- خلاص هانت فاضل كام ساعة والمأذون يوصل ونمضي على اهم عقد فـ ح | 𓄼 Ë𝙻 3𝙰𝙻𝙰𝙼 ..🖤🪐 _ العالم

- خلاص هانت فاضل كام ساعة والمأذون يوصل ونمضي على اهم عقد فـ حياتنا
-- طارق انا خايفه
- وانا جيت النهاردة عشان اطمنك

جيت عشان اطمنك واقولك ، اني لسه الراجل اللي انتي عرفتيه من ٣سنين ، راجل مبيتغيرش مهما زاد عليه او نقص منه ، راجل لسه فـ عيونه الشغف ليكي وفـ قلبه سرك واحلامك..

جيت عشان اقولك ان الجواز مش اول شهر بس وبعد كده هتحسي نفسك مربوطة ف سايقة الغسيل والطبيخ وشغل البيت ،جيت عشان اقتل كام فكرة فضلوا معششين جوا دماغك من كلام صحابك اللي سبقوكي ف الجواز .. يمكن لما يجيلنا طفل شكل الحياة يتغير ..

وبدل ما كنا بنخرح كل جمعة ، نخرج جمعة واحدة ف الشهر ، يمكن بدل فلوس السينما والدليفري نجيب بيهم هدمه لعيل من عيالنا ولا حتى ندفع فلوس دروس العيال..

اكيد شكل حياتنا هيتغير ، وبدل ما تطلبي مني حاجات حلوة وبيبسي وانا جاي ، تطلبي مني اجيب لبن وعيش كيزر عشان سندوتشات العيال الصبح..

شكل حياتنا ممكن يتغير ، بس انا عمري ما هتغير..

هفضل حنين عليكي ، واطمنك كل شوية عشان عارفك مهوسه وبتخافي ، الحياة اتفه من اننا نعلق المشانق لبعض ونقسى فيها ع بعض ، انا هاخدك من بيت راجل لـ بيت راجل ، هاخدك عشان اقويكي واحافظ عليكي وماعزش عنك حاجه..

متخافيش طول ما انا جمبك تاكدي ان هعمل كل اللي اقدر عليه ويخليك راضية عني وربنا راضي عني.. انا راجل دايماً كفة الحب عنده بتميل لك وعمرها ما تميل لغيرك ، انا جيت لك زوج واب وحبيب وانتي جتيلي الدُنيا بحالها فـ عيني يانور عيني

اطمني .