2021-08-14 14:00:13
من الأشياء العظيمة الكثيرة في الإسلام ..
أن النتيجة لا تهم بعكس كل شيء في الدنيا.
- مهما قريت وتعبت، المهم تنجح أو لا ؟
- مهما كنت مؤهل لشغل وعندك شهادات، المهم حصلت الوظيفة في الأخير ولا لا؟
- مهما درتي رجيم ورياضة وحرمتي روحك من مالذ وطاب، المهم وصلتي للوزن المثالي أو لا ؟
الناس والدنيا كلها يركزوا بس في النتيجة والنهاية، ماحد يعير في اهتمام لكِ، شنو قدمتي قد ايش تعبتي !!
إلا الله - عز وجل- سبحانه
مع الله النتيجة لا تهم، اللي يهم أنت شنو قدمت والجهد اللي بذلته.
- يعني مرات عمرك كله تحاولي تنصحي صحباتك وعيلتك بشيء معين، ولا واحد منهم سمع نصيحتك
في قانون الناس، أنتِ فشلتي، مش قادرة تأثري في حتى وحدة !
لكن عند الله، الموضوع يختلف تماماً.
أنتِ داعية لله، وأجرك أجرين بإذن الله أجر الدعوة وأجر الصبر.
- مرات في ذنب معين مش قادرة تسيبيه، تتوبي وترجعي للذنب، وبعدها تتوبي وبعدها ترجعي للذنب وهكذا ..
في قانون الناس، أنتِ فاشلة مش قادرة تتوبي وتسيبي هذك الذنب !
لكن عند الله، الوضع يختلف تماماً !
عند الله أنتِ من التوابين اللي ربي يحبهم.
تأملوا كيف ربي رحيم، كيف سند لنا !
مهما فشلنا في الدنيا في نظر الناس، عند الله قصتنا لها وجه آخر جميل.
جميل جداً بإذن الله
119 views11:00
ر
