❤️رجزها و رباعیات ترکی وفارسی🌷

2022-08-17 11:04:56 لا ادری


۱۹محرم_حرکت اسرای کربلا به دیار شام


غم قطاری کوفه دن ؛ خارج اولان ساعتلری@

زینبی یاندردی او ؛ قَلبینده کی مُحنَتلری @

یوز ؛ چُووردی ؛ سَسلدی آی کوفه نون عورَتلَری@

شامه یوز قویدوم گیلیلی ؛ وای سیزه وای شَهریزه@

آند اولا مظلوم حسینه ؛ گَلمَرم دای شَهریزه....

@ragazha باز کردن / نظر دهید

2022-08-06 17:41:21 حاج افشین بابک اردبیلی


یاحسین (ع)

.
من دیل آچاندان دیرم یا حسین
عاشق شوریده سرم یا حسین
.
کوی محبتدی منیم مسکنیم
عمر بویی دربدرم یا حسین
.
گوز یاشی مهماندی منه صبحه جک
همدم مرغ سحرم یا حسین
.
حلقه ماتمده کی آدون گلر
گوزیاشیمی هی الرم یا حسین
.
ویرسالار هر یرده قرا پرچمون
من گیدوب اوردا ملرم یا حسین
.
من آقا صراف غمم دردیوه
مشتری خونجگرم یا حسین
.
خلق منی چون سنه نوکر تانور
آدیویلن مفتخرم یا حسین
.
بو قاپیدا ای شه بی غسل و کفن
عمریمه پایان گزرم یا حسین
.
کاش ئولم بزم عزاداریده
ایله بو توفیقی کرم یا حسین
.
باغلیالار باش قره می باشیمه
من او گونی گوزلیرم یا حسین
.
تاج شرافتدی بو باش قاره سی
شاهلارادا ناز ایدرم يا حسین"

@ragazha باز کردن / نظر دهید

2022-08-06 17:22:07 کربلایی محمد هوشمند (مدهوش تبریزی)


یاحسین (ع)


.
چکدیم اورکده عشقیمی معیاره یا حسین
قاره گییوب قوشولدوم عزاداره یا حسین
.

گوزلر گوزوم بیر ایل بویی ماه محرمی
هر گون گوزومده جلوه لنیر کربلا غمی
عشقون اورکده آختاریرام بزم ماتمی
کعبم دی هر یئره چکه لر قاره یا حسین
.

گوردوم چیخیب دی کوچه و بازاره دسته لر
عاشقلرون گییوبدی قرا جامه دیده تر
اسدوقجا پرچمین ائله دی روحیمه اثر
رونق وئریلدی یازدیقیم اشعاره یا حسین
.

باشدان هوای وصلینی بیر لحظه آتمارام
عشقونله دلخوشام بو قرا نی چیخاتمارام
سند نصورا بیر آیری کسه ال اوزاتمارام
ال دوت گیلن اوزون بو دل افکاره یا حسین
.

سن دین یولوندا عزتیله ائیلدین قیام
ظلمیله کسدیلر باشیوی فرقه ظلام
وئردین کسیک بوغازیله حق اهلینه پیام
قربان اولوم بو نهضت و ایثاره یا حسین
.

سن آللاهین حبیبی سن ای شاه بی بدیل
ائیله نظر گناه منی ائیلییب ذلیل
گوزیاشلی آستانیوه من اولموشام دخیل
وار دور امیدیم ائیلمه آواره یا حسین
.

ای کایناته شان و شرف عزّ و آبرو
هر بیر نفسده ائلمیشم وصلین آرزو
بیرده هاچان نصیبیم اولار قبر مشکبو
ائیله نظر بو دیده خونباره یا حسین
.

فصل عزادی گرمیدی بازار کربلا
ائیلور سفر تدارکی زوّار کربلا
دعوت یازیر یقین کی علمدار کربلا
تاپشیر بو بینوانی علمداره یا حسین
.

عباس آدی گلنده سالیر شور عالمه
سو صحبتی دوشنده اورکلر دولورغمه
گوگلوم قوشی قاناد چالیری نهر علقمه
قان آغلاسام سزادی او سرداره یا حسین
.

وئره م آقا سنی علی اصغره قسم
جدون شبیهی اوغلون علی اکبره قسم
اللردن ال دوتوب کسلین اللره قسم
محشر گونونده لطف ائیله حضاره یا حسین
.

لطف و سخاده شانوه شامل دی هل اتی
بیر عمریدور که درگهیوه اولموشام گدا
آدین گلنده روحیمی «مدهوش» ائدیر آقا
چوخ شایقم بو گلشن و گلزاره یا حسین"

@ragazha باز کردن / نظر دهید

2022-08-05 10:42:42

رجزخوانی

کربلایی قادر مهران پور

۱۴۰۱/۵/۱۳_هیئت شاه حسین گویان حضرت اباالفضل «ع» بهرام آباد

پیشنهاد دانلود

@ragazha
. باز کردن / نظر دهید

2022-08-05 10:03:52 علی پورآقا(عُلیَوی)


لبیک حسین لبیک

.
ای اهل عزا سسلن لبیک حسین لبیک
وئر قلبه جلا سسلن لبیک حسین لبیک
با صوت رسا سسلن لبیک حسین لبیک
بوناندا اوجا سسلن لبیک حسین لبیک
.
.
قوی دشمن لایعلم فکر ایلیه کافرسن
سن خادم کوثرسن سن شیعه حیدرسن
شهدن اوجادی رتبون چون عترته نوکرسن
ائت شکر خدا سسلن لبیک حسین لبیک
.
.
صاحب نظره یار اول صاحب زره یالوارما
ظالملره باش اگمه طغیانگره یالوارما
دردون وار اگر جانا دکترلره یالوارما
وار بوندا دوا سسلن لبیک حسین لبیک
.
.
دنیاده وفا یوخدی قبره گدجک خانلار
تابوته مرور شاهلار تدفین اولی سلطانلار
یاتماز بو فرا پرچم مین بود دونه دورانلار
ایچ خمر بقا سسلن لبیک حسین لبیک
.
.
مین ایل بیری گون سووسا گر قصر مطلاده
حسرتله دییر دائم بو مطلبی عقباده
هیئتده سویدیم کاش من عمریمی دنیاده
یوخ شبهه بونا سسلن لبیک حسین لبیک

@ragazha
. باز کردن / نظر دهید

2022-08-04 12:29:13 اکبر استجلو زنجانی


یا علی اصغر«ع»


عاشقین روحینه ریحان علی اصغر بالادی@


عالمین دردینه درمان علی اصغر بالادی@


هامی عالملره سلطان علی اصغر بالادی@


قویان عالملری حیران علی اصغر بالادی@


وار علی اصغر آقامدا نئجه نور ازلی


نوری هر یاندا اگر باخسان اولوبدی منجلی


آدی شیرین دی دوداقدا چون مثال عسلی


سِنُ ساله چوخدا بو طایفه ده باخما بلی


غیرت الله نوه سی غیرتی وار همچو علی


فاتح عرصه ی میدان علی اصغر بالادی@


عاشق اُل دهریده ای دِل هر زمان دلبری گور


دوشگونن معرفتین بحرینه تا گوهری گور


گوهرین ساخلاگینان سینه ده تا باوری گور


مِیی دولدورگونان الده اوتوروپ ساغری گور


اصغرین گوزلرینه سال نَظَرین حیدری گور


یازمیشام حیدر دوران علی اصغر بالادی@


عشقین هر یرده سوزی اولسا اگر تازه سی وار


هر کسین سینه ده اوز عشقینین اندازه سی وار


معرفت درگهینین گورمه لی دروازه سی وار


بیر چتین مسئله دی معرفتین سازه سی وار


هر یانا گئتسن اگر اصغرین آوازه سی وار


وئرن عاشقلره عرفان علی اصغر بالادی@



کیمدی شش ماهه بالا عالمی حیران ائلی ییب


آچمامیش دیل اوزونی اللها قربان ائلی ییب


دوزدی که حال ربابی او پریشان ائلی ییب


چوخلارین دردینه بیر لحظه ده درمان ائلی ییب


جانیمیز اصغره قربان علی اصغر بالادی@


یاخچی گوهر چی بیلر گوهر جان قیمتینی


هئچ قلَملَر یازا بیلمز اصغرین صولتینی


هانسی شاعر چکه ایستیر وصفه شخصیتینی


آتانین اللری اوسته گورسدیپ غیرتینی


گورسدیپ حنجره سین چکدی اوخون منَتینی


ائلی یَن قلبیلری قان علی اصغر بالادی@


عرصه ی گلدی حسین اصغرینی آلدی اله


باخدی دریای فراته بیر قَدَر ائتدی گِله


اهل دِل سوز یازیرام گرکدی تئز فوری بیله


حرمله اصغری گوردی اوخونی آلدی اله


خبری چاتدی خِیامه رباب آز قالدی ئوله


اولونان قانینه غلطان علی اصغر بالادی...


@ragazha باز کردن / نظر دهید

2022-08-04 01:29:07 کربلایی بابک عطفی اهری


حسین ع

قاپوندا سائلم حسین؛ئورکده چوخدی غم حسین@آدوندا وار صفا آقا اوزونده وار کرم حسین@صفالی بارگاهوه ئورکدَن عاشقم حسین@بو عشقه فخر ائدم گرک؛قاپوندا نوکرم حسین.......

آدوندا حُسنه باخگینان فلک دیور حسین حسین@فرشتَلرده جنّیده؛ملک دیور حسین حسین@دوتاندا فاطمه آدون؛فدک دیور حسین حسین@دوشن زماندا مشکله ئورک دیور حسین حسین@آدوندی دردلره دوا@گرَکدی من دییَم حسین........

الیم ئورکده سسلرم؛او بارگاهه السلام@گَزنده کوی عشقیوی؛ئورک تاپور صفا خوشام@قاپیوا گلمیشم حسین؛گناهی چوخ بیر انسانام@که قورخورام او دوزَخین؛اودوندا منده اوتلانام@هَراییمه یوتیشمَسَن؛من اوندا نِیلَرَم حسین........


@ragazha باز کردن / نظر دهید

2022-08-03 18:14:23 رجزها و رباعیات ترکی وفارسی pinned a video باز کردن / نظر دهید

2022-08-03 18:03:06

رجزخوانی

کربلایی قادر مهران پور

۱۴۰۱/۵/۹_هیئت شاه حسین گویان فلکه فرمانداری اهر

پیشنهاد دانلود

@ragazha باز کردن / نظر دهید

2022-08-03 18:03:04

رجزخوانی زیبا و دلنشین:

آقای سجاد حساس

۱۴۰۱/۵/۱۱_هییت شاه حسین گویان محله چلپ وردی

پیشنهاد دانلود

@ragazha باز کردن / نظر دهید