2021-08-24 13:12:28
ما في أحلى من شعورك لمّا تحس حالك غالي ع حدا
تلاقي شخص بالقول والفعل عم يثبتلك إنّو غلاوتك بقلبو غير ..
يهتم فيك .. يحن عليك .. يحكيلك كل شي وما يخبّي عليك..
يدوّر ع الشغلات اللي بتفرحك ويعملها بس ليشوف ضحكتك..
يخاف من خسارتك وبكل وفا يحافظ عليك..
بيحفظ بدافع الحب كل تفاصيلك، بينتبه لأصغر أمورك ..
راحتك أهم شي بهالدني بالنسبة إلو
سعادتك الشي الوحيد يلي عم يسعالو ..
زعلك غالي وخاطرك ما بينكسر ..
الاهتمام فيك أولوية ووجودك شي أساسي بحياتو ..
يبذل كل جهدو لتبقى معو
يقدملك كل شي عندو .. يعطيك من كل قلبو ..
ما يبخل لا بحب وحنّية ولا بماديات..
يكون إلك بهالدني ودوران أيامها سند فيه تحتمي وعليه تعتمد..
كل المواقف والأيام تثبتلك صدق محبتو وصحّة اختيارك إلو .
363 viewsZAHRA ∞, 10:12