2021-07-22 09:35:38
#العيد_فرحة
ربنا جعل العيد الكبير والعيد الصغير مواسم لصلة الرحم
7 أيام العمل الأول فيهم صلة الرحم
لكن السوشيال ميديا دمرت صلة الرحم
كتير دلوقتي بيعَيّد على أقاربه ببوست على الفيس أو الواتس
صلة الرحم أعظم من كده بكتير
العبادة الوحيدة اللي ربنا اشتق اسمها من اسمه
الرحم مُعلقة بالعرش
اطلع بقلبك للملأ الأعلى لحد ما توصل للعرش
الرحم بتقول لربنا أعوذ بك من كل قاطع
متقولش بصِلهم عن طريق التليفون
التليفون ده للظروف الصعبة جدًا مش في كل الأحوال
لا يدخل الجنة قاطع
3 عقوبات مرعبة لقاطع الرحم :
رأيِ وباله قبل أن يموت
يتعرض للأذى البدني والنفسي في أيامه الأخيرة
تكون نهايته سيئة
أعمال العباد تُعرض على الله يوم الجمعة فلا يُقبَل عمل قاطع
يعني هتُسقِط عن نفسك التكليف فقط
فلا تنفعك في دنيا ولا آخرة
قال النبي ﷺ :
"ما من ذنبٍ أجدرُ أن يعجِّل اللهُ تعالى لصاحبه العقوبةَ في الدنيا، مع ما يدِّخر له في الآخرةِ، مثل البغيِ وقطيعةِ الرحمِ"
هتقول :
ظلمك
بينكم قضية
شتمك
مكسوف
مش بيسأل فيك
ليست أعذار
يقول النبي ﷺ:
(أفضلُ الصدقةِ على ذي الرحمِ الكاشحِ
يعني اللي بينك وبينه عداوة
قريبك علاقة قهرية ملاكش فيها إختيار
يعني مفروضة عليك
دي بتاعة ربنا
أنت بتعامل ربنا مش بتعامل البشر
قال النبي ﷺ :
(لَيْسَ الوَاصِلُ بِالمُكَافِئ، وَلكِنَّ الوَاصِلَ الَّذِي إِذَا قَطَعَتْ رَحِمُهُ وَصَلَهَا) )
صلة الرحم بتحل أكبر مشكلتين عند الإنسان
الرزق
قال النبي ﷺ :
(من سرّهُ أن يُبسَط لهُ في رزقِه)
الأجل
(وأن يُنسأ لهُ في أثرِه)
ربنا يبسط الرزق ويَمُد الأجل بسبب صلة الرحم
مثلما تُعَجل عقوبة قاطع الرحم في الدنيا كذلك يُعَجل له الثواب
هيشوف كل الخير في حياته
احذروا عقوبة قاطع الرحم
#زور_أقاربك_متعاديش_ربنا
#اتبع_سنته_تسعد
36 viewsنور الهدي, 06:35
م
