#عيش_الطوة عيش الطوة هو الحل للناس المابتحب اللب الكتير ا | المطبخ السوداني الحديث
#عيش_الطوة
عيش الطوة هو الحل للناس المابتحب اللب الكتير
المقادير
ملعقة كبيرة خميرة، ملعقة كبيرة سكر، تلاتة ملاعق كبار زيت. كبايتين موية ، كبايتين دقيق، كمية من الدقيق لحدي ما العجينة تفك من اليد مابقدر احدد لأنه انواع الدقيق بتختلف
الطريقة
في كوب نضع الخميرة والسكر ونضيف ليهم مقدار كوب موية دافية ونحركهم شوية ثم نضيف الزيت، نخلي الخميرة تشتغل وتفور في الكباية حتى نضيف الخليط ده ومعاه كوب موية تاني لكوبين من الدقيق يعني لكل كباية موية كباية دقيق ده العجينة الأولية، حتطلع عندك عجينة لينة شديد زي عجينة القراصة نغطيها ونخليها لما حجمها يتضاعف واجي ازيد عليها دقيق واعجن لحدي ماتفك العجينة من اليد بواصل اعجن مسافة لحدي ما العجينة تبقى ملساء وناعمة ولونها يفتح شوية بعد كده ببدا اشتغل طوالي واقسمه لكور صغيرة بحيث الكورة لما افردها تكون قدر العيش البلدي العادي، والفرد يكون متساوي وماخفيف ولا تقيل شديد واخت في فوطة مطبخ ولازم العيش المفرود يتغطى بفوطة تانية عشان ماتخشو رطوبة وينشف من فوق ، بعد اخلص ببدا اسخن الطوة شديد واشيل اول عيشة فردتها بتكون فارت شوية بخليها لثواني واقلبها بالجنب التاني واخليها لما تتنفخ حتى اقلبها تاني لحدي ماتستوي
