2019-07-21 20:56:25
الدللـــــول يحله هالگول
للي تسهر عالضنه بطيب الليالي
الدللـــــول يحله هالگول
للتهز بيديهه مهد وماهو خالي
________________ لو اجه الليل أنهـــظم حيل
تشهگ انفاسي اعلة الاطفال وبچيهة
اسمع اصوات كلــهة لوعات
من تناغي الــوالدة الطفل بحـــچيهة
من لگيت بمنحـــــــرك متجمد الــــــــدم
لو يحللــــــهة الشرع چــان اشربت سم
إذكر أرباك والتعب ذاك
سهرتني شمالك تريحـــــــني تالي
الدللـــــول يحلة هالگول
للتهز بيديــهة مهد وماهو خـالي
****شفت الاثياب بيهن اخضاب
أگمـــاطك الابيــــض أمس أحمر لگيته
ودم الاجروح منهن يفـــــوح
وينه عطرك ذاك يوليــــــدي اشتهيته
يبني چــــــــــــانت ضحكتك بالدنية عيدي
تسعة أشــــهر شلتك وستة اعلة أيــــــدي
عگب الطفوف چفي ملهوف
وعلة حضنك يمنتي تلــــــوم بشمالي
الدللـــــول يحلة هالگول
للتهز بيـــــــديهة مهد وماهو خالي
***** بالضمة اشفاي يبسن هــــواي
ولو بست نحــــــرك ينعّمهن حنــاني
گلبي محـــتار النبـــــل حـــــار
أشسوة بيك وآنة بالخيمة وچـــواني
روحي جــــــزعت وأعـــرف تحين المنية
يبنــــي لو بس نبلتك تعبــــــــــــر عـــلية
وآنة كل حين أحســد حسين
لن گبر واحد جمعـــكم يالغـــــــــوالي
الدللـــــول يحلة هالگول
للتهز بيـــــديهة مهد وماهو خــــالي
***** يمّة يا حيف حته بالطيف
حرملة وضحكـــاته ما تركوا منامي
والطم الراس وينه عبــاس
گلي عبــــاس انچتل ذاك هوة دامي
چــن صحت يا با الفضل عبــــــدالله وينه
شفته ظـل ايعـــاتب يســــــــــاره ويمينه
من هالاحلام ريت مـــــا نام
بيهة چتال الولد شامت أجــــــــالي
الدللـــــول يحلة هالگول
للتهز بيـــديهة مهد وماهو خالي
***** سجاد الاسدي
6.4K viewsedited 17:56
ق
