لو جابك وفاك بهاي الايام وتشوف شكثر ناذرلك نذور اشم طيفك بخور | رَيـلْ الشِـعر

لو جابك وفاك بهاي الايام
وتشوف شكثر ناذرلك نذور
اشم طيفك بخور بحضرة ايمام
واترس دنيتي من زلفك اعطور
مثل صبرة الگلب ما بعد ينلام
وبحبال الصبر سنتين مشرور
ولو تدري عليك شكثر محتام
چا سابگت جدمك وي الطيور
اخافن بدلوا ريشك ينعام
ترا إسهام الشماتة تصيد الصگور
وخافن لا يشمونك يشمام
ولو باليل گلبي عليك ناطور

كاظم إسماعيل الگاطع