اي زول دخل في حياتك بخلي وراهو بصمه حلوة حتي بعد يمشي ويخليك | Ľổϋẻ ỸỔⓡ ℓịբẽ
اي زول دخل في حياتك بخلي وراهو بصمه حلوة حتي بعد يمشي ويخليك مستحيل تقول انك نسيتو ...لانو المواقف والطلعات والاماكن الجمعتكم ممكن ترجع ليها في يوم ..وهنا بترجع تتزكر كل لحظه جميله كانت بينكم ..ايوة ممكن تقول مشاعرك تجاهو اتغيرت بقى ماف لهفه تجاهو زي زمان ..ماف دقات القلب والربكه البتحصل لما تشوفو ..بس والله البصمه الختاها فيك دي مستحيل تتنسي وكمان مهما عمل ليك م بتقدر تكرهو ..ممكن يرجع زول عادي في حياتك لاكن مشاعرك م بتتحول لي كره ابدآ..ولو شفتو محتاج ليك حتقيف معاهو وممكن تخاف عليهو بدون م تحس..لانو بكون لسه جواك في شيئ من اللاشيئ حاجه كدا م مفهومه هي م الحب الزمان لاكن ممكن نسميها المعزة والعشرة الكانت بينكم ..يلا البصمه دي ممكن تكون الاماكن الجمعتكم ولا حركه اتعلمتها من زولك وبقيت متعود تعملها او كلمه المهم البصمه الختاها دي مستحيل تتمحي..فلما تنتهي علاقتك بي زولك حافظ على العشرة البينكم حافظ على اللحظات الجميله ..اتزكر انو هو في يوم كان سبب سعادتك وابتسامتك وفرحتك..م تبقى ناكر جميل ..خلي زولك دا لمن يتزكرك ويتزكر ايامو معاك يتمنى لو انها رجعت تاني ..يكون بفتخر بيك حتي بعد انفصالكم وبتمنى ليك الخير دائمآ..لانو انت حفظتو وحفظت سرو ووقفت معاهو بعد افترقتو لمن تنتهي علاقتك بي زول م تنسى ايامكم الحلوة م تحول مشاعرك تجاهو لي كره وتطلع سرو الكان معاك ..كدا انت بتقلل من قيمتك ومن اخلاقك وتخلى زولك يحمد ربو انو اتخلى عنك ويكره اليوم العرفك فيهو ..وفي الاخر بقول "لازم تخلي وراك السيرة الطيبه في حياة اي زول عرفك ويفتخر بمعرفتك لانك زول نادر م لاقاهو زيك..ودائمآ خلى بصمتك حلوة في حياة اي زول والانفصال م نهايه للمعزة والتواصل والضحكه البينكم م قدرتو تحافظو علي حبكم حافظو على العشرة الكانت بينكم #مؤلفاتي_فله_كباشي
