ثقافة_جنسية_صحيحة الجنس والحَمل هل ينفع نمارس الجنس أ | 💕زوجى قره عينى💕💓
ثقافة_جنسية_صحيحة
الجنس والحَمل
هل ينفع نمارس الجنس أثناء الحمل
طالما مفيش مشاكل في المشيمة، وطالما الزوجة معندهاش مضاعفات ولادة مُبكرة، يبقى مفيش مشاكل مطلقا لإن الجنين محمي فعليا بالسائل الأمينوسي في الرحم و بعضلة الرحم نفسها، وهي عضلة قوية جدا.
طيب هل ممكن الجماع في أول الحمل يسبب إجهاض للجنين لا.. مفيش علاقة أصلا بين الاتنين، حالات الإجهاض معظمها بيكون بسبب عدم نمو الجنين بشكل طبيعي، فلو مفيش مشيمة منزاحة أو مخاوف مخاض مُبكر، يبقى مفيش مشكلة خالص في الجماع في بداية الحمل.
طيب هو ممكن الجماع يسبب الطلق في الشهور الأولى لااااا .. لكن ممكن في الربع الثاني من الحمل، ويزيد في الربع الأخير، ده لإن عندنا في الحيوانات المنوية مادة محفزة لنشاط الرحم، هي مادة عبقرية الأطباء أصلا بيستخدموها علشان الولادة تتم، البروستاغلاندين العبقري.
طيب هل في أوقات معينة في الحمل ممنوع فيها الجماع بص خلينا نكون مُفَصًّلين شوية، تحفيز الثدي وهزات الجماع والبروستاغلاندين اللي في السائل المنوي ممكن يكونوا عوامل مساعدة لـ تقلصات الرحم.. فخلينا نقول إن لو في حاجة من الحاجات دي بلاش جماع إلا بمراجعة الطبيب لو في نزيف مهبلي غير مبرر. لو في تسرُّب في السائل السلوي اللي هو جوه الأمينوتي اللي جوه الرحم. لو بدأ عنق الرحم يفتح قبل الأوان (ما يسمى بـ قصور عنق الرحم) لو كانت المشيمة مغطية كليًا أو جزئيًا فتحة عنق الرحم (المشيمة المنزاحة) لو كان عندنا تاريخ مع المخاض المبكر أو الولادة المبكرة. غير كده، اعملوا الجنس براحتكم عادي..
هل ممكن اسبب لزوجتي التهابات في المهبل بسبب الجماع أثناء الحمل ومش أثناء الحمل والله يا خويا آه طبعا ممكن تسبب التهابات لكن ده مش هيضر الجنين بشيء نهائي بإذن الله لا تقلق، لكن لو حضرتك كزوج عندك كلاميديا أو ثالول تناسلي أو هربس فـ طبعا ده خطير جدا.. ممكن بقى ساعتها نستشير الطبيب عن استخدام الكاندوم في الوقت ده.
طيب أنا هتوقف عن الجماع في الشهر التاسع علشان خايف عليها خافت عليك عيشتك يا بعيد لا تتوقف يا ولد عن الجماع في الشهر التاسع لإنه شيء جميل ليهم جدا، لا تتوقف إلا لو كان في مشيمة منزاحة أو انفصال مشيمي، ولو في حاجة من الاتنين دول موجودين الدكتور هيقول لك دوس فرامل..
هي أصلا مش حاسة بأي احتياج للجماع وانا بقيت حاسس انها باردة لو لمحتك هاجري وراك بالشبشب والله زوجتك بتمُر بمراحل نفسية وجسدية خاصة بالعلاقة الجنسية أثناء فترة الحمل ممكن نقسمهم لـ ثلاث فترات.. الثلث الأول: الهرومانات بقى في بداية الحمل بتقلب معاها بإنك ريحتك وحشه، ومش طايقاك، ولا طايقة أي حاجة ولا اي حد من طرفك، ومش طايقة نفسها وام محمد ومحمد ابن الجيران، ومشابك الغسيل.. هي مش طايقة حاجة، فمتحاولش غير انك تهديها نفسيا واستحمل يا ديب فريزر انت يا جميل ربنا يكملك بعقلك الثُلث الثاني: أول ما الهرمونات تبدأ بقى تتعدل شويه ونفسيتها تستقر وآلام بداية الحمل والترجيع تنتهي، هتبدأ رغبتها الجنسية تزيد، ويمكن في الفترة دي العلاقة الجنسية تكون لطيفة. الثلث الأخير: ... ف ده عجيب شويتين.. النساء فيه يا إما تزيد رغبتهم بشكل مبالغ فيه وكفي انت بقى يا معلم.. يا إما تنقلب الضد تماما، ف انت ونصيبك.. الموضوع عامل زي البطيخه، بتشتري سمك ف ميَّه حرفيا يا قرعة .. يا حمراء البطيخه هاه.. كل التغيرات دي معتمدة على الهرمونات، والله المستعان خليك راجل وشهم في كل الأحوال فإنهن خُلقن من ضلع أعوج.
طيب ليه نعمل جنس أصلا أثناء الحمل، إيه هناكل مصر، ما نصبر شوية الجنس أثناء الحمل لطيف جدا نفسيا ليهم، ولينا الحقيقة التقارب الجسدي ده بيخلي حالتهم النفسية مستقرة وده بينعكس على الجنين، تخيل إنك لما كنت جنين كنت بتتبسط من العلاقة كمان الجنس بيساعد على تهدئة آلام الجسد، وعلى تفريغ التوتر وضبط صحة القلب وضرباته بشكل عام.. كما إن دورة الهرمونات مع الجنس بتكون حالها أفضل، وده بيقلل احتمالات اكتئاب الحمل وما بعده
البغاشة خليك فاهم كويس جدا إن تبدل أحوال النساء النفسية فترة الحمل.. ده شيء طبيعي جدا، انت بمجرد ما زوجتك تبقى حامل انت كمان هتحمل معاها، هي حامل في الطفل وانت حامل مسؤليات أكبر تجاهها وتجاه احساسها ومشاعرها وتقلب عواطفها، فعلى كل حال خليك شهم ومجدع وراجل وِلد أبوك بصُح ومتفكرش في الجنس لأجل الإمتاع في المقام الأول، ولكن لاجل المشاركة والتسهيل والاحتواء والطبطبة.. اتمنى تكون فهمتني
