امرأة غير محجبة ولا تحفظ لسانها امرأة غير محجبة وتحفظ لسانها | Redwanyy..🖤
امرأة غير محجبة ولا تحفظ لسانها امرأة غير محجبة وتحفظ لسانها وعليها سكر امرأة محجبة ولا تحفظ لسانها وتؤذي جيرانها امرأة محجبة وتحفظ لسانها فهي امرأة صالحه اربع احتمالات جائزة بس شيخ الأزهر عجبه الاحتمال التاني عشان يتناسب مع التريند ومع الموقف وده مش عندنا في الدين اللي المفروض يكون هو عالم به أكتر من غيره من عامة الناس زي حالاتي بصراحه فكرت وحاولت أطلعله تبرير في خيالي علي اعتبار انه شيخ الأزهر وكدا بس ملقيتش غير معني واحد ليه وهو كأنه بيقول مش شرط تلبسوا حجاب يا جماعه المهم تبقوا كويسين تعالوا معايا معلش يعني.. مبدأيا كدا بداية الامتناع عن الذنب هو الإعتراف به إنه ذنب أنا لا داخل أثير جدل ولا داخل في خناق كل الحكاية اننا أمرنا أن نأمر بالمعروف وننهي عن المنكر علي قد ما نقدر وده اللي بحاول أوصله من خلال العدد اللي عندي وربنا يهدينا ويرشدنا وينفعنا ويعلمنا كنت قريت بوست هنا علي الفيس من فترة عجبني كان مضمونه انه بينصح البنات بالحجاب الشرعي وقد ايه ده ذنب كبير ومفيش حد قد الذنب ده، قال ان ذنب خلع الحجاب أو عدم الالتزام به مش بسيط وحسابه بالقطعه وحسابه عسير ! ثواني انت قولت حسابه بالقطعه؟ اه بالقطعه - كل مرة نزلتي فيها بدون حجاب ادي معصيه بمعني أوضح خلال 10 سنين مثلا هتتحاسبي علي كل خروجه بانها معصيه منفصله ماهو مش قرار روتيني كمثال بسيط : لو كدبت كدبة وكل يوم حد يسألك عنها وانت ترد وتأكدها دي مش كدبة واحده دي معصيه جديده لأنها مرتبطة بقرار جديد. - كل مره واحد شافك ادي معصيه، واحد اتفتن بيكي ادي معصيه ( وده غير متعارض مع ضرورة غض البصر بالنسبالنا ) - هتتحاسبي بردو علي مجاهرتك بعدم لبسك للحجاب أو عدم التزامك بيه ودي معصيه أشد ففي حديث عن النبي صلي الله عليه وسلم بيقول : " كل امتي معافي إلا المجاهرين " وذنوب تانيه لا يتم حصرها بس أنا جبت الثابت والأساس اللي بينطبق في كل المواقف أما بالنسبه للي مش ملتزمه بالحجاب الشرعي أو مسميه الحجاب بتاعها ده حجاب مع مصادفة تريند البت الموديل اللي بتبيعلكم الطرحه ب 500 جنيه أفكركم بحديث رواه الإمام مسلم عن النبي صلي الله عليه وسلم : ( صنفان من أهل النار لم أرهما قومٌ معهم سياط كأذناب البقر يضربون بها الناس، ونساءٌ كاسيات عاريات مائلات مميلات رءوسهن كأسنمة البخت المائلة، لا يدخلن الجنة ولا يجدن ريحها) طيب دي اللي هي مش ملتزمه بالحجاب أو بتلبسه بطريقه غير صحيحه فما بالك بقا اللي مش بتلبسه!
