2018-09-27 12:23:50
حزام الأمان ٨
( اتمتع - اذهب للمصيف- بس لازم تعرف إيه الحكم الشرعي في اللي بيحصل هناك )
لازم تعرف حكم المصيف في الدين إيه
المصيف ليس بحلال وليس بحرام
المصيف وسيلة للمتعة يبقى حكمه حكم الوسائل
الوسيلة حكمها بيأخذ حكم المقصد بتاعها
يعني إيه ؟
يعني زي الكاميرا مثلاً دي وسيلة لو صورت فيلم إباحي يبقى حرام ، لكن لو صورت درس ديني بقت مستحبة ، و لو صورت صورة شخصية تتعمل بها بطاقة شخصية بقت مباحة...
كذلك المصيف , المصيف لو مليان عُري وخمور وشيشة وسهرات مختلطة يبقى المصيف دا حرام
لو المصيف فيه متعة و مفيش فيه مُنكرات و في الوقت المناسب و فى المكان المناسب ومع الصحبة المناسبة يبقى حلال بل قد يكون أحيانا مستحب لو فيه نية الترفيه عن النفس علشان نتقوى على عبادة ربنا
يا شباب المتعة مش حرام و لكن بتقوى الله
اتقوا ربنا و خذوا حسنات و اتمتعوا
شاب هيسأل : هو إيه البديل عن مارينا ؟
ج:-
-في أُسر ملتزمة وصحبة مع بعض بيطلعوا مصيف ،و بيبقى فيه متعة وطاعة وتواصي بطاعة الله سبحانه وتعالى
بعض الناس بيستأجروا قرية سياحية كاملة بالاتفاق مع عدد كبير من الأُسر علشان يضمنوا الصحبة الصالحة وعدم رؤية مناظر خارجة
و هقول لك على حاجة مهمة ربنا لما قال لسيدنا موسى : ( أَلْقِ عَصَاكَ )
سيدنا موسى رماها على الفور امتثالاً لأمر الله
دون مناقشة،و لم يشترط على الله لتنفيذ الأمر أي شىء
سيدنا موسى ماقالش إيه البديل يا رب ؟
فخد بالك مش كل متعة حرام ليها بديل حلال
لو كل متعة في الحرام سيبتها ربنا لازم يعطيك بديلها في الحلال يبقى أنت عملت إيه علشان ربنا؟
يبقى أنت لم تضحي بأي حاجة
حتى بكده هتكون متعرضش لاختبار إيمانك في أي حاجة ! لأن كل حاجة هتتركها هيكون ليها بديل
١خد قرار مش هقضي الأجازة في المعصية
٢ عايزين أجازة مش بس من غير معاصي لكن أجازة سوبر
عايزين في الأجازة نحفظ قرآن/ نطلب علم / نحضر دروس ...
ممكن مثلاً ندخل على موقع زي موقع الطريق إلى الله بيئة إيمان – تحفيظ قرآن – دروس إيمانية و وعظية – دروس علمية ومنهجية – فرق عمل دعوية وتوظيف طاقات – تذكير بالخير
عايزين أجازة نقرب فيها من ربنا ونستمتع برضو بإذن الله سبحانه وتعالى
من درس :-
#جايلك_يا_مارينا
سلسلة :
#الشباب_والصيف
#الشيخ_حازم_شومان
للرجوع للسابق
@elshabab_sef
https://t.me/drhazemshouman
196 views09:23