10 نصائح كنت أتمنى حد يقولهم ليا في سن العشرين 1. ابتدي يو | Ramzy Abdelaziz - رمزي عبدالعزيز

10 نصائح كنت أتمنى حد يقولهم ليا في سن العشرين

1. ابتدي يومك بدري

حتى لو شغلك مش بدري، حاول تصلي الفجر وتبدأ تشتغل حتى لو هتشتغل على نفسك وتقضيها كورسات وفيديوهات تعليمية حتى ميعاد شغلك.. لازم تكون Long-life Learner.. دائم التعلم

2. اتعلم لغة ثانية وثالثة ان أمكن

كتير منا عنده معرفة بالإنجليزي لكن كام واحد فينا مُتقن للغة، قراءة وكتابة وسماع ومحادثة؟ الإنجليزي أو الألماني مش بس هيساعدوك تلاقي فرص عمل براتب عالي وهيميزوك لكن كمان هيساعدوك تتعلم من مصادر أجنبية مرموقة جداً.

3. تعلم البرمجة، طيب لو محبتهاش استغل اي مهارة عندك واشتغل بيها فريلانسر وأمن دخل دولاري..

البرمجة واحد من أهم مجالات العصر الحديث وتقريبا داخل في كل حاجة فمهما كانت وظيفتك خليك واثق إنك هتجتاجه. وبالمناسبة تقدر تتعلم البرمجة من خلال كورسات جوجل أو تيرا كورسيس أو قناة الزيرو ويب سكول وغيرهم مئات المصادر المتاحة مجاناً على جوجل واليوتيوب. البرمجة هتعلمك ازاي تفكر وتنظم حياتك قبل ما تشتغل بيها أو على الأقل تعمل بيها موقع لنفسك

4. خليك ناصح

مهما كان راتبك لازم يكون فيه جزء ولوبسيط لله وبلاش مقولة " اللي يحتاجه بيتك يحرم على الجامع" لأن أي مبلغ بتتصدق به بيرجعلك أضعافاً مُضعفة، ولازم جزء تدخره في صورة دهب ولايقل عن 20% من راتبك ان امكن.

5. لازم جزء من يومك لمعايشة القرآن

حفظ أو تدبر وتلاوة القرآن له تأثير لا يُماثله شيء حرفياً، هيساعدك انك تحافظ على روحك ونفسيتك وتتعرف على الله بكلامه جل في علاه، انتشل نفسك من المادية والتسليع والتفاهة وعلق قلبك وعقلك بالسماء.

6. اتعلم بيزنس

حتى لو أنت مش صاحب مشروع لكن لازم تكون فاهم مبادىء التسويق، والتفاوض وإدارة المشاريع، والعرض والإقناع والمخاطر لأن صدقني هتستفاد منهم في حياتك بشكل عام.

7. أكونت لينكدن

إعمل أكونت على لينكدن واشتغل عليه كويس جداً عشان تقدر تكون شبكة علاقات في مجالك تفيدك في المستقبل.

8. اتعلم إكسل

الإكسل هو الذراع الأيمن لأي إنسان مهما كانت وظيفته، فلازم تتعلمه بشكل كويس جداً عشان تستفاد به بشكل صحيح.

9. شارك في أعمال تطوعية، واشتغل في الصيف لو بتدرس..

هتكتسب خبرات قيادية وحياتية وتنظيمية وعن سوق العمل عمرك ما هتكتسبها من الكتاب والدراسة وقتها هتقدر تتعرف على ناس من فئات مختلفة وتتفهم حياتهم وإحتياجاتهم وكمان هتقدر تاخد فكرة أشمل عن الحياة من حولك وتزيد من وعيك.

10. إقرأ كتب في مجالات متعددة، وعليك بالبودكاست

حاول قدر الإمكان تقرأ كتب في التجارة، الدين، السياسة، المنطق، الفلسفة وأي مجال أخر وبكده تضمن إن يكون عندك حصيلة لغوية وثقافية عالية جداً. وسأضع لك رابط بودكاست يغنيك عن آلاف الكتب على قناتنا

ادخلوا حضراتكم اشتركوا في قناتنا على اليوتيوب، قرابة 100 الف معافر وطالب وعالم .. مستوى المتابعين وفكرهم وتعليقاتهم تدل على الأثر والحمدلله..
قرابة مليون ونصف مشاهدة في عدة أشهر والحمدلله

في ال playlist فيه 2 بودكاست هم الأكثر تأثيرا وانتشارا على مستوى العالم العربي، #مع_معافر،،، #توجيه
..
حضر فيهم الأفاضل

الدكتور فاروق الباز عالم ناسا الكبير
الدكتور عصام حجي عالم بمستوى عالمي في ناسا وغيرها

المهندس فاضل سليمان بارك الله في علمه وعمله حلقتين 5 ساعات متفوتوش فيهم جملة

الدكتور الحبيب. إياد قنيبي
مستر ابراهيم عادل مؤسس أكبر قناة على مستوى العالم zAmericanEnglish
المبرمج .. اسامة الزيرو أشهر مبرمج عربي
الدكتور والأب الحبيب، د. ايهاب مسلم مدرسة التسويق وادارة الشركات
وغيرهم كتير بمستوى تأثير عالمي، بيشاركوا خبراتهم على طبق من ذهب ..

اشتركوا وفعلوا الجرس جاي معانا عظمة بعد العيد إن شاء الله

https://youtube.com/@ramzyabdelaziz7050