روايات يمنية📚🇾🇪

2022-12-20 20:55:13 .

البـارت 10 ☆


خلينـا ننسـى المـاضـي ونعيـش الحـاضر



@rewayatyamania 


طيبة القلب والتسامح شيء جميل لكن الطيبون لا يدومون فرفق برقيقين القلب


سندس بدأت تبتعد من سالي ياالله كيف بحفظ سر مثل هذا بعدا لو انكشفت ودريوا انني داريه عيدخلوني بهذه الجريمه رجعت فكرت ايش عتفعل ضروري افعل هكذا هذا الصح


عند لجين
لجين مريض ياالله قدنا بالوسط


دق الباب ابو محمد ولجين جاوبته دخل عندها

ابو محمد: في حاجه تشتي تقوليها لي

لجين توترت: ماشي ليش

ابو محمد: متاكده يبنتي

لجين: ايوه متاكده يابه اشتي اسألكم من الشيخ هذا

ابو محمد: يعني تشتي تعرفي سبب مناسبتنا لهم

لجين: ايوه

ابو محمد: الشيخ خالد شيخ كبير معروف باصراره وكل أمر يطلبه يتنفذ بغير اي اعتراض في يوم من الايام وعادو في شبابه فعل حادث مع اقرب صديق له للاسف هذا الحادث سبب في موت صديقه واللي هو اخي سامر طبعا اللي كان يسوق السياره الشيخ خالد عادو كان شباب من هذك اليوم وهو يحسن لنا ولا يقصر معانا لانه بيحمل نفسه موت صاحبه

واول ما عرف اني معي بنت وعادش صغيره قال هذه لابني و فضل انو يختار من عياله مازن لانو أكثر واحد يحبه

لجين قاطعته: ليش مازن بالذات

ابو محمد: لانه الوحيد اللي يخرج عن كلمه ابوه عادو حتى لما كان بالمدرسه ما كان يرضى يعترف ان ابوه شيخ كان كل مره يخرف فحب الشيخ خالد يزوجش مازن عسب تعقليه

لجين: وانا ما ذنبي اتحمله

ابو محمد: ما كملت يابنتي مازن كان كل ما تضيق القاه بالمسجد وعمك سامر كان يحبه و يقول انو انسان حنون ما يبان.. بس والله يابنتي ماعتوافق عليه الا ونا داري

لجين: خير ان شاءالله خير
.
.


عند مازن لا لا ليش بين افكر فيها ياالله كله بسبب عيونها دمعين يمكن يكون صدق هي مغصوبه عليا بس مستحيل كل البنات يتمنين تمنى انهن يتزوجين ابن الشيخ

رجع دعمم ودخل يراسل بنات
البنت: انت وعدتني انك تجي تخطبني هذا الاسبوع

مازن قدو ضابح: شكلي ضيعت البيت وخطبت بنت ثانيه

البنت: ايش قصدك

مازن: شغلي عقلش وعتفهمي

البنت: مالك تغيرت قدك بتجنن

مازن: وانتي متوقعه اتزوج بنت كلمتني وجلست ترسل صورها

البنت اكتبدت: انا فعلت هذا كله عشانك بالاخير تقولي هكذا

مازن: انا خاطب ذلحين عتواصلي وانا خاطب

البنت: الله يلعنك يا.....

مازن رد سبها وحظرها خليني ابسر الباقيات اقلهن

كلهن تقبلين ماعدا ثلاث
.
.


عند سالي
سندس: طيب هو ذا حققتي اللي تشتي وفرقتي بهم وفعلتي سحر لعبدالله ايش عيحصل

سالي: عيتزوجني قد قلت له يستعجل

سندس: عيكون صعب لما تفكي له السحر

سالي: من قال انني عتعالجه

سندس طننت: كيف كيف عيرجع يقتلب السحر على الساحر وتقتلب عيشتش بطلي جنان

سالي متوتره: لو يفتك السحر عيفعل المستحيل عشان يرجع للجين

سندس: بس انتي هكذا تضريه انسان بتقولي انش بتحبيه

سالي بضبح: يااعني مفعل اقتل للجين

سندس افتجعت نكع تلفونها للارض

سالي: مالش

سندس رفعت سريع التلفون من الأرض ووقفت التسجيل اللي كانت تسجل صوت سالي وقالت:ولاشي ولاشي اسمعي انا عتروح امي اليوم تاعبه

سالي استغربت: طيب تشتي السواق يوصلش

سندس: لا لا تسلمي

(طبعا سالي وسندس مش عارفات ان لجين مخطوبه والا كان عيقع لسالي ورقه رحب)
.
.

دخلت ام محمد
ام محمد: لجين ياقلبي

لجين: ها اميِ عيوني ما تشتوا

ام محمد: يابنتي نشتي نفعل لش حفله خطوبه نفرح بها وتعزمي صاحباتش

لجين: يمه عادي مش ضروري

ام محمد: عشان والكل نعزم اهل الخطيب عمتش اتصلت تشتي تبسرش هي وبناتها

لجين: خلاص تمام عادي

ام محمد: كان قومي هيه نسير نشتري لش فستان

لجين: يمه سهل عتلبس من اللي معي خيرات

ام محمد: هيا من الكسل

لجين: خلاص هيه

خرجين

وفي السوق
ام محمد: ما رأيش نشل لش حق والكل العقد قدي من مره

لجين استغربت: ليش او قدو قريب

ام محمد: توقعي كل شي قدلش مخطوبه يابنتي ثلاث سنين

لجين في نفسها يوه مش انا مستعده لشي

روحين

لجين وصلت وابسرت رساله من سندس استغربت تيه البنت صاحبة سالي مشي حتى صاحبتها دخلت المحادثه وتبسر تسجيل صوت عاد هي عتفتحه

ام محمد تصيح للجين وسارت تجاوب


ام محمد جابرتها ونسيت موضوع التسجيل

ام محمد: ايوه يابنتي ما رايش بكره نفعل الحفله

لجين: لو تكون بعد بكره

ام محمد: قصدي لا نجلس نأجل

لجين: خلاص ايش ما تشتوا

ام محمد: حاكي صاحباتش

لجين: مابش داعي عتعزم رناد

ام محمد: تمام


لجين ذكرت انها ولا قد حكت لرناد شي وكل ما تتصل يكون تلفون لجين مغلق لو اصدمها هكذا عتجي تلطمني مابلا اتصلها اتصال خاص
لجين اتصلت لرناد


أحيانا يزيد الاهتمام من طرف واحد والثاني يكون اناني لاخذه أكثر من حقه فينسى الطرف المهتم














https://t.me/rewayatyamania/46007











@rewayatyamania  باز کردن / نظر دهید

2022-12-20 20:54:52 .

البـارت 9 ☆


خلينـا ننسـى المـاضـي ونعيـش الحـاضر



@rewayatyamania 


رفقا بالقلوب التي تضحك في حزنها أشد من سعادتها ضاقت ياالله اني انتظر الفرج



ابو محمد بحنان: لجين ياقلبي هيا

لجين مسكت بيد ابوها لو مهما حصل ابوها سندها بحياتها مستحيل تعاتبه ابتسمت ابتسامه ترضيه: هيا


دخلت الديوان وهي خازيه منزله عيونها للارض

ابو مازن: حياا بابنتي القمريه

مازن يشتي يضحك وواو قدرت تمثل دور البنت اللي تستحي

مازن بغير قصد ضحك


التفتوا كلهم لعنده لجين رفعت رأسها وبسرت له
لجين داخل نفسها تقول شكله مريض نفسي يوو ياالله ودفت

مازن للحده ضاع وسط عيونها واوو عيونها سع الغزال حاليات ماشاءالله بس طبعا ماعتغريني حتى بيضاء قوي المهم طز جلس مطنن وساكت

ابو مازن خزي من تصرف ولده

ابو محمد نخليهم لوحدهم جي يا ابو مازن معي الغرفه الثانيه

بسرت لعنده لجين بترجي يجلس بس ابو محمد مسكين ما ركز وخطيوا

مازن بسر لها: ذلحين انتي لجين

لجين هزت رأسها وقالت بصوت واطي: وانت بسمك

مازن انصدم اكيد انها بتمثل ضحك: مستحيل مش عارفه اسمي انا ابن شيخ

لجين استغربت: طيب لو انت ابن شيخ لازم اكون عارفه

مازن تنرفز مالامها تيه الكذابه شاف لها بخبث وهزر طرحتها نيته يضبحها

لجين افتجعت شعرها بان

مازن طنن يوو والحلا شعرها باين انو ناعم وطويل دام لفته كل هذه اللفه

لجين بدت تنزل دموعها وبصوت مبحوح: للمه تفعل هكذا

مازن بقسوة: عشان تعرفي زوجش المستقبلي فيه جراءة العالم (ما ركز على عيونها)

لجين بداين الدموع ينزلين

مازن رفع راسه يبسرها بسر دموعها افتجع ابسرها وهي تجري لداخل

مازن اوجعه ضميره يووه حرام بكيت بسببي زيدت فيها رجع هز راسه تستاهل عسب تبطل كذب


عند لجين
دخلت غرفتها وغلقت بالمفتاح مريض متخلف والدموع ينزلين خلاص اهدي اهدي مابش ما وقع شي انسي يوو ياالله فرج همي ضاقت ياالله ضاقت والله مش ناقصه احد يجي يقرح قلبي


دخل ابو محمد وابو مازن
ابو محمد: ويني لجين شكلها دخلت

مازن بتوتر: ايوه خزيت

ابو مازن بسر له بنظره اكذب على غيري


خرجوا بالسياره
مازن بيسوق

ابو مازن لف لعنده: ما فعلت بالبنت

مازن توتر: ولاشي خزيت ودخلت ايش ممكن افعل

ابو مازن ارتاح شويه: مش انت نذل لهذك الدرجه

مازن هز راسه ونزل الزجاج للاخير
.
.

عند ابو محمد
ابو محمد بيدق غرفه بنته ما ردت عليه فتح الباب بسرها راقده غلق وخلاها ترقد
.
.

عند عبدالله
عبد الله: يابه هيا قدم الزواج اشتي اتزوج

ابو عبدالله: مالك عجل هكذا

عبدالله: اشتي اخلص

ام عبدالله: انا مش مرتاحه لسالي هذه

عبدالله تعصب: ما يهمني عتتزوجها يعني عتتزوجها

ابو عبدالله وام عبدالله استغربوا من ردة فعله

ابو عبدالله: خلاص تمام
.
.

عند سالي
سندس صاحبة سالي: انتي مجنونه كيف وافقتي

سالي: سؤال غبي انتي عارفه اني احبه واعشقه وانني سبب انفصاله عن لجين وانا فعلت الكثير

سندس: غبيه انتي لدرجه انش تفعلي سحر في قلصه يوم جاء

سالي توترت: عادي اهم شي انش تسكتي والا عيقع الضيق

سندس: اعوذ بالله منش بدأت افتجع منش










https://t.me/joinchat/AAAAAEIz_KDfjDgo7Gaxwg












@rewayatyamania  باز کردن / نظر دهید

2022-12-20 20:54:40 .

البـارت 8 ☆


خلينـا ننسـى المـاضـي ونعيـش الحـاضر



@rewayatyamania 


نصيحه مني لكم لا تروا الجانب السيئ من جهة الشخص العزيز لكم لانها دائما تكون قاتله وحارقه


لجين انتظرت يومين ولا رسل رساله ولا شاف عبدالله حتى الرساله بعدا لاحظت انها محظوره وقالت حبيبي الساذج متسرع

ياالله ذلحين كيف افعل شتصل له من رقم ثاني سارت اخذت حق الشغاله التلفون استأذنت منها تتصل اتصلت له (الرقم الذي تتصلونه به مغلق او يكون خارج نطاق التغطيه) لا مستحيل يكون مغلق تلفونه ٣ ايام شكله غير الرقم فعلت رساله لصاحبه بالانستا لانها حتى ما لقيت حساب عبدالله


لجين: سلام ليش عبدالله مغلق تلفونه

عبد الرحمن تنرفز مالها هذه عاد لها وجه ترسل: خير عبدالله غير رقمه وعيغير حياته اتمنى تخليه بحاله وتشوفي طريقش وتتنهي يا مخطوبه


بعد ما شافت لجين الرساله بلكها على طول
غبي هو وصاحبه وهذا دب اهبل مشو داري الخبر

.
.

عند ابو محمد
ام محمد: ذلحين كيف عتقلها انو عيجي يبسرها خطيبها هذه الجمعه

ابو محمد: سهل باقي يومين لازم تتقبل وتعرف من اللي نصيبها

ام محمد: خيرة الله دلا دلا على بنتي

اكتفى ابو محمد بهز رأسه ويفكر كيف عيقولها

.
.

اليوم الثاني
لجين ماعد قدرت تصبر ودخلت تراسله لتلفون امه طبعا اهل عبدالله كلهم كانوا عارفين انو بيحب لجين

لجين: سلام عبد الله

عبدالله كان بيشبك لامه الواي فاي بسر رسالتها ومكتوب اسمها خطيبه ابني صدفه دق قلبه غالط امه وقال عيسير ويجي وخطي ومعه تلفون امه

ام عبدالله: خير

لجين عرفت انو عبدالله لان امه ماعتجي تقولها هكذا

لجين رسلت له هذك الرساله

عبدالله رسل فيس ضاحك وكتب: المفروض ازعل؟ او ابكي

لجين انصدمت من رده وكتبت: والله ياعبد الله اني مثلي مثلك

عبدالله: سيري اضحكي على واحد ثاني لاعد تلاحقيني انا خاطب

لجين اكتبدت: تمزح

عبدالله: لا محد يمزح بهذه المواضيع ابسري الفرق بيني وبينش انا ما ابسر ان فيها مزح

لجين بانكسار و خذلان: من

عبدالله: ماهو اللي من اقطبي مش انا فاضي لنذالتش

لجين والدموع ينزلين: من خطبت

عبدالله وهو فارح انها سألته عسب يقهرها: سالي

لجين انصدمت ماعد قدرت تنزل دمعه جلست تضحك لا لا هذا منه صدق مستحيل بعد قهره ووجع قلب ردت وقالت

لجين: شكرا يا نذل

عبدالله اتعصب عاد عيسبها لجين بلكته ومسحت رقم امه (تبا لحب مثلك ليس مثلي)

يعني ذلحين خذلني حبيبي وصديقتي كانت ضربه قاسيه لكني امراة قوية

خرجت من غرفتها من عزلتها وتقدمت لجنب ابوها وقالت وهي رافعه رأسها
لجين: يابه انا موافقه

ابو محمد افتجع لاقد حصل بها شي تتكرر الاسطوانه: موافقه على ايش يابنتي

لجين: على العريس متى عيجوا؟

ابو محمد تعجب: بكره عادي عندش صح

لجين: حتى ذلحين عادي
وخطيت من غير ما تسال حتى اسمه


اصبحنا نرد الوجع بالوجع وننسى كيف كنا وكيف الان اصبحنا تبا لحب كهذا


دخلت لجين غرفتها طفت الضوء وتمددت بسريرها يو مالي جننت جنني كيف شبدا حياه جديده بدونه وبدات تبكي وقدي منهاره من كثر ما بكيت
.
.


عند عبدالله..

كيف سخيت عليها بس سهل تستاهل هي سخيت عليا
.
.


عند مازن..
كيف شكلها ايش اسمها عتعوضني لا لا انا عتعذبها عشان تكره اليوم اللي وافقت فيه رخيصه (قالها بكل بساطه وهي عتكون في يوم من الايام شريكة حياته)

واخيرا اليوم جمعه

لجين نسيت قامت على صوت امها

ام محمد: هياا قومي رفعي معي اليوم عيجوا يبسروا بنتي الحاليه

لجين بعدم فهم: من عيجي

ام محمد: خطيبش

لجين تذكرت اوو ودفت: تمام
.
.


عند مازن..
خلاص اول ما ابسرها النظره الشرعيه عتقولها اني مغصوب عليها بس كيف عتقول اني رخوه ياالله خراجك عتبسر رجع فكر بخطه وابتسم



وصلوا ابو مازن ومازن للديوان وابو محمد يرحب بهم

ابو محمد: اهلا بالشيخ خالد

ابو مازن: الله يحفظك

ابو محمد: تفضلوا تفضلوا

مازن بخبث: هيااا اشتي ابسر خطيبتي مااسترت امس ارقد متحمس ابسرها

ابو محمد ابتسم

ابو مازن بسر له

ابو محمد: عتسير اقول لبنتي تجهز نفسها

ابو مازن بشك: لو في شي براسك اقولك من الان ماعينفعك

مازن يستغبي: ما فهمت مالكم يابه قد بين افعل اللي تشتوا

ابو مازن بسر له: غلط واحد عتتندم

مازن يضحك: عتحرمني من الورث عادي

ابو مازن تعصب عاده عيسبه الا دخل ابو محمد

ابو محمد بابتسامة: الان عتجي

مازن: طبعا شويه وتخلونا لحالنا عسب لا تستحي مني (كان عيقول اسمها بس هو مش عارف)

ابو مازن: المهم لجين مرتاحه

مازن اها اسمها لجين انا مش عارف اسمها وهي تكون عارفه اسمي لآخر جد

ابو محمد: الحمدلله الان عتسير اديها


لجين طبعا وجههاا صافي لابسه البالطو والحجاب يالله يارب يكون عوض يارب يا رب ما يكون سبب دمار حياتي بيدي

ابو محمد بحنان: لجين ياقلبي هيا

لجين..


















@rewayatyamania  باز کردن / نظر دهید

2022-12-20 20:54:26 .

البـارت 7 ☆


خلينـا ننسـى المـاضـي ونعيـش الحـاضر



@rewayatyamania 


يبدو ان الزمن غدر بنا يا تؤم الروح يبدوا لي ان الزمن توقف اليوم بلنسبه لنا لا استطيع تصديق ذلك لم افكر بيوم انا اكون لغيرك كنت دائما اقول يا عبدالله يا التراب لا أصدق ذلك لاني لم اتوقع ذلك



عند عبدالله بيشكي لصاحبه عبدالرحمن
عبدالله: طلعت خاينه بلا قلب كيف قدرت تخبي انها مخطوبه لمده ٣ سنوات قهرتني اقسم بالله انها بلا ضمير

عبد الرحمن: قد عدت لي عشرين مره هذه الجمله الله عيعوضك يااخي مالك اكيد ان الابتعاد عنها كان خير لك اكيد انها شر لك بعدين به خيرات بنات ماعيوقف الكون عندها

عبدالله: بس لجين كانت غير الكل عندي كانت حلم حياتي كانت المطلب الوحيد اللي بنفسي بس تصدق كلامك صح اكيد ان الابتعاد عنها خير لي

عبد الرحمن: اكيد الدنيا ماعتوقف عشان شخص الله عيعوضك باللي احسن

عبدالله بانكسار: بإذن الله الله يمهل ولا يهمل

عبد الرحمن: ربك كريم

عبدالله: ونعم بالله
.
.


بالمستشفى
الدكتوره خرجت من الغرفه

ابو محمد: خير مالها بنتي

الدكتوره قاطعته: الحمدلله على سلامتها الحمد الله انكم لحقتوها والا كان عيحصل لها تشنج وبعدها تنجلط للاسف وقع لها انهيار عصبي اعصابها الان فالته ضربنا لها مهدئ اتمنى انكم تبعدوها من الأشياء القهريه والتعصب عشان تكون بخير

ابو محمد: ان شاءالله ممكن ادخل

الدكتوره بابتسامة: اكيد تفضلوا

ابو محمد وام محمد دخلوا سريع

لجين حارفه وجهها للحال الثاني

ابو محمد: يابنتي كيف قدش

لجين لفت لعندهم ولا ادت نخس ولا كلمه

ام محمد ببكاء: به حاجه توجعش يابنتي

لجين على طول اكتفت انها تاشر لقلبها وتعلن عينها بسقوط الدموع

{وكيف اكون بخير يا امي وأعز الناس حرقني}

.
.

عند مازن
ابو مازن: ولد تعال

مازن بضبح: هاه

ابو مازن: بكره مع خالتك مشوار للسوق سوقها ورجعها

مازن بضبح: ليش مابه الا انا

ابو مازن التفت له لفتة الجن: شعتبر نفسي ما سمعت وكلامي ينفذ وخطي له

مازن: استغفر الله العظيم يعني ليش ما يخلي حميد هو ولده والكل قدو رجال عاده يبسره ننهه (طفل) انا حملني كل شي في سادس ابتدائي وخطي يشكي للوحيده اللي عتسمعه

مازن: يمه ماهو هذا ضنكوني(طفحوني)

ام مازن: مالك يا نظر عيني من غثاك

مازن: من غير زوجش يشتي كلامه يمشي بأي طريقه

أم مازن: للمه حاكيني ما حصل

مازن: يشتي بكره امشور الضفعه

ام مازن خفعته برأسه: عيب اوص لايسمعك ابوك ويزعل منك

مازن: هههه قولي يكسر راسك

ام مازن بتضحك: بس ياابني

مازن: يمه مش انا داري كيف زدتي صبرتي على ابي بعد كل هذا الزمن والتعب والشقى وتحملتيه يتزوج عليش واحده ضفعه

ام مازن بحزن: الله يسامحه بس انت قدك داري هو يشتي عيال وانا اديت له ست بنات وانت الوحيد الولد

مازن يشتي يغير الجو: عشان هكذا تحبيني اكثر واحد

ام مازن ابتسمت: احبكم كلكم
.
.


عند لجين روحوا للبيت ولجين ولا ادت كلمه ساكته تعبر عن حزنها بأكتفاءها بالسكوت

وصلت تمددت على طول بالسرير وام محمد وابو محمد قالوا يخلوها ترتاح

لجين لفت للحال الثاني وبسرت تلفونها بالارض بزته ولصته على طول ظهرت محادثه عبدالله جلست تقرا وتعيد المهم قررت تكتب له رساله

(الى حبيبي الذي نعتني بالخائنه الى حبيبي الذي لم يسألني عن حالي الى حبيبي الذي كذبني الى حبيبي الذي يظن اني خائنه انت تعرفني لا اخبئ الذي بقلبي نحوك واعاني من صدمتك اضعاف واعاني من وجعك اضعاف لاني انثى وبخطٍ عريض لا استطيع العيش بدونك انا احبك مهما عصفت بنا الحياه)

رسلت الرساله وجلست بإنتظار انه يرى الرساله تتمعن بالفرق بين رسالته ورسالتها



اعتقد أنه تم هزمنا في معركه الحب ،لم تهن عليا يا ذا القلب القاسي بل أخبرني هل هنت عليك لتسمح لقلبك بتحطيمي بهذه الأحرف من سكين تحرق في جوف قلبي





https://t.me/joinchat/AAAAAEIz_KDfjDgo7Gaxwg












@rewayatyamania  باز کردن / نظر دهید

2022-12-20 20:54:10 .

البـارت 6 ☆


خلينـا ننسـى المـاضـي ونعيـش الحـاضر



@rewayatyamania 


واجهت الكثير من المصاعب ، حاربت الكثير من  أجلك ،اخبرتك كم احبك ، اوفيت بوعودي ،ضحيت من اجلك وهل هكذا جازيتني بعدم الاستطاعه الحفاظ على نفسك مؤلمه جدا حرقتني يا ذات عين الغزال



ابو محمد: اعتذر منكم بس بنتي مخطوبه لها ثلاث سنوات

عبدالله ابتلد دخل في حالة صدمه رهيبه بغير ما يحس دمعه نزلت من عينه حاول يتمالك نفسه حاسس بقهر داخلي ما يقدر يعبر عنه


ابو محمد نزل رأسه باسف اسف يابنتي انش ما عتجتمعي مع حب حياتش اسف يا بنتي اني يمكن اوجع قلبش انا الغلطان من البداية كان يحق لش انش تعرفي انش لواحد غيره


ابو عبدالله انصدم ما توقع يكون هذا رده زعل قوي على ابنه عبدالله وقال: خلاص يا ابني مابش نصيب قوم ياولدي الله يعوضك

عبدالله مقهور قال بقهر: ياعم محمد لجين كانت داريه انها مخطوبه اكيد

ابو محمد حس لازم يكذب عشان خلاص عبدالله يبتعد عنها وينساها مش عارف ان الحب ما ينتسي مهما مر الزمان وقال: ايوة يا ابني هي داريه

عبدالله بعدم تصديق داخله يقول مستحيل قام بز نفسه وقام بعد ابوه ودق يده في الباب وصاح: مستحيلللللل

ابو محمد ولا ادى نخس نزل رأسه باسف ويفكر كيف عيقول لبنته


عند مازن
ام مازن: بس يا ابني لا تحن فوق رأسي

مازن: يمه كيف سمحتي له وليش انا اخر من يعرف زوجش بيحسسني اني مكلف ماهو هذا

ام مازن بحزن: و الله يا ابني انا والله عادني دريت انصدمت سعك وانت داري بابوك ما يعجبه احد يخالف رأيه او يدي رأيه

مازن: يمه هذه ماعديش عيشه تخلف

ام مازن: يا ابني مدري وهي خير لك

مازن: لا خير ولا جدتي مش انا داري حتى من هي

ام مازن: تفاءل خير

مازن: تكون ذلحين فارحه لان كلهم طامعين بزلط ابي والورث

ام مازن: بطل خباله ابوك ماعيختار اي احد الا وهو حذر

مازن: قد بسرنا والدليل خالتي دلال(زوجه ابوه)

ام مازن: خلاص يا ابني

مازن: انا عتسير الجبهه مدري وهو يغير رأيه

ام مازن بخوف: بطل لغاجه وبدأت تتدمع ما معي الا انت وخواتك من عيكون سند لهن ولي

مازن: انا فدا للي خايفه عليا مش انا داري للمه ابي تزوج عليش بواحده ربحه(قرده) الله لا يحرمنا منش وحب (باس) رأسها

ام مازن: امين ولا منكم يا عيالي
.
.

عند بيت ابو محمد
لجين فارحه مراعيه لما ابوها يجي يدق بابها ويقلها انو عبدالله جاء تقدم لها قدي عتطير من الفرحه

ابو محمد دق باب غرفه بنته

لجين قامت تفتح الباب بسرعه: حيا يابه أدخلوا

ابو محمد: اعتقد قدش داريه ان به ناس جوا يتقدموا لش

لجين بغير تفكير: موافقه موافقه

ابو محمد نزل رأسه باسف: يابنتي انا رفضتهم لانش مخطوبة وسكت ماعد قدر يكمل

لجين قعت(فتحت فمها) وراحت لعالم ثاني هل انا بحلم ام بالواقع لا مستحيل انا شكلي بين احلم خرط خرط

ابو محمد بسر كيف ولا ادت صوت ولا نخس بز نفسه وخرج من الغرفه مايشتي يقول لها كل شي دفعه واحده

لجين جلست مطننه تبسر للجدار وحاسه بضيق كبير في التنفس مش قادرة تتنفس من الوجع ولا قادرة تبكي بزت نفسها وطلعت للجباء تحاول تاخذ نفس عميق

بعد محاوله كثيره اخذت نفس وجلست كثير تتأمل النجوم اءءحح يا وجع قلبيي اذا انا الان هذي حالتي كيف عتكون حاله عبدالله اكيد سع وجهي دبل الدبل لازم اكلمه لازم بس كيف اءءحح بس

نزلت لتحت سريع دخلت غرفتها عاد عتفكر لقيت تلفونها فوق مكتبها بدون تفكير على طول اخذته وطلعت الجباء تتصل لعبدالله لكن كان مغلق لفت أنتباهها رساله من عبدالله مكتوب

{انا هنت عليش انا فعلت عشانش المستحيل انا حاربت الناس كلهم عشانش انا انهانت كرامتي عشانش انا تخليت عن الكبرياء حقي عشانش انا ضحيت عشانش انا ضغطت نفسي عشانش وانتي جازيتني بالخيانه يعني مخطوبه طول هذه المده وانا مالي اي خبر كيف قدرتي تخبي عليا حاجه مثل هذه.. هذه جريمه حرام عليش الله لا سامحش وتباً لحبش يا حبيبتي الخائنه}


لجين حست بقبضه بقلبها وبدات تنهار والدموع تنهار ماعد قدرت تستحمل مش قادره تستوعب اللي حصل طاحت مغمى عليها


ابو محمد: ادخلي ابسري كيف قديه

ام محمد: يله الان


دخلت ام محمد وبسرت بنتها مرجومه بالارض مثل جثه هامده صاحت: ابووو محممممممدد

ابو محمد فزع من الصوت قام سريع وبسر بنته بالارض بسرعه اخذها ولفها بشي وام محمد تلحق تتغطى واسعفوها للمستشفى
.
.


عند عبدالله بيشكي لصاحبه عبدالرحمن
عبدالله: طلعت خاينه بلا قلب كيف قدرت تخبي انها مخطوبه لمده ٣ سنوات قهرتني اقسم بالله انها بلا ضمير

عبد الرحمن: قد عدت لي عشرين مره هذه الجمله الله عيعوضك يااخي مالك اكيد ان الابتعاد عنها كان خير لك اكيد انها شر لك بعدين به خيرات بنات ماعيوقف الكون عندها

عبدالله: بس لجين...























@rewayatyamania  باز کردن / نظر دهید

2022-12-20 20:53:45 .

البـارت 5 ☆


خلينـا ننسـى المـاضـي ونعيـش الحـاضر



@rewayatyamania 


لا يعتبر الذي يبدا بالاعتذار والتضحية بأنه هو الخطأ والطرف الثاني الصحيح بل هو الذي يحافظ على ان يدوم هذا الحب العظيم



لجين اتصلت لعبدالله
لجين بصوت يقطع القلب: ع بد الله

عبدالله فز قلبه: هاااا قلبي مالشش

لجين قالت اللي حصل وبدأت تبكي

عبدالله: لييش تتكلمي انتي مجنونه قد كنا غلقنا الموضوع

لجين: اخاف عليك ومستحيل احملك لوحدك

عبدالله: الله يسامحش

لجين: انا احبك لو يحصل اللي حصل

عبدالله: وانا نفس الشي وعتثبت لعمي محمد لما اجي اتقدم لش

لجين استغربت: عتجي تتقدم لي

عبدالله انصدم ما توقع انو ماعندها خبر: ايوه هذا الاسبوع

لجين: نبطل نتكلم لفتره

عبدالله: ايوه المفروض بس كوني طمنيني

لجين: عتكون افتح الانستا من ايباد اخي لما يرقد

عبدالله: يله تمام اوبهي لنفسش

لجين: حاضر وانت اوبه لنفسك مع السلامه  وغلقت

رناد بزت تلفونها وقدي خارجه: اوبهي لنفسش

لجين: حاضر


"عند ابو محمد"
الرقم الغريب: لازم نحدد يوم نلتقي عيالنا كبروا ولازم بنتك تعرف

ابو محمد: ولا يهمك يا شيخ

الرقم الغريب: على اتفاقنا كان المفروض نلتقي قبل سنه

ابو محمد: الظروف يا شيخ

الرقم الغريب: المهم ما تخيبوا بظننا

ابو محمد: ابشر ماعيحصل الا اللي يرضيك


مرت الايام وجاء اليوم المنتظر جاء اليوم اللي عبدالله عيكمل النص الثاني من دينه جاء اليوم اللي عيوفي بوعده جاء اليوم اللي عيطلب حلم حياته جاء اليوم اللي عيثبت حبه جاء اليوم اللي عيثبت رجولته
:

عبدالله متحمس قوي (نسى كلمات ابو محمد)

ام عبدالله تبخره بالعوده: انا فدالك يا إبني الوسيم الله يوفقك

عبدالله بفرح: امين يارب

ابو عبدالله: هيا شرق تاخرنا قد عيأذن مغرب

عبدالله: يله يله قد انا جاهز


خرجوا متوجهين لبيت ابو محمد


ام محمد و ابو محمد يتهامسوا

ابو محمد: ابًوٌ عبدالله فعلي رساله قدهم بالطريق

ام محمد بكبر: قدك داري ماعترد عليهم

ابو محمد: اكيد احنا ما ننقض الوعود

ام محمد بصوت: ياا لجين

لجين وهي معطره مشيكه: هاا عيوني

ام محمد: يا لطيف ماهو مالش اقتشعتي هكذا

لجين وهي فارحه قوي: خوره

ام محمد بشك: هاه

ام محمد: المهم يابنتي شيكي على الديوان عيجي احد يتقدم لش

لجين تفعل نفسها مش داريه: هاه صدق

ام محمد: ايوه


لجين قد بخرت الديوان وحركات وبركات حتى ما سألت بيت من اللي عيجي لأنها قدي داريه



"عند مازن"

مازن: ماهو يابه صدمتني للمه مالي علم من قبل

ابو مازن: مش ضروري انا عارف بمصلحتك

مازن: بس يابه

ابو مازن بقسوه وشدة: لا بس ولا لاعد تناقش بهذا الموضوع انتهى خلاص

مازن سكت لأنواد عٌآرفُ ماله رأي عند ابوه مع انو معروف انو هيبه وكلامه مقنع بس يوصل لعند ابوه وعلى قولته يقتلب مكلف


دق باب بيت ابو محمد
ابو محمد قام يفتح

لجين قد عتطير من الفرح


دخلوا الديوان (المجلس )

ابو عبدالله: كيف حالكم يا ابو محمد

ابو محمد: الحمدلله عايشين

وبدوا يدخلوا بنقاشات ويتحاوروا

عبدالله بهرر قام رسل ل ابوه sms: يابه هيا

ابو عبدالله: احمم يا ابو محمد انت عارف ليش جينا اليوم ابني عبدالله جاء يكمل النص الثاني من دينه ويطلب بنتكم على سنة الله ورسوله

ابو محمد: ايوه

عبدالله: اوعدك يا عم اني اصون بنتك وعتكون فوق العين والرأس

ابو محمد: اعتذر منكم بس بنتي .......






https://t.me/joinchat/AAAAAEIz_KDfjDgo7Gaxwg













@rewayatyamania  باز کردن / نظر دهید

2022-12-20 20:53:35 .

البـارت 4 ☆


خلينـا ننسـى المـاضـي ونعيـش الحـاضر



@rewayatyamania 


أحيانا كلامنا يجرح أحبابنا ونلاحظ بعد فتره ونندم ولكن حينها الندم لا ينفع والرجوع لا ينفع والكبرياء لا يسمح والحب لا يفهم


""عند ابو محمد""
ابو محمد: يااخي ماهو هذا الخبر

ابو عبدالله قدو خازي وهو داري ان عبدالله بيحب بنته وعادو شجعه انو يحبها بصدق لأنو تزوج ام عبدالله عن حب

ابو عبدالله: والله ما اقول لك الا خير


عبدالله اول ما دري لحق بعد ابوه وقدو خايف قوي على لجين لا يفعلوا بها شي

عبدالله جاء لصليهم مسرع: يا عم محمد انا عبدالله

ابو محمد تعصب: عاد لك عين تجي

عبدالله قاطعه سريع: ياعم لجين ما كلمتني ولاشي انا اللي كنت الاحق بعدها ولا خليتها بحالها وهي كانت تتنطشني ولا ضربت لي كرت انا مستعد اتقدم لها على سنة الله ورسوله

ابو محمد بسر لعنده باسف: اذا انت فعلا تحب بنتي تعال دق الباب وانا عترد عليك

عبدالله استغرب ايش قصده اكتفى انو يهز رأسه

ابو عبدالله: ماشاءالله عليك شغلت مخك الحمدلله

عبدالله ابتسم بحيرة: خيرة الله يابه خلال هذا الاسبوع اشتي اتقدم للجين صح احنا اتفقنا بعد الجامعه اتقدم لها وقد انا جاهز بس لازم اعرف ايش قصده ابو لجين

ابو عبدالله: تمام يا إبني ولا عليك



ابو محمد وصل البيت دخل على طول غرفه لجين وام محمد تلحق بعده

ابو محمد فتح باب الغرفه: لجين

لجين نكزت وبسرت ابوها شحب لون وجهها بصوت مقطع: ه ا

ابو محمد: انا اسف يابنتي طلع ان الولد نفسه كان يأذيش للمه ما حاكيتينا كنا عنوقفه عند حده ما خاب ظني ولا ثقتي فيش

لجين استغربت: من قال لكم ؟

ابو محمد: عبدالله الجني نفسه

لجين حست بالذنب يعني ضحى هو مااقدر احمله ذنب حبنا لوحده اصبح الحب ذنب مثل ارتكاب جريمه

ابو محمد: بس طبعا انا ماعتسكت له

لجين افتجعت لايفعلوا شي بعبدالله: ليش يابه ماعتفعلوا به

ابو محمد: انا ماعتفعل شي بس الخبر قد وصل لعند اخوش فاعله الخير على قولتها وصلت الخبر لاخوش وهو بالغربه ، هي كمان لها حساب عندي اول ما اعرف من هي

لجين شويه وتدوخ لانها داريه ايش ممكن أخوها يفعل متهور حتى لو هو مشو موجود: ماعيفعل محمد

أبو محمد: حاولت اوقفه بس ما رضي قد كلم اصحابه اللي هانا يسيروا يضربوه


رجع خرج من عند لجين وما قال لها ان عبدالله يشتي يتقدم لها

لجين توترت افتجعت قوي على عبدالله لازم اوصل له لازم اكلمه يفعل احتياطه بس المشكله سحبوا تلفوني خلاص عندي فكره ماعتفعل

لجين سارت لعند امها
لجين: يماه

ام محمد: هاه

لجين: اشتي اتصل ل ميس "بنت خالتها"

ام محمد: طيب ما تتصلي لغيرها الا لما ابوش يرجع تلفونش واجهزتش

لجين: تمام

ام محمد: اتصلي جنبي

لجين توترت: تمام

لجين اتصلت لرناد: الو ميس

رناد: مالش

لجين: كيف انتي

رناد: احد جنبش

لجين: ايوه

رناد: امش

لجين: ايوه


فجأة رن التلفون الأرضي فرحت لجين

ام محمد راحت تجاوب

لجين: رناد اسمعي خلي عبدالله يقولش اللي حصل المهم قولي له ينتبه محمد عيرسل ناس يضربوه مع السلامه بلغيه وغلقت واتصلت على طول لميس عشان لا تلفت انتباه أمها


عند رناد بسرعه دخلت تكلم عبدالله وعبدالله قال لها اللي حصل
.
.


لجين حست انها لازم تعترف عشان لا يتحمل عبدالله كل شي

لجين راحت لعند ابوها
لجين: يا باه

ابو محمد: ماهو يابنتي

لجين بدات ترتجف من الخوف: انا خيبت ظنك

ابو محمد ما فهم قصدها: كيف تحاكي سواء

لجين حكت له انها هي والكل كلمت عبدالله

ابو محمد انصدم وعصب وادى كف للجين وقال: خيبتي ظني اني معي بنت هكذا مسك اعصابه لا يقتلها او يشوهها وبز نفسه وخرج


لجين مفجوعه ومش قادره تبكي بس قلبها يبكي

ام محمد عرفت بكل شي وقررت تروح لعند ام عبدالله عشان لا تتنشر الفضيحه على قولتهم لانو يبسروا الحب فضيحه


لجين قد عتجنن مفجوعه فجأة سمعت صوت الباب يدق وهي كانت لوحدها بالبيت راحت تجاوب وأنها رناد

لجين: يا مجنونه ما تفعلي

رناد دخلت: اصه محد بالبيت صح

لجين: ايوه الحمدلله وحكت لها اللي حصل..
هاتي تلفونش عتتصل لعبدالله وانتي شويه وروحتي انا افدالش مااشتيش يعرفوا انش داريه بعدا ماعيخلوني اتواصل معش

لجين اتصلت لعبدالله
لجين بصوت يقطع القلب: ع بد الله

عبدالله فز قلبه: هاااا قلبي مالشش

لجين قالت اللي حصل وبدأت تبكي

عبدالله: ...



الذين يقدمون التضيحه قليلون لاسيما بالحب لكنني اضحي لأجلك واذا أضطر الامر احرق الكون لأجلك لاني فعلا واقع بحبك





















@rewayatyamania  باز کردن / نظر دهید

2022-12-20 20:53:10 .

البـارت 3 ☆


خلينـا ننسـى المـاضـي ونعيـش الحـاضر



@rewayatyamania 


هل هذا صديق يخذل أم صديق لا يخذل هل صديق يطعن أم صديق لا يطعن حيره بعقلي وعدم الراحه بقلبي


رناد بضحكه: هو شكلش بتغاري منها حين بتقرب لعبودش

لجين: بطلي لغاجه وضحكت


جت صليهن سالي
سالي: سلام بناوت

رناد: هلا

سالي بسرت للجين بغيره وقالت: مالش سرحانه عبودش في الفصل الثاني

لجين بابتسامه مزيفه: سابر

سالي مقهوره بس بتبين مابش شي


استاذ العربي: ييي اللي وراى ركزين لجين تعالي اجلسي قدام لا تجلسين الثلاث

لجين: سالي اللي جت حشرت نفسها جنبي انا ورناد وضحكت والفصل ضحك

سالي اقتهرت من كلام لجين وتضحك معاهن وهي مقهوره


دق الجرس..
البنات خرجين للفسحه

كانت لجين و رناد يخطين مع بعض ويتجابرين

لجين بسرت سالي خاطيه لعندهن قالت لجين لرناد: خلاص اوص لا نتكلم قبالها شي جت القرده

سالي: هيا بنات نجلس ناكل ليش بتاكلين وانتين واقفات

رناد: هيا جلسنا جلسين ويتجابرين

سالي تتعمد تقهر لجين: اوو ما قولت لش ما حصل

لجين: ماهو؟

سالي: عبودش رقد عند خالته اسماء ولعب مع بنات خالته اولهن سلمى

لجين بغيرره وهي داريه: ها عادي ماافعله


دق الجرس كل من رجع فصله


في المرواح..
لجين بتجري و رناد بتلحقها بس هذه المره جت سالي معاهن

وصلت لجين للبقعه المعتاده وبسرت عبدالله جالس في الركن حقه قبال وجهها جالسين يوزعوا لبعض ابتسامه مليئه بالحب

سالي بغيره وبكره بتقول برأسها يخ ما بسر بها حيني بيضاء ورموش وما فيها لو انا سمراء السمر جذابات بس هذا كلب ما يتبسر الا لعند لجين قهر


حسام جرى لجنب لجين يحضنها عسب يحانك اخوه

حسام: لجينوو

لجين وهي بتحضنه: عيونها يا حالي

حسام: انتي الحاليه مش انا داري ليش عجبش اخي وانتي مزه ايش عجبش فيه

لجين خفعته برأسه: من قال لك ابسر على وسامه معه

حسام: طالع لاخوه الصغير

لجين: هههه مااحلاك


رناد روحت بقيت سالي ولجين وحسام جنب لجين

لجين: حسام وينو زياد

حسام: خرج يشتري سكريم من جنب البواب

سالي: حسامي كيف انت

حسام بقرف: ما عليش يا خادمه

سالي ضحكت باحراج: اهبل

لجين: يي ما هبلا الا انتي الا اخي الصغير

حسام خرج لسانه: مش انا داري ليش مصاحبه لها

لجين ضحكت: خلاص حرام

عبدالله جالس يتبسرها ويبتسم حاضر انا عتوريك ياحسام يعلم الله ما جالس تلغفج

جلس حسام يتهيبل على عبدالله ويحكي لها مواقف على عبدالله بعد ما روحت سالي


كمل يوم المدرسه وكل واحد روح بيته..


عند الشخصيه مازن..
مازن كل سع داخل خارج من الانستقرام

عند تمار الان عترد عليه ماعد فيني صبر
تمار  كتبت بعد ما فكرت كثير: انا من اول ما تعرفت عليك بين ابسرك اخ لا اكثر ولا اقل وزيك زي اي واحد وانا ما ابادلك نفس شعور الحب ولا قد فكرت انك بيوم تكون حبيب لي انت الا صديق والان اشتي اقطع علاقتي معك مشتيش نكون أصدقاء


بعد دقايق قليلة..
مازن بسر الرساله انصدم من ردة فعلها لانه سمع ووصل له خبر انها معجبه به وما قال انو يحبها الا وهو واثق رجع كتب لها: خلاص تمام وانا شكلي حتى تسرعت الله معش


تمار بسرت الرساله ودعممت وداست على قلبها وراحت تكلم عيال ثانين وتضحك معاهم طول الليل


مازن دخل لعند سامي خاص: مثل ما قولت لي لا تتسرع

سامي بسر رسالته: انا قولت لك من الاول وانا مش مرتاح لها

مازن: خلاص طز بها

سامي: ايوه ولا تزعل من حلاها اصلا مش انا داري ما عجبك بها

مازن: الحب اعمى اهم شي الاخلاق

سامي ضحك: المشكله  مابش معها وانت حتى داري بس تتناسى

مازن: خلاص سهل خيرة الله


عند تمار خلاص خلصت منه يخ لصقه وكابرت وقالت استاهل واحد احسن منه
.
.

 عند لجين تراسل عبدالله واتس
لجين: عبودي

عبدالله: عيونه

لجين: احبك

عبدالله: اعشقش

عبدالله: الله لا يحرمني منش

لجين:امين ولا منك >>

بعد ما استمر هذا الحب لسنتين في يوم وليله انقلبت اللحظات انقلبت الحياه ضدهم انقلبت الذكريات<<<
.
.

عند ابو محمد: لجين ماهو هذا اللي وصلي من أصدق يا بنت الكلب منو عبدالله اللي تجابريه والشباب اللي بتجابريهم انا ايش نقصت في حقش عشان تنقصي في حقي طلعتيني ما اعرف اربي وما معي الا بنت واحده صدمتيني الله يلعنها تربيه مش انتي بنتي

لجين في حالة صدمه وخوف وحيره منهم الشباب لانها ماقد كلمت غير عبدالله: اءه ماهو ما فهمت

ابو محمد: كم قد لكم تتكلموا عادش تراسليه

لجين ما قدرت تنكر او ترد لانها انصدمت

ابو محمد والا اقولش انا عتسير اقابل ابو الولد عتبز رقمه من (ابو سالي زميله بالعمل ) ابو سالي

لجين يبست ولا قدرت تتحرك

ابو محمد:  عتبسر من هو وحسابش لما ارجع خرج مسرع


ام محمد: ادت لها محاضره

لجين في عالم ثاني حست كل اللي بنته هي وعبدالله طار بلمحة بصر







https://t.me/joinchat/AAAAAEIz_KDfjDgo7Gaxwg








@rewayatyamania  باز کردن / نظر دهید