2022-06-08 12:39:40
•
جانت قصة حب بيني وبين شخص معين
مليت عليه دنيته بحب واهتمام وحنية ما عمره يلاكي منها
ما انكر انه انسان زين ومحترم
بس
فلانه سوي هيج تطلعين احلى
فلانه انتي حلوة بس اريدج اجمل الجميلات
فلانه غيري هيج شي حتى نزوج دانتظرج تتغيرين
هذا الكلام جان يترك اثر جدا مؤذي وحزين بخاطري وكرهني بنفسي لابعد حد
كلت ميخالف يجوز مو قصده يجرحني خل اماشيه
وصل مرحله اكله خل نلتقي يكلي اذا متغيرتي مثل ماريد لا تطلبين تشوفيني
اني طلع مني تصرف عفوي من جرحي من خيبتي
حظرته من كل مكان وانعزلت عن الدنيا
وعشت اسوء فترة مرت عليه ....
وره شهر من تصرفي هذا بده يتودد ويتملق وارد اشوفج واشتاقيتلج ووووو.....
مارديتله ومرت ٥ شهور تقدملي اكثر انسان حنين شفته بعمري وافقت عليه
اليوم مرت ٩ شهور على فراقي من الشخص القديم
واكاد اقسم كل يومين يدز رساله فحواها التالي
ماريد كلشي بس اسمع صوتج ٥ دقايق بالاسبوع
وشوفتج لو بالروح تنشرى اشتريها
اني غلطت واسف وندمان ليش هيج سويتي بيه ...
جنت اموت قهر واذى نفسي لدرجة الانهيار من اقرا رسايله
لان احبه حب بس الله يدري بيه
وحتى جنت احس بذنب انه داظلم الشخص اللي تقدملي لانو بس اريده ينقذني من نفسي
ومر الوكت وعدا كل شعور بائس ومؤذي عشته
بفضل الله وعوضه الي
اللي اريد اكوله الكم انو بعمركم لتخلون عاطفتكم تدوس على كرامتكم
الانسان اذا حن لشخص ميستاهل معناها يهين روحه
اللي ما يحفظ كرامتك بعمره ما حبك
اللي ميشوفك دنيا لتشوفه اصلا
والله رب قلوب ونيات
26 views𖡢𝕖𝕞, 09:39
𐚁
