كلمتين يا رب نفهمهم علشان والله العظيم فيهم خلاصة وجع قلب كبير | مواعظ تريح القلب الحزين

كلمتين يا رب نفهمهم علشان والله العظيم فيهم خلاصة وجع قلب كبير...

حضرتك ممكن تختار سيارة مناسبة ليك، ولاحتياجاتك، لكن إهمالك في العناية بيها ممكن يخليها بلاء، وتعطلك، وتنكد عليك، فتقعد تشتكي من سوء الاختيار، مع إن مشكلتك كانت في العناية بقرارك (الصح)!!
ووارد العكس، تختار سيارة لا ترتقي لأحلامك، لكن اهتمامك بيها، وعنايتك بصيانتها، وإحساسك بمسؤوليتك تجاهها يسعدك.

والجواز كدا والله العظيم، شفت ناس كتير اختاروا صح، بس غبائهم في الاهتمام بشركاء حياتهم غير طباع الشريك، خلاه شريك مخالف مش شريك حياة، وإهماله الانتباه لإشارات مهمة تفيد وجود كارثة كان منعدم، فانقلبت حياته، وخيمت عليها التعاسة.
وشفت ناس تانية، اهتمامهم بشريك الحياة أخرج أفضل ما فيه، ونقل زواجه لمنطقة عظيمة من المودة والحب والتفاهم.

أرجع وأقول إن الاختيار الصحيح لشريك الحياة أمر جوهري، لكن الأكثر خطورة منه الاهتمام بيه.
وإن الأهم من الوقوع في الحب.. الحفاظ عليه..

.كريم الشاذلي