2022-08-31 11:23:39
أي أب وأم فطرتهم سليمة بيخافوا جدا على عيالهم ..
من دور برد
من تعرض لخطر
من تعرض لتنمر
بيخافوا أوي إن أولادهم يتأذوا جسديا أو نفسيا ..
• لكن للأسف واقع كتير من الأهالي دلوقتي مش بيخافوا على أولادهم من النار
مش بيربوهم على الحلال والحرام ..
البنت بقى عندها مساحة من الحرية الغير مبررة في اللبس ..
بنمشي في الشوارع دلوقتي بيجيلنا ذهول من لبس البنات وظاهرة خلعهم للحجاب ..
لابسين آه بس اللبس يفضح أكتر مما يستر ..
• انتوا كبنات مكلفات أكيد ماخدتوش بالكم من حديث النبي صلي الله عليه وسلم : ( صِنْفانِ مِن أهْلِ النَّارِ لَمْ أرَهُما .. ونِساءٌ كاسِياتٌ عارِياتٌ مُمِيلاتٌ مائِلاتٌ، رُؤُوسُهُنَّ كَأَسْنِمَةِ البُخْتِ المائِلَةِ، لا يَدْخُلْنَ الجَنَّةَ، ولا يَجِدْنَ رِيحَها، وإنَّ رِيحَها لَيُوجَدُ مِن مَسِيرَةِ كَذا وكَذا )
متخيلة بتضحي ب إيه علشان إيه !
بتضحي بالجنة علشان متع زائلة ..
طيب أنت كأب وأنتي كأم نسيتوا قول الله عزوجل : { قُوا أَنفُسَكُمْ وَأَهْلِيكُمْ نَارًا وَقُودُهَا النَّاسُ وَالْحِجَارَةُ }
بنتك دي انت هتتحاسب عليها
النبي صلى الله عليه وسلم بيقول : ( كلكم راع وكلكم مسئول عن رعيته ..)
اتقوا الله في رعيتكم
ربنا يحفظ ويهدي شباب وبنات المسلمين
#اقتباس
.
56 views08:23