أنا دايما عندي فتور فالعبادة ! .. كل ما بَقرَّب بنتكس تاني ، ر | «رفيقتي إلى الجنة» للنساء💚

أنا دايما عندي فتور فالعبادة ! .. كل ما بَقرَّب بنتكس تاني ، رغم إني بحب ربنا ونفسي أقرب منه .. أعمل اي ؟؟؟!!

ج/الإمام الشّافِعي كان بيقول : *( سِيروا إلى الله عَرجى ومكاسير ، ولا تنْتَظروا الصِّحة فإن انْتِظار الصحَّة بطالة )*

عارف يعنى إيه ؟ ..
يعنى وانت ماشى .. عبادتَّك مليانة مطبّات ؛ من عدم وجود روح في العِبادة ، أو في تَقْطيع أو زهَق من العِبَادة ، أو تُقل على النَّفس .. فخليك ماسِك في أستار الاسْتِمرار حتى تنال الرَّحمه .. !
اقع .. وكَمل .. وانت عارف إنَّك أضعَفْ من إنَّك تكمِّل .. !

ربنا جَل وعلا بيقول : *((والذين جاهَدُوا فِينا لنَهدِينهُم سُبلَنا))*

فَـ "كمِّل طَرِيقَك إلى الله حتّى لَو بتِزحَف" ..

مقصِّر فالصلاة ؟ .. أفضل صَلَّيْ حتى لو مقصر بس مَتقطعْهاش ، حجابك مش كامل ؟ .. خليكِ عليه وحاولي تحسني من نفسِك بس متقلعيهوش ، بتقرأ قرآن بشكل متقطع ؟ .. أفضل اقرأ لكن ما تهجروا خالص .. وهٰكذا في كل العِبادات.

ابن القيم بيقول : *(لا يَزالُ المَرءُ يُعانِي من الطّاعة حتى يَألفها ويُحِبها .. فَيُقيّض الله لَهُ ملائِكةً تؤُزُّهُ إليها أزّاً .. تُوقظُه من نومِهِ إليها ومن مَجلسه إليْها) ..*

فإّياك تِسيب سُترَة الِعبادَة مَهما كانَت السُّترَة مرقَّعة .. !

واعرَف إن ربنا جل وعلا مش هيسيبك أبداً ، وهَيعينك إذا رأى منك -جل وعلا- صدق الإِقبال عليه والإصرار على الطاعة .. وتذَّكر دائِماً قول الله -جل وعلا في الحديث القُدسي :
*"(( .... ومن تقَرَّب إليَّ شِبراً تقَرَّبتُ منْه ذِراعاً، ومَنْ تقَرَّب مني ذِراعاً تقَرَّبت مِنْه باعاً، ومن أَتاني يَمْشِي أتَيتُهُ هرْوَلَة)).*

- استمسك بالعبادة ولو كنت مقصر .. !
- استعن بالله ولاتعجز !
#علاج_الفتور