الشاعر رضا الخفاجي

2022-08-02 07:39:20 # قصائد محرم الحرام
(القصيده السابعه)
(القصيده ثكيل)
لسان حال المنتظرين لمولانا صاحب الزمان يراودهم سؤال دوما... كيف حال امامهم ...والقصيده جاءت هكذا ...
يالشايل بكلبك سبي وركظه حرم بين الخيل
سولفلي تبجي ليا جرح لمن يجن بيك اليل
امنيتي اعرف شلونك.....
امن البجي شظل بعيونك ....
ياصاحب ادموع الحمر----- ياصاحب ادموع الحمر
______________________________________
1-امنيتي اعرفك سيدي لمن تنوح بحسره
2- من تون عالراحن سبي لو عالظلع والعصره
3-لو تكظي ليلك بالدمع لوتكعد انته بصحره
4_بياحال واتشوف الخيل لحسين داست صدره
(وكل الجره بظعونك .... امنيتي اعرف شلونك)
___________________________________
1_مر بيه لو نسمه حلم هم عادي بس خيالك
2-كل همي اشوفك والسبي شمغير بجمالك
3-ايكولون شاب وشيبت الله اليساعد حالك
4_ودموعك يهلن حمر وما واحد الينعالك
(وبمصابك يذكرونك .... امن البجي شظل بعيونك)
________________________________
1- يالكضوا من عندك اهل ماشفت مثل مصيبتك
2_يكولون تنحب كل وكت عايش وحيد بغربتك
3_ويوميه كلبك ينجرح وكله الذنب من شيعتك
4_الغفله عنك سيدي وهاي الذنوب الجرحتك
(وبالغربه ويجرحونك .... امنيتي اعرف شلونك)
________________________________
1_خافن ترد يبن الحسن وماتلكه الك اي ناصر
2-يكولولك ارجع لو نرد ونعيد بيك العاشر
3-والدين لي هسه بخير جابعد المن ظاهر
4-خافن مثل مسلم تظل وحدك غريب وحاير
(وماتلكه الي ينصرونك ..... امن البجي شظل بعيونك )
_________________________________
1_ العذر منك سيدي خافن ملانه التقصير
2-شكد نغلط تسامح كبل شما شفت بالذنب جبير
3_ولو ظاكت انخاه بعجل والوجه لاعنه تدير
4-الماصارت بغيره وكظت بس عنده تلكاه تصير
(وهنيال الي يحبونك .... امنيتي اعرف شلونك)
___________________________________
خادم صاحب الزمان عج
الشاعر رضا الخفاجي باز کردن / نظر دهید

2022-07-31 16:42:25 # قصائد محرم الحرام
(القصيده السادسه) ( القصيده ثكيل)
# من الارشيف ومن منطلق ( لا وقار في مجلس سيد الشهداء ) اضع بين ايديكم هذه القصيده .....................
شلون اظل انا بوقاري
وانت فوك الترب عاري
واتخيلك ذبيح *واتخيلك ذبيح
كلشي بيه اسمك يصيح
واتخيلك ذبيح * واتخيلك ذبيح
___________________________________________
شلون ما الطم وادك
وجدم زينب محترك
بجمرات الخيام
وصدرك حوافر داسته
وجابوا حصيره المته
مطحون العظام
وفوك كل هذا الالم
عبدالله فطومه بسهم
اه من الاسهام
شحجي وشسولف ع الجره
وزينب صفت متحيره
من جور الايام
وياوسفه تفتر بالبراري
وانت فوك الترب عاري
ياحسين ح * واتخيلك ذبيح
____________________________مشوهن بوكت الظهر
وانسلب من عدهن خدر
شافوهن الناس
وماتنحمل هزله النوك
وفوكاهه طبن للسوك
مارفعن الراس
كالساع يظربهن نذل
هنوب من فوك الهزل
شكد عالم انجاس
وكفن باب الساعات
واسمع تصيح الشمات
جا وين عباس
وظلينه كل ساعه على طاري
وانت فوك الترب عاري
ياحسينك ذبيح * واتخيلك ذبيح
______________________ذبلت رقيه من البجي
نسمعه تصرخ بالحجي
جاوينه بابا
ماتدري ابوها عالرمح
ماتكدر تشوف الصبح
صعبه الخرابه
ماينحمل درب السبي
خدر يلوذن بالعبي
من الترابه
وحسين ظل ماينعرف
جاغير شسموي النزف
دمه وخضابه
من الهوه ويلجمه ثاري
وانت فوك الترب عاري
ياحسين
واتخيلك ذبيح * واتخيلك ذبيح
_____________والقصر ظل بياحال
يتوصف ابين انذال
وكفن سبايا
والرايه اجت بالديوان
صارت كبال النسوان
طاحت الرايه
وجم موقف اليجلم الكلب
مربيهم الكلش الصعب
ماينحجن الهوايه
بس نكتب النتحمله
مو كل مصايب كربله
ماتنوصف بحجايه
ولحسين تبقى ناري
شلون اظل انا بوقاري واتخيلك ذبيح * واتخيلك ذبيح
_________________
لخادم صاحب الزمان عج
الشاعر رضا الخفاجي باز کردن / نظر دهید

2022-07-29 15:19:09 # قصائد محرم الحرام
القصيده الخامسه (ثكيل)
## قصيده بعنوان * امنيه خادم *
كل يوم ادعي تدوم هالنعمه
كون اظل خادم بس لبو اليمه
وارفعت جفي لقبلتك
واطلبت بس زيارتك
منك ردتها مروتك٠٠٠٠٠توفقني بالخدمه
______________________________________
يا ابو العطاء اطلب طلب يلما ترد الي يندبك
ارد ابقى خادم للخدم وهالكلب ملكك وحدك
ماردت جاه امن البشر يكفيني اصيرن عبدك
ياسيدي واملك عدن تقبلني لو بس عندك
هالعمر يكظي بخدمتك
منك ردتها مروتك ٠٠٠٠٠٠توفقني بالخدمه ________________________
يا ابو العطاء اشكد عايشه بخيره البشر يلما فرغ ماعونه
الما يسوه عانه بهل الزمن لو ينخه هم تنطونه
والتايهه بدرب العدم بيكم فتحهه عيونه
واتيقنت كامل عقل كلمن صبح مجنونه
وادم بخيتهه العشكتك
منك ردتها مروتك ٠٠٠٠٠٠ توفقني بالخدمه ________________________
يا ابو العطاء ارفعت جفي لقبلتك وبكلبي ظلت حسره
حسره المظيع ولد و محتار حيل باامره
مشتاك ازورك سيدي واوكف ابابك واقره
واشبك ظريحك وارتوي لمن اطب للحظره
واكعد حدر في كبتك
منك ردتها مروتك٠٠٠٠٠٠٠ توفقني بالخدمه ه
______________________________________
خليني اعيشنك جرح وبروحي متوجره اخيام
والطم عليكم واحترك من اسمع بطاري الشام
من إجلي ظحيت بظعن وعزبت صدرك بسهام
من حكهه لو تنحب تظل وتنوح لاجله الخدام
وتجزع تظل لمصيبتك
منك ردتها مروتك ٠٠٠٠٠٠توفقني بالخدمه______________________________
يا ابو اراح اختم وما خلصت بعد الحجي عليك هواي
شما احجي عنك ما امل يا نعمتي ويا رجواي
اقسم عليك بمهجتك بلما شرب من الماي
جردني من كلشي ولجن خليني اجيلك مشاي
كل عام ووصل حظرتك
منك ردتها مروتك ٠٠٠٠توفقني بالخدمه ________________________________
يا ا### لخادم صاحب الزمان رضا الخفاجي ##
><><><><><><><><><><><><>><>><>><>><> باز کردن / نظر دهید

2022-07-28 00:08:58 #قصائد محرم الحرام
القصيده الرابعه (قصيده ثكيل )
عن مولاي صاحب الزمان عجل الله فرجه الشريف والقصيده تقول ٠٠٠٠٠٠٠٠٠٠٠٠٠٠٠٠٠٠٠٠٠٠
عاشور كل عام وخلص من يكظي اردن زاير
بس انت يلمهدي شلون كل يوم عندك عاشر
الله اليساعد حالك ٠٠٠٠ ماواحد الينعالك
كل يوم عندك عاشر ٠٠٠٠كل يوم عندك عاشر
&&&&&&&&&&&&&&&&&&&&&&&&&&&&&&&&&
عاشور كل عام ويجي بس عاشرك يوميه
تشوف المصيبه وتحترك لمراكض العلويه
بعيونك تشوف الجره ماتبجي من لطميه
من تبجي دم لا مو دمع ع الي مشت مسبيه
وحسين داسه الحافر ٠٠٠كل يوم عندك عاشر
&&&&&&&&&&&&&&&&&&&&&&&&&&&&&&&&&
مو جرح واحد بالكلب جا تكدر انت تروفه
جاتبدي من جرح السبي لوتنتهي بلكوفه
الله اليعينك سيدي كل المصاب تشوفه
وفوكاهه طبت عمتك بين الغرب مجتوفه
هل الظيم كله وصابر٠٠٠٠كل يوم عندك عاشر
&&&&&&&&&&&&&&&&&&&&&&&&&&&&&&&&&
كلبك يظل مثل الشمع يحترك يم طاري النار
والنار اخذ منك خيم ويذكرك بحرك الدار
جايمتى يالمهدي وترد وتراوي للناس الصار
مايغفى ليله ويستجن البدوي من يطلب ثار
لشوكت تبقى مناطر ٠٠٠٠ كل يوم عندك عاشر
&&&&&&&&&&&&&&&&&&&&&&&&&&&&&&&&&
ارجع وفرح شيعتك يومك الكل تنتضره
واعلن نداء بين الخلك يالثارات الزهره
واصلبهم الكسروا ظلع يالمهدي فوك الشجره
لمن ترد تبني الحسن كبه ومزار وحظره
وتستقبل انته الزاير ٠٠٠٠ كل يوم عندك عاشر
&&&&&&&&&&&&&&&&&&&&&&&&&&&&&&&&&
وتصبح بصرخه طفل صوت الحرم بظعونك
ومن البجي ماظل دمع الله يعين عيونك
تحتار تبجي ليا جرح وماتلكه اليصبرونك
الفاكد عشيره ومو شخص لتسئله انت شلونك
وماتكدر انته تكابر ٠٠٠ كل يوم عندك عاشر
&&&&&&&&&&&&&&&&&&&&&&&&&&&&&&&&&
رضا الخفاجي باز کردن / نظر دهید

2022-07-26 08:06:16 # قصائد محرم الحرام
القصيده الثالثه ( ثكيل)
القصيده تحكي
●○●○●○
معاناه مولاتي فاطمه العليله بعد فراق الحسين عليه افظل الصلاه و السلام
■□■□■□■
عالباب ٠٠٠٠٠٠٠٠٠اعاين وانتظر بلكت يردون
عالباب ٠٠٠٠واسكت والحجي بدمعات العيون
دمعه تسولف لدمعه٠٠٠واكعد وانتظر رجعه
عالباب **** عالباب
&&&&&&&&&&&&&&&&&&&&&&&&&&&&&&&&&&

و من طبع اليفارك محب تاكل بروحه الحسره
عايش يضل بس عالجسد وبلروح خلص عمره
الفاكد عشيره ومو شخص عالفركه الله يصبره
و الليل يكظي وي الدمع وب الموقف اليتذكره
بليلي واشعل الشمعه
وأكعد وانتظر رجعه
عالباب **** عالباب
&&&&&&&&&&&&&&&&&&&&&&&&&&&&&&&&&&
الفاكد اهل وكت العصر يدري اليدور بحالي
وعيونه تربه عله الدرب بلكت يرد له الغالي
من اغفه واسمع صوت افز رد الضعن حسبالي
و اركض واباوع عل المهد ولن المهد هم خالي
صوته ويمنه ما اسمعه
وأكعد وانتظر رجعه
عالباب **** عالباب
&&&&&&&&&&&&&&&&&&&&&&&&&&&&&&&&&&
من الصبح حد المسه من الدمع حمره اعيوني
ينشاف ظل بيه الوجع امن الفركه باهت لوني
وكل الوجع من المشوا ولوحدي من عافوني
وما بين حيطان اربعه بمثل السجن خلوني
الاءلم من كلبي شيطلعه
وأكعد وانتظر رجعه
عالباب **** عالباب
&&&&&&&&&&&&&&&&&&&&&&&&&&&&&&&&&&
مو ماي طشيت الدرب طشيت روحي بدربه
من كتله اخذني وماقبل بعيوني شفت الغربه
ماعندي بس جلمه يرد والباقي هم مو صعبه
وبخلافه إصد لحالتي حتى العدو اكسر كلبه
واكسر خاطره بسرعه
وأكعد وانتظر رجعه
عالباب **** عالباب
&&&&&&&&&&&&&&&&&&&&&&&&&&&&&&&&&&
واشتاك الهم كل وكت تزيد المرض هاللجمه
من اتذكر ايام المظت وابجي عله ذيج اللمه
شكد فرق مابين الامس فرق الارض عالقمه
بالاءمس جانوا خيمتي وعالفركه ما متعلمه
كبل خواني متجمعه
واكعد وانتظر رجعه
عالباب***** عالباب
&&&&&&&&&&&&&&&&&&&&&&&&&&&&&&&&&&
لخادم صاحب الزمان عج رضا الخفاجي باز کردن / نظر دهید

2022-07-24 17:47:34 # قصائد محرم الحرام
القصيده الثانيه ( ثكيل )
الحمد لله بخدمتك خلصت سنيني
وعهد للموت اءظلن خادم حسيني
مايسوه العمر دونه
خذينه الفتوه من جونه
وصبح تقليدي جون المرجع الديني
&&&&&&&&&&&&&&&&&&&&&&&&&&&&&&&&&&
وكل بشر يعشكله بشر وبغيره ابد ما يهوه
بس انه حبي اليختلف التروحله الكل فدوه
محبوبي سيد عالبشر بدونه العشك مايسوه
من عابس اتعلم عشك ولروحي صار القدوه
ماهيتي وهوه انفاسي
وحبه الي رفع راسي
حسين وعاشك عيونه
ومايسوه العمر دونه
وصبح تقليدي جون المرجع الديني
&&&&&&&&&&&&&&&&&&&&&&&&&&&&&&&&&&
حسين الصبح كل دنيتي مو بس شعر وحجايه
حسين القبول لكل عمل و ينعد وسيله وغااايه
حبه الاصل لا مو فرع وجوه الله نازل بااايه
والراد يرضي الله بعمل يرضي الحسين هواايه
حسين الحبه مايخسر
واسمه اليطردنه الشر
المذنب مايتركونه
مايسوه العمر دونه
وصبح تقليدي جون المرجع الديني
&&&&&&&&&&&&&&&&&&&&&&&&&&&&&&&&&&
كالوا لي ماتفرح ابد بعدك شباب عله الجرح
وثوبك الاسود بدلهه انسى الحزن والبس فرح
مادرو من أجلي الجره ياناس عبد الله انذبح
حتى انه ارفع راسي اظل حسين انرفع راسه برمح
علمودي وماشرب كطره
شوفي الظحه الي بنحره
ومشاهم سبي ظعونه
ومايسوه العمر دونه
صبح تقليدي جون المرجع الديني
&&&&&&&&&&&&&&&&&&&&&&&&&&&&&&&&&&
اسمك صبح للحب وقف بغيرك فشل ينعد عشك
كل العشك جذبه وملل بس عشك الحسين لصدك
وجرب البشر من تبتعد ومن عدهه بابك ماايدك
وحسين روح انطاهه الك لاجلك حدر خيل السحك
كله لخاطر احبابه
فدوه انطاهم اصحابه
وماينسدن اديونه
مايسوه العمر دونه
وصبح تقليدي جون المرجع الديني
&&&&&&&&&&&&&&&&&&&&&&&&&&&&&&&&&&
شكم فطرس بحبك نجه جم ملك يم بابك سجد
ماترجع ايده المدهه الك والصاح ابو الاكبر مدد
والصعبه عد هاي البشر و عد بابه تنحل الشدد
وانا اءطلبت منك طلب بس هوه ما رايد بعد
ارزقني بدمعه لخيامك
وبيه يصيرن الآلامك
حلم اصبحله مجنونه
و مايسوه العمر دونه
صبح تقليدي جون المرجع الديني
&&&&&&&&&&&&&&&&&&&&&&&&&&&&&&&&&&
رضا الخفاجي باز کردن / نظر دهید

2022-07-23 14:41:05 القصيده الاولى
##شهر محرم الحرام
( قصيده ل مولاي صاحب الزمان)
<><><><><><><><><><><><><><><><>
( قصيده ثكيل )
_______
جم عاشر اجه وراح وانته ولاخبر منك
ورغم جروحك هواي بس محد عرف ونك
يل المهدي ومن يجي الليل
خيم تعرضلك وخيل
ودوست صدر الحسين واضلوعه اليلجمنك
<><><><><><><><><><><><><><>
جم عاشر بعاشر يمر وانته عله نفس الحاله
يومك تخلصه وي الدمع وعينك تصد هماله
الفارك اهل وكت العصر مايصفه عقله واباله
اتشوف الحسين بكربله بلا غسل محد شاله
دموعك حمر من تسيل
يل المهدي ومن يجي الليل
ودوست صدر الحسين واضلوعه اليلجمنك
<><><><><><><><><><><><><><><><>
والف سبعيمه جرح وفوكاهه جرح الاكبر
عبدالله والقاسم بعد ياهو اليجرحك اكثر
تشاهد حوافر داسته وجم عظم منه تطشر
والظعن يمشي بلا ولي السجاد بحبال انجر
من المرض ماباقي الحيل
يل المهدي ومن يجي الليل
ودوست صدر الحسين واضلوعه اليلجمنك
><><><><><><><><><><><><><><><><>
لو تنسئل عن الالم تجاوب ب اخ من الشام
والسبي الكاسرك ظهر وما تغفى عينك وتنام
بعدك شباب وشيبت وما لحظه وتفك الثام
من حقه لو ظل بحزن الميت اله الشيخ العام
وبروحه بس حزنه يشيل
يل المهدي ومن يجي الليل
ودوست صدر الحسين واضلوعه اليلجمنك
<><><><><><><><><><><><><><><><>
ومحد يحس بكل اءلم اله اليعيشه ابروحه
ماندري ياهي التوجعه والمهدي كثره اجروحه
ومحد يوصف حزنه ابد لو الف عنده اطروحه
و راجع زياره الناحيه المهدي اليوصف نوحه
وماحاجه للقال وقيل
يل المهدي ومن يجي الليل
ودوست صدر الحسين واضلوعه اليلجمنك
<><><><><><><><><><><><><><><><>
ملخص خواطر كل محب يلمهدي جلمه وينك
ويصرخ بكل مجلس الك ويوأسي دمعه عينك
بكل قوه يلطم عالصدر لو سمع طاري حسينك
ويرفع اجفوفه ويدعي الك ويكولهه الله يعينك
بالطف شفت انته الويل
يل المهدي ومن يجي الليل
ودوست صدر الحسين واضلوعه اليلجمنك
<><><><><><><><><><><><><><><><>
لخادم صاحب الزمان (عج )
الشاعر رضا الخفاجي باز کردن / نظر دهید

2022-07-23 14:38:11 ياصاحب الزمان مدد سوف اقوم بنشر القصائد ب الترتيب واسالكم الدعاء احبتي باز کردن / نظر دهید

2022-07-19 17:22:09 اليحب اضيفه يراسلني خاص خادمكم رضا الخفاجي باز کردن / نظر دهید

2022-07-19 17:21:52 باز کردن / نظر دهید