ريحة البن ☕

2022-07-27 07:20:28 الطار في الجو متمني يرك
و الجاري مناو جنحين و يطير

ماف واحد رضيان بالعندو
دائما بتمنوا العند الغير

الناس أنواع في الدنيا تعيش
و تموت بالهم و العمر قصير

و انا غايتو محير في امرين
بس الله يسوي الفيهو الخير

#محمود_الجيلي باز کردن / نظر دهید

2022-07-24 18:00:05 بلد سايقنا للغُربة
حايم بين زُقاقاتو
دهاليز الحنين قافلات
ومتشابكات مراراتو
مكتوب في جبين الكون
وياما تشوف
تعيش يوماتي في كُربة
وطن رابطنا بيهو الطين
قدُر ما إتخل عننا هو
ما إختل يوم فينا
عشقنا وموتانا في التُربة
بلد كل الولاد ماتو
بلد حتانا زي آتو
(تسعة طويلة كضابة)
مسيك في قبول ريدو
كُنا زنوج اكان عُربة
بلد يااا الله
فِك مِحنو
نحن أهل اولي قُربى

#عاطف_شمبات باز کردن / نظر دهید

2022-07-18 17:58:01 تعالوا نونس القمرة
ونحكي لشفع الريدة
عن وعن وعن عن
هواي الجاري في دمي
وبزورني ف كل تنهيدة

#اسلام_النحاس باز کردن / نظر دهید

2022-07-16 21:28:56 إثنانِ . . .
أعشق فيهما حبُ
التفاني والتصبر في المحن
إثنانِ . . .
يحتملانِ نزواتي وعثراتي
إذا تاهت خُطايَ عن الطريقِ
تخبطتَ خوفاً وظن
إثنانِ . . .
لو ما جئتُ أنساقُ انتظاراً
واشتياقاتي تَئن
كانا دثاري من أعاصيرِ الأسى
من كلِ ماشابَ الهدوءَ
من امتحانات الزمن
إثنانِ . . .
في قلبي وفي عقلي هوىً
إثنانِ . . .
بين جوانحي
مادامت الروحُ ارتهاناً في البدن
إثنانِ ...
أمي . . . والوطن

#محمد_المهندس باز کردن / نظر دهید