البـارت ○ 16 ○ حـاربت قـدري لأجلك @rewayatyamania تالين: ههههههه يعووو منش لاقد انفتح فمش ماعد يتغلقش جيهان: بسم الله عليا المهم عنلبس الفساتين العنابي اللي اشترينا اخر مره وعد امر لش الصباح نخطى عند الكوافير لانه عرس ضخم واشتي نوقع احلى بنات في الصاله تالين: بس مااشتيش كوافير عد اسبر روحي اخطي انتي جيهان: يوووووو منش انا لوما اتكلم تقولي تم بدون جدال نسيتي اني اكبر منش تالين: ههههههههه حاضر ماما جيهان جيهان: ههههههه قلعش ي كريهه يله الوقت اتاخر عد اخطى اجهز حاجات بكره وانتي لاتنسي الساعه عشر وانا في الباب تالين: حاضر ي قلبي ولايهمش قامت اتوضت وجلست تقرأ شويه قران لوما ياذن المغرب بعد الاذان صلت وخرجت جلست مع ابوها وامها شويه ورجعت صلت العشاء واتصلت لكيان كيان: حيا حيا بالقاطعه اين انتي هذا وانا بن اقل عتكن تتصل لك ي كيان كل ساعتين تالين: سامحني ي قلبي بس تعب مع الجامعه ومذاكره المهم كيف انت وكيف الاجواء عندك اقدرت تتاقلم معاهم كيان: الجو هانا يجنن قوي وزد مطر خفيف ليت وانتي هانا تالين: ان شاء الله ي قلبي وجلسوا يتجابروا ونفسية تالين اتحسنت قوي . . بيت عادل ريان بيتصل لامه فاطمه: حيا بامي واهلي كيف انته فديت روحك ريان: لش الحياه ي جنتي انا بخير لاقد انتي بخير كيف البلاد واهل البيت فاطمه: بخير انا فداء لك ريان: امه اسمعي انا قررت اخطب فاطمه: يوووو او قد به اجنبيه لعبت بعقلك لاتفكر تتزوج من عندك والله لا احرم صورتك ماعد ازوجك الا من هانا وي ليت اقدر ازوجك اللي بنفسي ريان: هههههههه اهدي ي غاليه انا ماعد اتزوج الا يمنيه بس اشتي موافقتش ورضاش وكل شي عيبسر باذن الله فاطمه: راضيه عليك دنيا واخره من هي تيه اللي شدفت ابني ريان: تالين اشتي تالين واتنهد فاطمه: يوم المنى اللي تكون فيه تالين من نصيبك ونعم الاختيار والله ان كأنك دخلت لقلبي وابسرت مافيه بس ي ريان انت داري بابوك ماعيوافق لو يحصل ماحصل ريان: داري ماعيقل عيتبرى مني اسمعي ي جنتي بعد اسبوع انا راجع اليمن شليت اجازه وعد ابسر ماعنفعل مع ابي فاطمه: بشرك الله بوجه النبي ليت وسام يزد يجي ابسره وبكت ريان: لاتبكي ي غاليه ولاعليش الا تبسريه المهم لاتنزل دمعه من عيونش دعواتش عد اغلق الان واخطى احجز فاطمه: ربي وقلبي معك الله يحفظك ويدي لك اللي بقلبك ريان: امين وغلق الخط . . اليوم الثاني جيهان: تالين هيا شوعه عنتاخر تالين: هيا الان انتي قلتي عشر مالش بكرتي ثمان سعم انه عرسش جيهان: انتي داري انها كوافيره مشهوره وعندها زحمه بعد ايش رضيت انها تصلحنا تالين: الله يهديش حبكت الا عند هذي جيهان: ايوه مش انتي داري للمه هيا نخطى وهناك عد اجابرش تالين: امري لله هيا . . عند الكوافير جيهان وتالين: السلام عليكم الكوافير: اهلا وسهلا وعليكم السلام جيهان: انا اللي اتصلت لش وحجزت عندش باسم جيهان ال...... الكوفير: ايوه ماشاء الله عليكن قمارى وعيونها على تالين تالين: اسلمي عيونش الحاليات جيهان: ههههههه اخرطي لش بس هي الا تالين القمر الكوافير: هههههه ماشي والله انكن الثنتين حاليات بس اول مره ابسر بنت تقول خبيرتها احلى منها جيهان: لانو الصدق تالين احلى ومابش احد مثلها اصلاً تالين: ههههههه تم احراجي بنجاح انا فدالش ي قلب اختش الكوافير: الله يحفظكن ويديم المحبه ماتشتين اعمل لكن تالين: اشتي حاجه خفيفه وكيوت جيهان: وانا ساعها الكوافير: من عيوني وبدات بجيهان وبعدين تالين جيهان: يووووو تيه انا وابسرت تالين من انتي ي اخت تالين: ههههههههه دخلتي في الجو بقوه ماشاء الله قمر قمر جيهان: ههههههه انا فدالش والله انش قعتي تجنني وعتجنني النسوان اللي بالصاله كلهن يله نخطى نتجهز عميد نخطى بحين الصاله بعيد شويه تالين: طيب ودعين الكوافير وحاسبين ورجعين كل واحده بيتها سندس: بسم الله ماشاء الله يوووو لاعاد تخطيش العرس لحد تنفسش ويوقع بش شي تالين: ههههههه ماعيوقع بي شي ي قلبي بعدين مش انا حاليه لهذي الدرجه بلسم وهي مقعيه لاعندها: هذا كله ومش حاليه جننتي ي اختي العزيزه تالين: الله يحفظكن هو غر حن تحبيني بتمدحيني كيان بيتصل عد اخطى اجاوبه ودخلت غرفتها تالين: حيا حيا بقلبي كيان فتح عيونه ع الاخير: من انتي اين هي اختي عفواً شكلي غلطان في الرقم تالين: ههههههههههه كيان مالك ي اخي كيان: من صدق انتي تالين المشعفله تالين: ي عيبتك عليا ايوه تالين وغمضت عيونها بدلع كيان: تبارك الرحمان الله يحرسش من كل عين اين عتسير اختي القمر تالين: عد اخطى عرس مع جيهان كيان: ماشي ممنوع لايرجع يمرعوش ويوقع بش شي اموت تالين: ههههههه انا فدالك ماعيوقع بي شي وجلسوا يهدروا لا بعد الظهر قامت تالين صلت واتغدوا وقامت تلبس وتعمل اللمسات الاخيره @rewayatyamania 467 views17:22