متابعينا الكرام .. أتينشن بليييييييز البوست دة مهم جداً جداً ل | Ramzy Abdelaziz - رمزي عبدالعزيز

متابعينا الكرام .. أتينشن بليييييييز البوست دة مهم جداً جداً ليكم

جالنا كتير جداً من رسائل حضراتكم بيسئلونا عن التطوع الدولي مع هيئة الأمم المتحدة UN أون لاين!
أة متستغربش زي ما سمعت كدا حضرتك تقدر من وأنت في بيتك علي سريرك قدام اللاب توب بتاعك تكون موجود في أكبر وأهم الهيئات الدولية في العالم !

النهاردة حابين نشرحلكم بالتفصيل أزاي تقدروا تكونوا متطوعين مع هيئة الأمم المتحدة وهتستفادوا أية ؟!
يلا بينا نبدء ..
الأول لازم نعرف أي هي هيئة الأمم المتحدة وأي دورها وبتضم أية ؟!
هي منظمة دولية بتعمل علي توفير الدعم والتنمية والسلام للمجتمعات من خلال التطوير المستمر من خلال شبكة متطوعين دولية في كافة أنحاء العالم

تضم الهيئة عدة مكاتب لبرامج أساسية تعمل عليها وهي :-

• البرنامج الانمائي للأمم المتحدة | UNDP |
ودة بيشتغل علي أهداف التنميه المستدامة.

• برنامج الأمم المتحده للسكان | UNFPA | ودة دورة الأساسي قضايا مجتمعية زي الصحة الأنجابية والسكانية وقضايا العنف ضد المرأة.

• مفوضية الأمم المتحده للأجئين | UNHCR |
ودة بيشتغل علي مساعدة اللاجئين في كافة أمورهم وقضايا اللجوء.

• الأمم المتحدة للطفولة | UNICEF |
دة بيهم بقضايا الأطفال وحمايتهم ودعمهم نفسياً.

• برنامج الأمم المتحدة للثقافة | UNESCO |
ودة مهتم بقضايا التعليم والثقافة والتراث.

• برنامج الأمم المتحدة للمرأة | UN WOMEN |
ودة مهتم اكتر بقضايا المرأة بكل جوانبها.

• برنامج الأمم المتحدة للصناعات | UNIDO |
ودة مهتم جداً بكل ما يتعلق بالتصنيع والحرف اليدوية والصناعات المختلفة.

طبعا دي مش كل المكاتب دول أشهرهم في مكاتب تانية تقدروا تتعرفوا عليهم من الموقع الرسمي.

مدة التطوع :- 6 - 12 شهر.

طيب هنتطوع في أية ؟!
- في مجالات كتيرة جداً نقدر نختار منها وهي كالأتي :-
- التصميم ، الترجمة ، أدراة المشروعات ، منسق مشروعات ، تنظيم ، كتابة الأبحاث ، ادخال البيانات ، كتابة المحتوي ، التدريب ، التدريس .. دة ما يتعلق بالجزء الأون لاين.
لكن في برامج تانية سنوية للمهنيين بمعني أنهم بيطلبوا متطوعين في تخصصات معينة زي | القانون ، السياسة ، الإدارة ، علم النفس ، علم الاجتماع ، الصحة ، العلوم ، الهندسة | وحاجات تانيه كتير اوي هتلاقوها برضوا علي الموقع الرسمي.

طيب أتطوعت هستفاد أية ؟!
• هتشتغل مع الفريق الدولي مش المحلي.
• هتتعرف علي ناس من كل دول العالم.
• هتاخد مرتب شهري + شهادة + خبرة مهنية في فرص التطوع المحلية.
• تذاكر الطيران ، الأقامة + راتب شهري في فرص التطوع في المكاتب الخارجية.
• هتاخد شهادة معتمدة من أكبر المنظمات الدولية.
• فرصة أنك تترشح لوظائف جوة المنظمات دي طول ما انت مستواك كويس.
- خبرة مهنية مميزة جداً تضيفها في ال c.v.

لينك التقديم وباقي التفاصيل :-
https://bit.ly/2ZtMSvU

أخيراً نتمني نكون قدرنا نبسط الموضوع لحضراتكم وتستفادوا

منتظرين دعمكم لينا لتقديم محتوي متميز دائماً عن طريق مشاركتكم لمنشوراتنا لتصل إلي اكبر عدد ممكن للأستفادة