الشاعر الحسيني سيف علي الفرطوسي

2022-02-02 13:44:43 باز کردن / نظر دهید

2022-01-17 16:03:22 ام البنين ( ع ) توّصي العباس ( ع )
في الامام الحسين ( ع )
وهو صغير فالمهد والحسين ( ع )
خلف الباب يسمع وصية ام البنين ( ع )


يمه تركض من يصيح      وسيدي نادي الذبيح
انه وعدي يمه دين       تنطي روحك للحسين
ــــــــــــــــــــــــــــــــــــــ
لبني اسولف بالمهد      
كون لحسينك سند 
وكون ما ترجع ابد             عليه

انه كل تعبي وشكاي       
لحسين اريدله ماي
كون بحَرْهَ انته فياي   بغاضريه

انه اريدنك سند لحسين اخييك
وكون من حر الشمس تراويله فيّك
وكون بالخيمه الگمر يدخلهه ضيّك

يمه اريدك بالحرب  
لهوه اعله زينب ما يطب

وانه دمعي والونين     
تنطي روحك للحسين 
ــــــــــــــــــــــــــــــــــــــ
يايمه انه بالحلم        
شفت الحسين بلا هدم
والكمر شفته منثلم..ربي دخيلك
وشفت الخرابه والحرم  وشفت الشفايف كلهه دم
وزينب يسبوها الخدم.
وسمع ونينك

يمه زينب بالسبي صاحت كفيلي
صاحت عباس الكمر شو ما يجيلي
 يمه وآنــه بالحلم هدتلي حيلي

يمه بناتي باليسر           
اذاهن سياط الشمر

والگمر ضايعلي وين      
تنطي روحك للحسين
ــــــــــــــــــــــــــــــــــــــ
يمه لا توصيني هيج       
الشط اجيبنه واجيج
وانتي خنكيه بأديج   ولونه اغيره
يمه احسيني الهوه        
من نوره يترسني ضوه
لما عنده مثلج ما حوه. امي الاميره

يمه لا توصي بعد فدوه للحسين
وانه يا يمه بمهد يهمسلي مرتين
گلي تگدر عالـ نهر تنطيني جفين 

انه ترباتك علي        
وزينب نادت كافلي

وامي وصتني زين    
تنطي روحك للحسين
ــــــــــــــــــــــــــــــــــــــ
انه سولف علحجاب        
اعله زينب والرباب
حسين واكف وره الباب       وكَلي سمعته
وهو اخذ وجهه الفشل
كاروكه ناگع بالخجل
ينضر ودمعه نزل       كافل اخته

يباوع بنضرة خجل ودنك للحسين
ايگله افديك بنحر ونطيك جفين
وامي تخجل مستحه تنذرلك بنين

وامي ماتت مستحه     
مثل حب وسط الرحه

تطفه شمعات السنين   
تنطي روحك للحسين
ــــــــــــــــــــــــــــــــــــــ
لحسين جاوبهه بخجل     
يمه لا توصي الفحل
حسين لكاروكه نزل           اويلعبـه
هذا قطعه من الگلب      
وهو جاهز للحرب
لهوه بريته لو يطب           يكطعه

هو ابصغره الكمر حيدر يسميه
هو بريشات ونهر حيدر يلوليه
وجان بعباية زينبه حيدر يغطيه

وجان بي ريحة عبأ      
يغفه هو بمشتها

وانه اسمعه بالانين
تنطي روحك للحسين

ــــــــــــــــــــــــــــــــــــــــــــ
الشاعر سيف علي الفرطوسي باز کردن / نظر دهید

2021-07-25 16:46:06 قصائد محرم الحرام

يا شيخ العشيره الماله فزاع
ما تمشي السفينه بدون الشراع
انه دري السفينه تموت بالماي
بس انته متت ضامي على الكاع

كرهت الماي من دونك... اشربنه وتجي عيونك
ثلث ترباع هل دنيه   ... ماي وما يشربونك
_________
يا أول رسم بعيون الطفال
يشوفونك جسد بس فوكه جتال
شماله الغيم ما يكسرلك الحر
بس حر الشمس ما قصر وطال

شماله السعف ما يفزع... اعله جسمك ما حنه ويركع
يفيله سموم الصيف    ... ضل لابد ولا يطلع
________
سؤال أبالي والوادم يسئلون
كل هذا الخلك يمك يدنكون
جا ليش ابمحرم بس الطفال
ضل عاري الجسد او ما يفزعون

من نورك خلق الله... الدنيه وعرشه والكرسي
فزعت الخلق كله ... لحد ما انكطع حسي
_________
عجيبه الكاع شافت جسمه عاري
ما يفزعله كل رمل الصحاري
رملات الصحاري تعمي العيون
خاطر ما تشوف ركض البراري

يفزعلي ذره الصحره ... ويطفي بارض جمره
ما فزعتله حتى ارمال.. مبارك باجيه الصخره
_________
سيف علي الفرطوسي باز کردن / نظر دهید

2021-07-25 16:45:04 قصائد محرم الحرام

شيلزمه الدمع فاضحهن اعيوني
صبح لون العبايه منل بجي جفوني

شسولفلك بعد وحجي
ماكو جفوف التجي
حتى ناكه هم تبجي

صبح حالي مثل مشلول يمشي بلايه عكازه
سوهه الوكت وياي وخله عازتي عازه
ابنادم بالأصل ميت لمن ماتو اعزازه
_______
ما أكدر اسولف يا هضم احجي
جن لون الكطن صبح تره رمشي

المصيبه شيبت راسي
المصيبه تهضم احساسي
تره فراك الخو قاسي

انه ادري الاخو لو مات اخته اتروح جنازه
بس جسمك بقه بصحره ويدور عله عزازه
يريحه الهيل ضل فايح جسدكم عازته عازه
______
التكتني صدك المو عرف يضحك
من دون الخلك ربك رفع رمحك

معروفه طباع الهيل
شما تسحك بيه الخيل
تشمه من تبعد ميل

شما تسحك عليك الخيل عطرك تارس الحومه
معروفه طباع الهيل بطحنه نباكن اهدومه
ومن كد الطحن والدك ضاعن حتى ارسومه
______
عفاف الله بهزيله وهاي الي هضمه
مشوني بدرب بيه يستحي الزلمه

ضعن الله مشه بغربه
عفاف الله عليه صعبه
غضب ربك اجه ايصبه

حتى الطير هم يبجي زينب ضلت بحيره
جابونه بسموم الصيف من ديره اطب ديره
بجيت السمه والكاع من كالولي ايسيره
_______
سيف علي الفرطوسي باز کردن / نظر دهید

2021-07-25 16:43:26 قصائد محرم الحرام

عمه زينب .. عمه زينب .. عمه زينب
____________
تمنيته يجيني ... ابوي ويعتنيني
وشوفه متني صاير ... لونه اسود

مغطيني كبل عطفه ... من شمنه كبل اشفه
يشتموني الغرب وسفه .. وانه مدللة لحسين

عمه هذا هم فدوه ... لو واكف على طوله
تردلي الروح لو يرجع .. ابونه عز الرجوله
ااااه يا بويه ... ااااه يا بويه
_____
يسموني سبيه ... وادم اجنبيه
وينهه هل منيه ... ما تجيني

وين الله وصدك احلم ... وفزن والكه المهندم
وراسه بلا رمح يسلم ... ويرجع فدوه لعيونه

وين الله ويرد عمي ... وفوكي ترفرف الرايه
يرد وبجفه خيط حلوك .. ويرد كلمن حجه حجايه
ااااه يابويه ... ااااه يابويه
_____
جتفولي اديه ... ما جن هاشميه
انه اسمي رقيه ... حيروني

اصيح وما يسمعوني ... اهلنه ما يردويني
بس شمات يعيروني ... يكلولي هلج لا وين

انا بنيتك يابو اليمه ... ننام بغربه هم زحمه
ردت جسمك احضننه .. وشبع شوف وشمنه
ااااه يا بويه ... ااااه يا بويه
_____
بعزنه والمهابه ... يكعدونه بترابه
نموت احنه بخرابه ... ويدفنونه

انه تمنه يحضروني ... وبالرايه يجفنوني
وبكبري ينزلوني ... وابوي حسين امنكب

انه ادري بحرك خيمه ... تموت وياهه ضحكتنه
اموتن انا راح ارتاح ... بس همنه اعله عمتنه
ااااه يابويه ... ااااه يابويه
______
سيف علي الفرطوسي باز کردن / نظر دهید

2021-07-25 16:42:09 قصائد محرم الحرام

حي الله ابو فاضل .. حي الله ابو فاضل
_____
نزل صوت السمه بارضه .. بس عباس خالسهم
متطه الشكره ونزل بيهم .. ضل يسحل شوربهم
ما حاجه الك عزريل .. لجهنم بيده شمرهم

بقه عزريل متحير تره بامره
حتى الشارد بخده اثر سطره
يشمر للسمه جثه بلايه روس
لان ماكو بشر منه سلم نحره

خاسفهه لضهور الخيل .. تعب كلش تره عزريل
بشر ما يتعب امنل روس .. ما يرضه بشر بيعيل
حي الله ابو فاضل ... حي الله ابو فاضل
________
انه القاهر انه الحاضر ... انه الخاطف بأمر ربه
يدُ اللهِ على ايديكم ... يا ويله الذي يضربه
هو الماءُ الذي يُحي ... ربك خله بالجربه

من نوره اخذنه شويه من خده
ادم بالنسب هم يعتبر جده
معروفه البشر مخلوق من الطين
ادم من تراب الماي من عنده

وترابه يصبح طين ... لو يسكنه بالجفين
لو خلص الماي بيوم .. يترسلك بماي العين

حي الله ابو فاضل ... حي الله ابو فاضل
____
هو الصاعق هو الراعد ... واكبر سيف ايثلمه
هو الراجف بأمر ربه ... بجنسيته نكتب زلمه
تروط الكاع من يهجم ... خيرهم نزع هدمه

نزل عباس ويدور على الصيده
تطير الروح لو مرهه عصف ايده
وكف عباس خالسهه الزلم من صاح
سابيهه الشوارب مكيده بكيده

يجيب الماي بذراعه ... يشيل الماي من كاعه
لملم جروفه حتى يشيل .. اله مهله فقط ساعه

حي الله ابو فاضل ... حي الله ابو فاضل
_____
من نوره خلق الله ... العباس بالدنيه
هو الشايل لواء الله ... ابد ما تنحني هيه
انه القابض باذن الله ... ارواح الزلم بيه

انه لاكد مهرته وقابض الارواح
وحسين بخيامه خويه حيهم صاح
بس سمعت المهره وهيه شدت حيل
اصعدهه الجنايز قبل لا تلاح

يتكلب الوان الجاك ... تسحلهم سحل يمناك
ما لحك تره عزريل ... يسمعهه تراها الهاك

حي الله ابو فاضل ... حي الله ابو فاضل
______
بشر شتسولف بعلمه ... حيدر هو المفهمه
جان ايدرسه بس شغله ... حسين حسين كل علمه
اليوصل لخوك حسين ... ليهمك كبل ردمه

درس عباس يحمل بالوفه الرايه
الاول بالبجي من يحضر قرايه
ودرسه الثاني بالزوار من يمشون
ييتلكاه بجفوفه اليمشي مشايه

يوزع الماي بجفوفه ... هلا باليحضر يطوفه
معزب بالنهر عباس ... يعزب بالنهر ويفرغ جروفه

حي الله ابو فاضل ... حي الله ابو فاضل
______
الشيخ سيف الفرطوسي باز کردن / نظر دهید

2021-07-25 16:39:32 قصائد محرم الحرام
اهل القرى

شطوله درب الشام
يا قريه النطب بيهه يدك دمام
متحزمين اليه حزام
وفرحانه القرى جي حركو خيام

فرحانه الشماته الروس جابوهن
انواع الطرب وطبول لاكوهن
يسموهن سبيات ويضربوهن
__
دربي بس شمات
واحد حشم الثاني ضعنهم فات
دربي بس آهات
وبين اهل القره زحمه حرمنه تبات

بماي الحار وحجارات لاكوهن
انواع الشتايم همه سمعوهن
وبس احبال بيديهن يجروهن
____
وشيحمل دربنه
ضعن الله بهزل محد رحمنه
ماكو حامي لحرمنه
روس فوك رماح تمشي زلمنه

يفوتونه بقرى تكره اسمنه
خيرهم بالحجارات يضربنه
خيرهم لون بيده شرب دمنه
__
وصلو بينه  الشام
يكعدوني بخرابه وما صفتلي خيام
حرنه وين انام
يكعدونه بخرابه وبيهه كومه زلام

خرابتنه زغيره بلايه بيبان
وحراس الخرابه همه شيطان
بس أطفال احنه وكومه نسوان
_
سيف علي الفرطوسي باز کردن / نظر دهید

2021-07-25 16:35:47 قصائد محرم الحرام شور


ااااه على خواني .... ااااه يا ولياني

انه زينب يا بو فاضل حبيبي وروحي يالكافل
دكوم اكعد تلكاني يالبكصتك نهر شايل

دكوم الحك علينه تره وليه نولينه
وسفه محد يجينه
راسك كله غيره وحرمتكم اسيره
فروهه بجزيره
اااه على اخواني ... ااااه ياولياني
_
اجيت وما تلكوني وحدي بهيمه خلوني
تاليت العمر امشي وسوطه ورم متوني

جبتهن روس اخوتي ويا اعظم بلوتي
تمنيت انه موتي
ودور وين الكبور ورجع راسه اليفور
ورجع صبعه مبتور
ااااه على خواني ... ااااه يا ولياني
_
من ضيم اليسر جيتك محنيه انه اعتنيتك
بكبره نايم الكافل مكطع خويه تاليتك

اجيتك وي اليتام بكبره نأمن انام
رقيه ماتت بشام
طفله وهم ولوهه قهرهه براس ابوهه
وبسوط اضربوهه
ااااه على اخواني ... ااااه يا ولياني
____
اخذني عمه للكافل لبيده شد لمحامل
لخاسف ضهر الكحيله جسمي هل هدل مايل

اخذني ااااانه يمه اريدن راسه اسلمه
ورجعه فوك جسمه
اريد اكعد وحاجي ونذكرهه التراجي
ونكثرهه البواجي
ااااه على خواني ... ااااه يا ولياني
____
اعذرني يا ابو رقيه رجعت ابنيته ما هيه
حرت خويه شكلك الخجل كاتلني ليليه

عكب حركات الخيام كفيله انه باليتام
ورقيه ماتت بشام
جابو خويه رااسك واضن الضيم جاسك
ماتت ويه ياسك
ااااه على خواني ... ااااه يا ولياني
____
سيف علي الفرطوسي باز کردن / نظر دهید