدوا بالكم يا بنات ... مش معنى إنك تكوني أنيقة وشكلك حلو إنك تلفتي النظر بالنقاب الملون واللبس الملفت وفتحة العيون الواسعة.... انتِ بكدا مش هتحببي البنات في النقاب...لأ انتِ هتكوني فتنة لغيرك لما يفتكروا إنهم لما يلبسوا النقاب هيكونوا ملفتين وحلوين أكتر من قبل كدا وكل أخت هتلبس النقاب عشان يبقا شكلها حلو زيك هيبقا في ميزان سيئاتك والعياذ بالله ...
النقاب لما يتلبس يبقا يتلبس لله فقط مش لله وعشان شكله حلو..
كتير من الأخوات كانت بتقولي انا نفسي ألبس النقاب عشان بشوف بنات لبساه وشكلها حلو أوي *(وأنا بكون واثقة إن قصدها بالشكل الحلو الطقم الملون والعيون الظاهرة والفستان المجسم وياحلاوة النقاب ممنعهاش انها تبقا ملفتة ومثيرة)*
ساعتها رغم إني نفسي اشوف كل بنات المسلمين باللبس الشرعي أقولها متلبسيهوش لو هتلبسي النقاب عشان شكله حلو يبقا اوعي تلبسيه لكن لو هتلبسيه لله وللسترة عن أعين الرجال يبقا توكلي على الله والبسيه...
استعدادك للبس النقاب إنك تخلصي نيتك لله وتكون واخدة قرار إنك تلبسيه صح مش إنك تكوني ولية من أولياء الله الصالحين وبعدين تلبسيه لان النقاب الصح هو الي هيغيرك...وهكذا الطاعة بتجر وراها طاعات كتيير
